Luk 14:13 - JAM DE NHIALIC 2011

¹³ Ku të looi yïn këcamdït, ke yï cɔl kɔc kuanynyïïn, ku ŋöl, ku kɔc ee kɔm, ku cöör:

Luk 14:13 ပူးပေါင်းရင်းမြစ်များ

2 Tham 6:19

Na wën ke Debid ë gëm kɔc kedhie kuïïn, diäär ku röör. Go raan töŋ de Yithriɛl aa gäm kuïn cï pam, ku rïŋ cï nyop, ku thöu, ku kaak. Na wën ke ŋɛk ë jɔ lɔ baaide.

2 Lëk 30:24

Go melik Ɣedhekia amatnɔm gäm agum de miöör, ku aguum kadhorou de amɛ̈l, në luɔi bï kɔc keek nɔ̈k ku cuetkï keek, ku gëm ë wɛ̈ɛ̈t bäny keek aguum kathiëër 10,000 ke amɛ̈l kɔ̈k. Na wën ke bäny juëc ke kake Nhialic ke ke jɔ kegup tɔ piɛth.

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Neɣe 8:12

Go raan ëbɛ̈n jɔ lɔ baai ku ciëm, ku dëk në miɛtëpiɔ̈u ku jɔkï këriëëc ëbɛ̈n rɔm ë kɔc kɔ̈k, në biäk cïï kek en yökic yen kën ë kuënë keek.

Jop 29:13

ku thiei raan ë lɔ poth ë thuɔɔu thok ɛn, ku ta diäär abɛɛr kët në miɛt ë piɔ̈u.

Kɛ̈ŋ 14:31

Raan ee kɔc kuanynyïïn yɔŋ, alɛ̈ɛ̈t Aciëŋden, ku raan ee piɔ̈u kok ke keek ee Nhialic riëëu.

Kɛ̈ŋ 22:9

Amiööc aye thieei në luɔi yen rɔm ke kɔc kuanynyïïn.

Yith 58:10

na lak këcam gäm raan nɛ̈k cɔk ku takï raan cïn käŋ kueth, ke mɔ̈ɔ̈th tɔ̈u në welɔ̈m abï rɔt puk ke ye ɣɛɛr de akɔ̈l.

Yith 58:7

Yak kacamkï rɔm në kɔc nɛ̈k cɔk, yak ɣöötkun liep thook kɔc cïn bɛ̈i, kɔc kuanynyïïn. Yak kɔc cïn lupɔɔ miɔɔc në lupɔɔ, ku duökï kɔc raan ë week ee pɛ̈n kuɔɔny.

Math 15:30

Go kuut dït ke kɔc bɛ̈n të nu yɛn, aciɛthkï në aduɛɛny, ku cöör, ku mïŋ, ku ŋöl, ku kɔc juëc kɔ̈k, agokï ke tääu piny ë Yecu cök, go ke tɔ dem,

Math 22:10

Agokï lɔ biic kek lïïmke, lekï ë kuɛɛr dït yiic, agokï kɔc kut kɔc cïk yök kedhie, kɔc rac ayï kɔc piɛth, go thiëëk jɔ thiäŋ ke kamaan.

Luk 11:41

Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Luk 14:12

Go raan wën cɔl en yɔ̈ɔ̈k an, “Të looi yïn këcamdït ayï miäk ayï thëën, ke yï du määthku cɔl, ayï kɔc raan wek, ayï kɔc rɛ̈ɛ̈r wek ëtök kɔc cï bäny, ke ke cïï yï bï bɛ cɔɔl, cuutkï yïn.

Luk 14:14

ke yïn bï jɔ thieei, në luɔi cïn kek kë bï kek yï cuööt: yïn bï cuööt tei ëkööl ë jönërɔt ë kɔc piɛthpiɔ̈ɔ̈th.”

Luk 14:21

Go lïm lɔ bɛ̈n ku jɔ bɛ̈nyde lɛ̈k kakë. Go bɛ̈ny de ɣöt gɔ̈th, ku yöök lïmde an, ‘Dap lɔ biic lɔ kuɛɛr ke pänydït kuɛɛr dït yiic ku kuɛɛr kor yiic, lɔ bɛ̈ɛ̈iyë kɔc kuanynyïïn ee tënë, ku ŋöl, ku kɔc ë kɔm, ku cöör.’

Luɔi 9:39

Go Petero rɔt jɔt ku le ke keek. Na wën, aacï bɛ̈n, ke jɔkï lɛɛr ɣöt ɣön nu nhial: ku kääc diäär ëbɛ̈n ë yelɔ̈ɔ̈m diëër cïn nïïm röör, ke ke dhiau, anyuthkï yen aluluut ku lupɔɔ kɔ̈k kak ë kɔɔc Doruka, wään rëër en ke keek.

Nyöŋ 14:29

Kek ee kacaamkë ayek kakë Lebai, në biäk cïn kek nïïm kake naamden, ku ayek kake kɔc lei, ku mïth abɛɛr, ku tiiŋ abaar rɛ̈ɛ̈r në wuötkuniic. Abïk dhil bɛ̈n ku nömkï kë kɔɔrkï ëbɛ̈n. Luɔikï ee kënë, ku Bɛ̈nydït Nhialicdun abï week thieei në këriëëc yak looi yic ëbɛ̈n.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 16:14

Miɛtkï piɔ̈ɔ̈th në yen ë mïthkun, ku kɔc ee we luööi, ku Lebai, ku kɔc lei, ku mïth abɛɛr, ku diëër abɛɛr rɛ̈ɛ̈r ë wuötkuniic.

1 Tim 3:2

Raan ee kɔc gäm tiit abï dhil aa raan cïï duëërë gɔ̈k, abï aa mony de tiiŋ tök, raan ŋic rɔt muk, raan piɛth nɔm, raan ŋic rëër, ku ŋic kamaan, raan ŋic kɔc wɛ̈ɛ̈t

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

Tito 1:8

Ku abï aa raan ŋic kamaan, raan nhiaar këpiɛth, raan piɛth nɔm, raan ŋic löŋ piɛth lueel, raan ɣeric, raan ŋic rɔt muk.

Pile 1:7

Wok mit piɔ̈ɔ̈th aläl ku cï wo riit piɔ̈ɔ̈th në nhiëërduön ee yïn kɔc nhiaar, luɔi cï kɔc ɣerpiɔ̈ɔ̈th tɔ lɔ piɔ̈ɔ̈th guïk piny në yïn, mɛwäär.

Ɣeberuu 13:2

Ku duökï nyuuc de kamaan päl, yen këpiɛth ë looi ë kɔc ɣɔn thɛɛr ka, ɣɔn loor kek tuucnhial nïïm ku nyuuckï ke, ke ke kuckï.