Luk 15:21 - JAM DE NHIALIC 2011

²¹ Go wënde lueel an, ‘Wäär, yɛn ë kërac luöi Nhialic, ku luöi yïn kërac aya, ku yɛn cïï be röŋ në luɔi bï a cɔl wëndu.’

Luk 15:21 ပူးပေါင်းရင်းမြစ်များ

Jop 33:27

Yen abï lueel në kɔc nïïm an, yɛn cï wäc acïn yic cä looi, ku akënë ë Nhialic kuɛ̈n ɛn.

Diɛt 143:2

Du awundu tɛ̈ɛ̈u ë thëmic, acïn raan cïn guöp awäc ë yïnyin.

Diɛt 51:4

Yɛn cï kërac luöi Yïn, ee Yïn Yïtök Yïn acä luöi kërac, ka Yïn de nɔm yic në luöi bï Yïn ɛn luöi këtuc. Ku Yïn cïn guöp awäc të lui yïn ɛn këtuc.

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Edhekiɛl 16:63

Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Luk 15:20

Go rɔt jɔt, bï tëde wun. Na wën, ke tïŋ wun ke ŋoot ke mec, go piɔ̈u kok ke ye, ku jɔ kat, le ku kuɛk yeth, ku ciim.

Luk 15:22

Go wun lïïmke yɔ̈ɔ̈k an, ‘Bɛ̈ɛ̈ikï lupɔ piɛth aläldïïtë, ku tääukï ë yekɔ̈u, ku bɛ̈ɛ̈ikï guelɔ këde yenciin, ku war ka ke yencök.

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

1 Kor 8:12

Ku të luöi wek mïthëkɔckuɔ kërac aya, ku jɔkï piɔ̈ndɛn kɔ̈c yiëkic kërac, ke Kërtho en a luöikï kërac ayadäŋ.