Luk 16:24 - JAM DE NHIALIC 2011

²⁴ Go cööt, lueel an, “Wääda Abraɣam, kok piɔ̈u we yɛn, ku jɔ Ladharo tooc, bï ciin nɔm bɛ̈n juɔɔl ë pïïu yiic, bï liemdï tɔ lir, yɛn ë leeŋ wëi ë manyë yic.

Luk 16:24 ပူးပေါင်းရင်းမြစ်များ

Jop 20:21

Cämdɛn ë kajuëc acïn kë ye both, në biäk de ee kënë acïn këdɛn bï rëër.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 66:24

“Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Dhek 14:12

Bɛ̈nydït abï jɔŋ tuc thok yiɛ̈n juöör bï tɔŋ lɛɛr Jeruthalem. Abïk gup ŋuäc ke ke ŋoot ke ke pïïr. Ku nyïïnken kekë liëpken abïk ŋuäc aya.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 3:9

ku duökï ee lueel ë wepiɔ̈ɔ̈th an, wok de wäärda Abraɣam, Nhialic alëu bïï mïth ke Abraɣam cak në kɔikë.

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Luk 16:30

Go lueel an, ‘Ei, Abraɣam wäär: ku na de raan töŋ ë kɔc cï thou yiic lɔ tëde keek, ka bïk kepiɔ̈ɔ̈th puk.’

Luk 19:9

Go Yecu lueel an, “Kunydewëi acï bɛ̈n ëköölë, luɔi ee yen wën ë Abraɣam aya.

Luk 3:8

Jakï luɔk ë luɔi piɛth luɔi bï röŋ ke puŋdepiɔ̈u, ku duökï jam gɔl ë wepiɔ̈ɔ̈th an, wo de wäärda Abraɣam, wek yɔ̈ɔ̈k an, Nhialic aduëër mïth ke Abraɣam cak në kɔikë!

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 7:37

Na wën, ëkööl thöökë dhuëëŋ, yen aye kööl dït, ke Yecu kääc ku cööt an, “Të de yen raan cï yal, në bɔ̈ tëde yɛn, bï bɛ̈n dek.

Romai 4:12

Ku cï aa wun cuɛ̈l tëde kɔc, acie kɔc cï cueel kapäc, ee kɔc ee wäärdan Abraɣam kuany cök ë gäm aya, gäm wään cath kekë yen të ŋoot en ke kënë cueel.

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Jakop 3:6

Ku liep ee mac, ee piny cï nɔm thiäŋ ke kërac, täu ee liep tɔ̈u ë ka ke wogup yiic kï, ee kënë guöp tɔ col ëbɛ̈n, ku ye kueer ë kë cï cak cuöny thok ë mac, ku yenguöp aye cuöny thok ë many ë giɛna.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

1 Tham 28:16

Go Thamwɛl lueel an, “Eeŋö cɔ̈lë yɛn ke Bɛ̈nydït cï yïn puɔ̈l ku acï aa raan aterdu?