Luk 16:15 - JAM DE NHIALIC 2011

¹⁵ Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.

Luk 16:15 ပူးပေါင်းရင်းမြစ်များ

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

2 Lëk 6:30

piŋ lɔ̈ŋden. Ye këden piŋ paannhial tëduön rëër yïn thïn, ku päl ë keek awɛ̈ɛ̈cken. Ee Yïn Yïtök yïn aŋic kë ye kɔc tak. Ye ŋɛk luööi cït man ë këdɛn rɔ̈ŋ ke yen,

Diɛt 10:3

Kɔc rac ayek röt lɛɛc në kërɛɛc de kek piɔ̈ɔ̈th, röördït piɔ̈ɔ̈th ayek lam aciɛɛn ku reeckï Bɛ̈nydït.

Diɛt 49:13

Tïŋ kë ye tuöl tëde kɔc ee röt ŋɔ̈ɔ̈th, thon ë kɔc cï lɔ̈ŋ në kakɛn juëc yiic,

Diɛt 49:18

Na cak raan rɔt yök ke mit piɔ̈u në kajuëc ë pïïrë, ku ye leec në luɔi le kake ke ke juëc,

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

Kɛ̈ŋ 16:5

Raan ee rɔt lɛɛc ëbɛ̈n ee kërɛɛcdïït mɛɛn Bɛ̈nydït, ku acïï bï poth ke kënë luöi këtuc.

Kɛ̈ŋ 20:6

Cakaa nɔn ye kɔc e lueel an, yɛn piɛth piɔ̈u, yɛn aa döt, eeŋa duëër raan cït ee kënë yök?

Kɛ̈ŋ 21:2

Raan aduëër rɔt tïŋ cït kë cïn kë ye wööc, ku Bɛ̈nydït, Yen aŋic kë tɔ̈u në yepiɔ̈u.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Malakai 3:15

Cït man ye wok en tïŋ ënɔɔnë, luɔi yen kɔc ɣɛ̈ɛ̈c kenïïm kek ee röt yök cït ka cï thieei. Ku kɔc ee karɛc looi kek akueth, ku ayek Nhialic them aya në karɛckɛn yek looi, ku cïn kë yök keek.’

Math 23:5

Ayek luɔiden looi ëbɛ̈n ke ke bï tïŋ ë kɔc, ayek wɛlkɛn yek cieŋ tɔ lääu yiic, ku tɔkï lupɔɔken dït thook.

Math 6:16

“Ku cöök däŋ, të ya wek cäm rɛɛc, duökï wenyïïn ë kuaany cït man ë kɔc deyiic aguk, ayek kenyïïn tɔ rac, ë luɔi bï kek aa tïc ë kɔc nïïm nɔn ee kek kɔc reec cäm. Wek yɔ̈ɔ̈k ëyic an, “Acïk ariöpden guɔ yök.

Math 6:2

“Yen ka, të miɔɔc yïn kɔc ë dhuëëŋdu, ke yï du kaaŋ tɔ koth ë yïnɔm tueŋ, cït man ë luɔi de kɔc de yic aguk, ë ɣööt ke Nhialic yiic ku kuɛɛr yiic, ke ke bï leec ë kɔc. Wek yɔ̈ɔ̈k ëyic an, “Acïk ariöpden guɔ yök.

Math 6:5

Ku tën ee yïn lɔ̈ŋ, yïn cïï bï ciët kɔc deyiic aguk, anhiaarkï kɔ̈ɔ̈c kɛ̈ɛ̈c kek ë ɣööt ke Nhialic yiic ku aguuk ke kuɛɛr, të ye kek lɔ̈ŋ, ke ke bï tïŋ ë kɔc. Wek yɔ̈ɔ̈k ëyic an, “Acïk ariöpden guɔ yök.

Luk 10:29

Go kɔɔr luɔi bï en rɔt kɔl, en ee raanë, ku jɔ Yecu thiëëc an, “Ku raan rɛ̈ɛ̈r ke yɛn yen eeŋa?”

Luk 11:39

Go Bɛ̈nydït yɔ̈ɔ̈k an, “Wek Parithai ënɔɔnë, wek ee bïny coth kɔ̈u abï piath, ku cuɔthkï aduök kɔ̈u, ku weyiic thïn acïk thiäŋ ë wäth ku kërac.

Luk 18:11

Go raan ë Parithai kɔ̈ɔ̈c nhial ku jɔ lɔ̈ŋ alë ë yepiɔ̈u an, ‘Nhialic, yïn lɛc nɔm, nɔn cän cït kɔc kɔ̈k, kɔc ee käŋ rum, kɔc ee kɔc cam, kɔc ee diëër lei kɔɔr, ku cä cït raanë aya, raan ë athölbö tɔ kutë.

Luk 18:14

Wek yɔ̈ɔ̈k an, “Raanë acï yenɔm dhuöny paande, ke cï tɔ piɛthpiɔ̈u awär raan wën. Raan ëbɛ̈n raan ee rɔt tɔ dït abï tɔ koor: ku raan ee rɔt tɔ kɔɔr piny abï tɔ dït.”

Luk 18:21

Go lueel an, “Cökkë acä ke ya döt kedhie ɣɔn aa yɛn meth aɣet cï ënɔɔnë.”’

Luk 18:9

Go kääŋë bɛ lɛ̈k kɔc kɔ̈k kɔc wën ee röt ŋɔ̈ɔ̈th, an, piɛthkï piɔ̈ɔ̈th, ku yek kɔc kɔ̈k tɔ ye kɔc rac an:

Luk 20:20

Gokï tiit, ku jɔkï nëëm tooc, kɔc bï röt kɔ̈c tɔkï röt ë kɔc piɛth, bïk jamdɛn bï wööc bɛ̈n jɔt, agokï yiɛ̈n bɛ̈ny, le löŋde guiir.

Luk 20:47

ku yek ɣööt ke diëër cïn nïïm röör cam yiic, ku yek lɔ̈ŋ ë lɔ̈ŋ bäär thiɛɛn kek kërɛɛcden: këdɛn tuc bïk yök kek ee kɔckë abï dït!”

Jɔn 2:25

ku acïn cäätɔ duëër dhil kɔɔr cäätɔ bï këde raan lueel, yen guöp ee kë nu ë raan piɔ̈u ŋic.

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

Luɔi 1:18

(Ku raanë ë dom ɣɔɔc në ariöp de kërɛɛcde, na wën, ke wiëëk, go yäc rɛɛt ë ciɛɛlic, abï cïïn wët bei kedhie.

Luɔi 1:24

Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic,

Luɔi 15:8

Ku Nhialic, Raan ŋic kɔc piɔ̈ɔ̈th, acï aa cäätɔden, në miɔ̈c cï en keek miɔɔc në Wëidït ɣer, acït man cï en wo miɔɔc.

Romai 3:20

Acïn raan töŋ bï tɔ piɛthpiɔ̈u ë yenɔm në luɔi de löŋ, ee löŋ yen ë bïï ŋïny de kërac.

Romai 8:27

Ku Raan ë kɔc woi piɔ̈ɔ̈th thïn ee piɔ̈n ë Wëidït ŋic, täu tɔ̈u en, luɔi ee yen lɔ̈ŋ në biäk de kɔc ɣerpiɔ̈ɔ̈th në këde piɔ̈n ë Nhialic.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

1 Pet 3:4

Yak kiëërdun tɔ ye raan cï thiaan ë wepiɔ̈ɔ̈th, raan lirpiɔ̈u ku cïn thok wël, yen aye kiëër cïï bï dhiap, kiëër de naamdɛn piɛth ë Nhialic nɔm.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”