Luk 14:15 - JAM DE NHIALIC 2011

¹⁵ Na wën, ke raan tök ë kɔc wën rɛ̈ɛ̈r në yen ëtök tëde cäm, të cï en ee kakë piŋ, ke jɔ lueel an, “Thieithieei raan bï kuïn cam ë ciɛɛŋ de Nhialicic!”

Luk 14:15 ပူးပေါင်းရင်းမြစ်များ

Math 25:10

Na wën, aa lek ɣööc, ke monythiëk bɔ̈, go kɔc wën cï röt coc gokï lɔ ë thiëëkic në yen ëtök, go ɣöt gäär.

Math 8:11

Ku alɛ̈k week an, “Kɔc juëc abïk bɛ̈n të lɔ aköl amiäk, ku të lɔ aköl athɛ̈i, bïk ku nyuckï piny në Abraɣam ëtök, ku Yithaak, ku Jakop, ë ciɛɛŋ de paannhialic.

Luk 12:37

Thieithieei lïïmkë, lïïm bïï bɛ̈ny yök ke ke tit käŋ, kööl bï en bɛ̈n! Wek yɔ̈ɔ̈k ëyic an, abï ë yic duut, ku jɔ ke tɔ nyuc tën ee cäm, ago bɛ̈ny ke yiɛ̈n këcam.

Luk 13:29

Ku kɔc abïk bɛ̈n të lɔ aköl amiäk ku bïkkï të lɔ aköl athɛ̈i, ku rut, ku wöuwic, bïk ku nyuckï ë ciɛɛŋ de Nhialic yic.

Luk 22:16

Wek yɔ̈ɔ̈k an, Yɛn cïï bï bɛ cuet ë ye ëliŋliŋ, të ŋoot en ke kën guɔ thök ë ciɛɛŋ de Nhialic.”

Luk 22:30

bäk aa cam ku dɛ̈kkï ë pamdï nɔm ë ciɛɛŋdï yic, ku we bï aa rëër ë thöny nïïm ku guiɛɛrkï löŋ de dhiëën ke Yithriɛl kathiëër ku rou.

Nyuuth 19:9

Ku yöök tunynhial ɛn, an, “Gäär, an: Thieithieei kɔc cï cɔɔl ë këcam de thiëŋ de Nyɔŋamääl.” Go lɛ̈k ɛn, an, “Wël ke Nhialic ka, wël yith.”