Luk 13:19 - JAM DE NHIALIC 2011

¹⁹ Acït nyin töŋ de matharda, cïï raan nööm, ku cuɛt ë domde yic, ago cil, abï aa tim dït, ku jɔ diɛt nhial aa rëër ë kërke nïïm.”

Luk 13:19 ပူးပေါင်းရင်းမြစ်များ

Diɛt ke 4:12

Nyandiën mit ë yapiɔ̈u, nyandiën thiaak ee dom cï moony, dom cï gël, ee awaŋ tɔ̈u të cï thiaan.

Diɛt ke 4:16

Jɔt rɔt pääcë yom de të lɔ rut. Ku yïn yom de wöuwic puɔ̈të të lɔ domdï, thiɔ̈ŋ yomic në awäu. Tɔ monydiën nhiaar bɔ̈ domde, ku bïï bɛ̈n cam në mïthkɛn mit aläl.

Diɛt ke 6:2

Monydiën nhiaar acï lɔ domde, të ye wal ŋïr luɔk thïn. Anyuɛ̈ɛ̈th thökke domic, ku ye agurbiök määtiic.

Diɛt ke 8:13

Tɔ ya piŋ yï röl domic nyandiën nhiaar, määthkï akɔɔrkï bïk yïn piŋ röl ke yï jam.

Yith 53:1

Go ë kɔc bɛ̈ɛ̈r an, “Eeŋa ë duëër ye gam yen kë lëkku kɔc ënɔɔnë? Eeŋa duëër Bɛ̈nydït tïŋ cin në ee kënë yic?

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Yith 58:11

Ku wek bä aa caath ë ceŋ ku ta we kueth në kapiɛth. Wek bä muk aril ku apiɛth. Wek bï ciët dom de yic pïïu juëc, ku ciëtkï nyin de pïïu cie dëu.

Yith 61:11

Cït man ŋic wok luɔi ye kɔ̈th cï com goŋ, Bɛ̈nydït Awärjäŋ abï piathëpiɔ̈u ku lɛc tɔ loi rɔt, ku abïï juöör ëbɛ̈n leec.

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Edhekiɛl 31:6

Kuat ë dit ëbɛ̈n ee rɔ yiɛ̈k ɣöt në kërke yiic, Läi roor ayek mïthken dhiëëth në atïmde yic, Juöör ke pinynɔm ayek lɔ̈ŋ në atïmde yic.

Danyel 4:12

Yïthke alɛ̈kkï, ku acïï mïthke duɔɔny piny, mïth duëër ë piny nɔm ëbɛ̈n cam. Läi ayek lɔ̈ŋ në atïmde yic, ku diɛt ayek ɣöötken yïk në kërke yiic, ku këriëëc pïïr ëbɛ̈n ee cam në mïthke.

Danyel 4:21

Yïthke alɛ̈kkï, ku ade mïth juëc duëër pinynɔm cääm. Läi roor ayek lɔ̈ŋ në yethar, ku loi diɛt ɣöötken në kërke yiic.

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Math 17:20

Go ke yɔ̈ɔ̈k an, “Në baŋ de ciën gämdun, ku wek yɔ̈ɔ̈k ëyic an, “Të dɛ wek gäm cït nyin töŋ ë wɛ̈ɛ̈l cɔl matharda, ke we duëër kuurdïïtë yɔ̈ɔ̈k an, ‘Cuɔtë rɔt ciëën ya,’ ku aduëër rɔt cuɔt. Ku acïn kë cäkï duëër looi.

Mak 4:30

Go lueel an, “Buk ciɛɛŋ de Nhialic thɔ̈ɔ̈ŋ ke ŋö? Ku buk thɔ̈ɔ̈ŋ ë kääŋ ŋö?

Luk 17:6

Go Bɛ̈nydït lueel an, “Na thöŋ gämdun kekë nyin töŋ de matharda, ke we duëër ŋaapë yɔ̈ɔ̈k an, ‘Tɔ rɔt wuthë bei wekë meeidu, ku tɔ rɔt pith wïïr!’ Ku aduëër këdun gam.

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Luɔi 21:20

Na wën, aa cïk e piŋ, ke ke jɔ Nhialic lɛc nɔm, ku yöökkï an, “Kɛ̈në tïŋ ënɔɔnë, mɛnhwääda, kut dït ë Judai cï gam, nɔn juëc kek aläl, ku nɔn lëth kek yiic ë baŋ de löŋ kedhie.

Luɔi 4:4

Ku ade kɔc juëc cï gam kɔc wën cï jam piŋ, go kuën ë röör cï gam go ciët aguum kadhïc.

Romai 15:19

ku në göök ril ayï kake gäi cï looi, në riɛl ë Wëidït ɣer ke Nhialic, ku yɛn a tök, aa gal ë Jeruthalem ku bɛ̈i nu ë yekëc, ale guööt piny de Yilirikum, yɛn ë wëlpiɛth ke Kërtho thöl ë guiëër.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.