Luk 16:13 - JAM DE NHIALIC 2011

¹³ Acïn raan duëër bäny luööi kaarou: nɔn bï en tök maan, ku nhiɛɛr tök, ku nɔn bï en lɔ kuäkkuäk kekë tök, ku tɔ tök cïn naamde. Wek cïï Nhialic duëër luööi ku luööikï wëu ayadäŋ.”

Luk 16:13 ပူးပေါင်းရင်းမြစ်များ

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Luk 11:23

“Raan reec mät kekë yɛn ka de ater ke yɛn, ku raan reec guëër ë yalɔ̈ɔ̈m ke thiëi wei.

Luk 14:26

“Na bɔ̈ raan tëde yɛn, ku cïï wun man, ku cïï man man, ku cïï tiiŋde man, ku mïthke, ku mïthëkɔcken, ku nyïïrëkɔcken, yeka, acakaa wëiken guöp ayadäŋ, ka cïï duëër aa raandiën ë piööcë.

Luk 16:12

Ku na kɛ̈nkï këde raan däŋ ŋiëc aa döt, ke eeŋa bï we gäm këdun guöp.

Luk 16:9

Ku wek yɔ̈ɔ̈k an, “Yak röt kɔ̈ɔ̈r määthkun në wëu rac ke piny nɔm, na rial, acï kakun dak, ka bïk week nyuööc ë ɣööt bï tɔ̈u athɛɛr yiic.

Luk 9:50

Go Yecu lueel an, “Du pën: raan cïn ater ke wook, yen aye mat ke wook.”

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”