Luk 16:25 - JAM DE NHIALIC 2011

²⁵ Go Abraɣam lueel an, ‘Wëndï, cätë yïnɔm, wään pïïr yïn, yïn ee këpiɛth yök, ku yök Ladharo karɛc, ku ënɔɔnë acï duut piɔ̈u, ku yïn dhiau piɔ̈u.

Luk 16:25 ပူးပေါင်းရင်းမြစ်များ

Jop 22:18

Acï ɣöötken thiɔ̈ɔ̈ŋ në kajuëc. Ku yɛn ee rɔt mɛc wei në täŋ de kɔc rac cït ë kake.

Diɛt 17:14

luäkë ya bei në kɔc de nïïm këriëëc kɔɔrkï ëbɛ̈n ee pinyë nɔm. Luöiyë keek këtuc në nuɛɛn cï kueet ë biäkden, tɔ mïthken yök nuan rɔ̈ŋ ke keek ku dɔ̈ŋ biäk ke mïth ke mïthken.

Diɛt 49:11

Rɛ̈ŋken ayek ɣöötken aɣet athɛɛr, të bï kek lɔ rɛ̈ɛ̈r në run kedhie, na cakaa kek ë de nïïm piny ë ye cɔɔl në rinken.

Diɛt 73:7

Ayek karɛc wäl piny në kepiɔ̈ɔ̈th, ku yek karɛc tak ë kenïïm ceŋ.

Dhiëëu 1:7

Acï döŋ yetök ënɔɔnë, yen Jeruthalem, ku ee läkdɛn ɣɔn thɛɛr tak. Wään lööny en, në kɔc ke ater cin, acïn raan cï yen bɛ̈n kony. Ku kɔc ke aterde acïk en dɔl guöp ɣɔn wïïk en.

Danyel 5:30

Ku në ë wɛ̈ɛ̈r töŋë yic Belcadhar melik de Babilon acï bɛ̈n nɔ̈k.

Math 27:63

luelkï an, “Bɛ̈ny, acuk tak nɔn cï aluenhë ye lueel wään ŋoot en ke pïïr an, ‘Ee nïn kadiäk, ke yɛn bï rɔt bɛ jɔt.’

Mak 9:45

Ayï yïcöök, të tɔ en yï loi kërac, ke tɛɛmë wei: aduëër ŋuän tëde yïn, të le yïn tëde pïïr, ke yï cïn cöök tök, në luɔi bï yïn dɛ cök kaarou, ku bï yï cuat ë giɛnayic,

Luk 16:20

Ku ade raan kuany nyin cɔl Ladharo, raan ë ye tääu ë kalde thok, ku ye guöp thiäŋ ke tëtök,

Luk 16:23

na wën, të rëër en paan ë thuɔɔu, ke ye leeŋ wëi, ku jɔ enyin jɔt, go Abraɣam tïŋ tëmec, ku tïŋ Ladharo ë yeyɔu.

Luk 16:26

Ku päl cöökë, däŋ nu, tëthuth dïït lääuwic acï tääu ë kaamda në week, ago kɔc wën an, bïk tëëk ke ke lɔ tëde week, agokï cuö lëu, ku cïï kɔc e lëu aya, kɔc wën an, bïk jäl ëtɛ̈ɛ̈n, bïk tëde wook.’

Luk 6:24

“Ku amawoou në week wek kɔc cï bäny, adutdun acäk guɔ nööm!

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

Nyöŋ 28:17

“Bɛ̈nydït abï rɛɛpkun ke anyuɔl, ku këcam yak looi në keek cieen.

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

1 Theth 3:3

ke cïn raan bï rɔt yal në biäk de katuc dhal wookë: luɔi ŋiɛc wek en wegup, nɔn ee yen biäk de kakë yen ë dɔmë wo.

Ɣeberuu 11:25

Aa lɔc luɔi bï yen yaaŋ guum ëtök kekë kɔc ke Nhialic, ku pɛ̈l miɛtëpiɔ̈u de luɔi de kërac cï bï tɔ̈u aɣet athɛɛr.

1 Jɔn 2:15

Duökï piny nɔm nhiaar, ayï ka nu thïn duökï ke nhiaar. Na de raan nhiaar piny nɔm, ke nhiëër ë Nhialic acïï cath ke ye.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.