Luk 18:22 - JAM DE NHIALIC 2011

²² Na wën, aacï Yecu kakë piŋ, ke jɔ yɔ̈ɔ̈k an, “Ee tök tei yen ŋoot ke dak yïn. Jɔ kaku ɣaac kedhie, ku tɛ̈kë ke kɔc kuanynyïïn, ke yïn bï dɛ wëu paannhial: ku jɔ bɛ̈n, kuany a cök.”

Luk 18:22 ပူးပေါင်းရင်းမြစ်များ

Diɛt 27:4

Ee tök yen aa liɛm tëde Bɛ̈nydït, ee tök tei yen akaar: ee luɔi bän rëër ë Luaŋdït yic, në akööl ke pïïrdï yic ëbɛ̈n, bä kake piathde aa woi ëtɛ̈ɛ̈n, ku bä luɔi bï yen a wat aa kɔɔr.

Math 19:21

Go Yecu yɔ̈ɔ̈k an, “Na kɔɔr nɔn bï yïn piɔ̈u dikëdik, ke yï lɔ, ɣaacë wëuku, ku miɔc kɔc kuanynyïïn, ku yïn bï dɛ wëu cï kueet paannhial, ku bä kuany a cök.”

Luk 10:42

ee tök tei en dak. Ku Meri acï baŋ piɛth lɔc, baŋ cïï bï nyaai tëde yen.”

Luk 12:33

Ɣaackï ka cath në week, ku miackï kɔc kuanynyïïn, yak röt luɔi anyɔŋɔɔ cïï bï dhiap, yak wëu kueet paannhial wëu cïï bï thök, të cïn cuɛ̈ɛ̈r bï ɣëët tëthiɔ̈k, ku të cïn kɔ̈m bï ke riɔ̈ɔ̈k.

Luk 16:9

Ku wek yɔ̈ɔ̈k an, “Yak röt kɔ̈ɔ̈r määthkun në wëu rac ke piny nɔm, na rial, acï kakun dak, ka bïk week nyuööc ë ɣööt bï tɔ̈u athɛɛr yiic.

Luk 18:21

Go lueel an, “Cökkë acä ke ya döt kedhie ɣɔn aa yɛn meth aɣet cï ënɔɔnë.”’

Luk 18:23

Ku të cï en ee kakë piŋ, ke dhiau piɔ̈u arëët: luɔi juëcë kakë arëët.

Luk 9:23

Go keek yɔ̈ɔ̈k kedhie an, “Na de raan de piɔ̈u luɔi bï en a kuany cök, ë ye rɔt nyɔ̈ŋ, ku ye timdɛn cï rïïu nɔm jɔt ë aköölnyïïn, ku kuɛny a cök.

Pilipoi 3:13

Mïthëkɔckuɔ, acä lueel në këde nɔn cän e dɔm: ee cöök tök en luɛɛl tei an, Ka nu ciëën acän nɔm määr ë ke, ku ja rɔt riɛɛny tueŋ të nu ka nu tueŋë.

2 Pet 3:8

Ku week, kɔc nhiaar, duökï cöök töŋë bï baai, an, Kööl tök acït agum de run tëde Bɛ̈nydït, ku agum de run acït kööl tök.