Luk 18:13 - JAM DE NHIALIC 2011

¹³ Go raan ë athölbö tɔ kut kɔ̈ɔ̈c tëmec, ku reec e nyin jat nhial, ku jɔ yepiɔ̈u biɔ̈ɔ̈k, ku lueel an, ‘Nhialic kok piɔ̈u we yɛn, yɛn ee raan ee kërac looi!’

Luk 18:13 ပူးပေါင်းရင်းမြစ်များ

2 Tham 12:13

Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

2 Lëk 33:23

Ku akën ciët wun, akën rɔt kuɔɔr piny ku puk yepiɔ̈u Bɛ̈nydït, acï awɛ̈ɛ̈c wär ka ɣɔn looi ë wun wöör.

Edhr 9:6

Ku luɛɛl an, “Nhialic, yɛn cï yäär ka yɛn cï guöp riɔ̈ɔ̈c arëët bä yanyin wɛ̈l Yïn, awɛ̈ɛ̈ckuɔ acïk thɔc ka cïk wo wöör nïïm, acïk ɣet abïk nhial cuööp.

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Diɛt 106:6

Wok cï wäc cït man ë kuarkuɔ, wok cï kërac looi ku ciɛthku në rɛ̈ɛ̈c yic.

Diɛt 119:41

Tɔ nhiëërduön agɔk bɔ̈ tëde yɛn Bɛ̈nydït, ku tɔ kuɔɔny bɔ̈ cït man de gutguutdu,

Diɛt 130:7

Yithriɛl ŋäthkï Bɛ̈nydït, në biäk de nhiëërdɛn agɔk, ku aye kɔɔr bï kɔc kony ë ceŋ.

Diɛt 25:11

Pälë yɛn awänydï Bɛ̈nydït, në biäk de rinku, në biäk juëc kek.

Diɛt 25:7

Du de këdu yic thïn wekë awɛ̈ɛ̈c ɣɔn yan meth. Tak ɛn në biäk de nhiëërduön agɔk në luɔi Yïn piɔ̈u kok, Bɛ̈nydït.

Diɛt 40:12

Yɛn cïï ë nuɛɛn juëc gɛɛu cil, nuɛɛn juëc cïï duëërë lëu ë kuɛ̈n! Yɛn cïï awɛ̈ɛ̈ckï gïth, ka yɛn cïï daai ee bɛ lëu, ajuëckï awärkï nhïm ke yanɔm, ku yɛn cï piɔ̈u ŋɛɛr.

Diɛt 41:4

Aguɔ lueel an, “Kokëpiɔ̈u we yɛn Bɛ̈nydït, ku tɔ ya piɔl guöp, yɛn cï awäc luöi Yïn.”

Bɛ̈n 33:10

Ku të cï kɔc mën de piööl ë luät tïŋ në paany thok, kɔc aake ye röt jɔt ku lɛ̈mkï ke ke gut kenïïm piny.

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Edhekiɛl 16:63

Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Danyel 9:5

“Wok cï karɛc looi, wok ee kɔc rac, wok cï wäc. Wok cï kë cï lɛ̈k wook an, loiku rɛɛc, ku yɛlku röt wei në lööŋ ku wëët piɛth cï nyuöth wook.

Math 10:3

Ku Pilip, ku Bartholomayo, ku Thoma, ku Mathayo raan ë athölbö tɔ kut, ku Jakop wën ë Alapayo, ku Lebbia, rinkɛn ciëën acɔlke Thɔddayo,

Math 6:5

Ku tën ee yïn lɔ̈ŋ, yïn cïï bï ciët kɔc deyiic aguk, anhiaarkï kɔ̈ɔ̈c kɛ̈ɛ̈c kek ë ɣööt ke Nhialic yiic ku aguuk ke kuɛɛr, të ye kek lɔ̈ŋ, ke ke bï tïŋ ë kɔc. Wek yɔ̈ɔ̈k ëyic an, “Acïk ariöpden guɔ yök.

Math 9:13

Lakï tei, kaarkï cöökë thar abäk yök, Yɛn kɔɔr kokdepiɔ̈u, acie kë bïï nɔ̈k en kaar, yɛn ë cïï bɔ̈ bä kɔc piɛth piɔ̈ɔ̈th bɛ̈n cɔɔl, bïk kepiɔ̈ɔ̈th puk, ee kɔc ë kërac looi kek aa bä bɛ̈n cɔɔl.”

Mak 11:25

Ku të kääc wek, ke we läŋ, ku ade raan cï we wäc këdäŋ, ke pälkï, ke Wuöörduön nu paannhial abï we päl kë cäk wööc ayadäŋ.

Luk 17:12

Ku të cï en ɣet paan tök, ke jɔ rɔ̈m ke röör kathiëër, röör de gup wɛth, ke ke kääc tëmec:

Luk 22:41

Ago rɔt mɛ̈ɛ̈c ke keek të duëër raan cuööp të dɛɛny en kɔɔi, go emiɔl tuk, ku lɛ̈ŋ,

Luk 23:48

Ku kuut ke kɔc kedhie, kɔc wën cï guëër bïk bɛ̈n daai ee kënë, të cï kek kë cï looi tïŋ, ke ke dhuny kenïïm, ku biäkkï kepiɔ̈ɔ̈th.

Luk 5:8

Na wën, aacï Thimon Petero ye tïŋ, ke cuɛt rɔt piny ë Yecu cök, ku jɔ lueel an, “Bɛ̈nydït, jël ë yalɔ̈ɔ̈m, yɛn ee raan ee kërac looi!”

Luɔi 2:37

Na wën, aa cïk jamë piŋ, ke ke guutë piɔ̈ɔ̈th, ku thiëckï Petero kekë kɔc kɔ̈k ë piööcë an, “Wäthii mïthëkɔckuɔ, eeŋö buk looi?”

Romai 5:8

Ku Nhialic ë nhiëërde nyuɔɔth, nhiëër nhiɛɛr en wook, në thon cï Yecu Kërtho thou në biäkda, ku ŋootku ë wo ye kɔc ë kërac looi.

2 Kor 7:11

Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

1 Tim 1:15

Ee jam yic ee kënë, jam ee röŋ në luɔi bï kɔc gam kedhie an, Kërtho Yecu aa bɔ̈ ë piny nɔm bï kɔc ee kërac looi bɛ̈n kony wëi. Ku yɛn ee raan nu ë kɔc nïïm tueŋ në rac:

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

Ɣeberuu 8:12

Abä keek päl karɛcken, ku Yɛn cïï awɛ̈ɛ̈cken bï bɛ tak anandï.”