Luk 15:22 - JAM DE NHIALIC 2011

²² Go wun lïïmke yɔ̈ɔ̈k an, ‘Bɛ̈ɛ̈ikï lupɔ piɛth aläldïïtë, ku tääukï ë yekɔ̈u, ku bɛ̈ɛ̈ikï guelɔ këde yenciin, ku war ka ke yencök.

Luk 15:22 ပူးပေါင်းရင်းမြစ်များ

Cäk 41:42

Ku puut melik guelade bei në yeciin, ku tɛ̈ɛ̈u në Jothep ciin. Ku yïk Jothep kɔ̈u lupɔ piɛth lɔ mot, ku yïk yeth kuat adhääp.

Ethta 3:10

Go Melik këtimdɛn yen käŋ thaany ruɛ̈c bei në yecin ku gëm Ɣaman wën ee Ɣamedatha, raan de Agak, raan de ater ë kɔc ke Judai.

Ethta 8:2

Go Melik këtim de cin ee yen käŋ thaany wään cï pɔ̈k nɔm ciëën tëde Ɣaman ruɛ̈c bei ku gëm Modekayo. Ku ëtɛ̈ɛ̈n Ethta acï kajuëc ke Ɣaman bɛ̈n tääu ë Modekayo ciin.

Diɛt 132:16

Yɛn bï bänykɛn ke kakë Nhialic thieei në ka yek looi yiic ëbɛ̈n, ku kɔcke abïk aa cööt ku kɛ̈tkï në miɛtëpiɔ̈u.

Diɛt 132:9

Tɔ bänykuön ke kake Nhialic loi kake Piathëpiɔ̈u ëceŋ, tɔ kɔcku cöt në miɛtëpiɔ̈u!

Diɛt 18:33

Ee ya gël cök cït man ë ŋɛɛr ke ya cï bï kɔ̈th, ee ya gël në kur nïïm.

Diɛt 45:13

Tiiŋ de melik anu ɣön ë melik, tiëŋkï läkde! Lupɔde acï looi në alanh de adhääp.

Diɛt ke 7:1

Ye tiiŋ lɛ̈k cït ŋö! Eeŋö jɔ yïn cök läk aläl aya në war yiic! Täu de yïn cök ayek ciët kak ë looi atëët keek.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Luk 15:21

Go wënde lueel an, ‘Wäär, yɛn ë kërac luöi Nhialic, ku luöi yïn kërac aya, ku yɛn cïï be röŋ në luɔi bï a cɔl wëndu.’

Luk 15:23

Ku jakï miɔɔr a lɔ jöt bɛ̈ɛ̈i bei miɔɔr cuai, ku näkkï, buk cuet, ku jɔku piɔ̈ɔ̈th miɛt!

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Romai 8:15

Wek kënë bɛ gäm piɔ̈n ë lïïm, piɔ̈n ë riɔ̈ɔ̈c, wek cï gäm piɔ̈n ë mïth cï muk, piɔ̈n ë wo tɔ cöt an, “Abba! Wääda!’

Galatai 3:27

We wedhie, we kɔc cï baptith ë Kërtho yic, we cï Kërtho tääu ë wekɔ̈ɔ̈th.

Epethiei 6:15

ku ciɛŋkï war ë wecök, wɛɛr ke guiɛɛr de wëlpiɛth ke mät,

Nyöŋ 33:25

Tɔ wuötke gël thook në wëëth ku maläŋ, ku tɔ rɛ̈ɛ̈r në mätic aköölnyïïn kedhie.”

Nyuuth 19:8

Ku acï gäm piöth bï en rɔt piɔ̈th ë lupɔ piɛth lɔ mot, lupɔ ɣer ëpak ku le riauriau.” (Lupɔ piɛth lɔ mot en aye luɔi piɛth ee kɔc ɣerpiɔ̈ɔ̈th looi.)

Nyuuth 2:17

Raan de yïc, ke piŋ ke lëkë Wëidït ɣööt ke Nhialic. Raan ee tiam, abä päl cäm ë mana cï thiaan, ku abä miɔɔc në kɔi ɣer, kɔɔi cïï rin ë piɛc cak gɔ̈ɔ̈r ë yekɔ̈u, rin cïn raan ŋic keek, ee raan cï gäm en etök.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.

Nyuuth 6:11

Go ke miɔɔc ë lupɔɔ ɣer kedhie, ŋɛk ke këde, ku ŋɛk ke këde, ku acï lɛ̈k keek, an, bïk yök ke ke lɔ̈ŋ tëthiinakäŋ, aɣet të bï kɔckɛn ee kek lïïm ëtök thök ë näk, ayï mïthëkɔcken, kɔc bï nɔ̈k cït man ë kek.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.