Luk 12:5 - JAM DE NHIALIC 2011

⁵ Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Luk 12:5 ပူးပေါင်းရင်းမြစ်များ

Diɛt 9:17

Ku kɔc ee kërac looi ayï juöör reec Nhialic, abïk lɔ kedhie paan ë thuɔɔu.

Kɛ̈ŋ 14:26

Riëëu de Bɛ̈nydït aa ŋäth ril ëtör tëde raan kekë mïthke.

Jeremia 10:7

Eeŋa cïï yïn duëër riëëu, yïn ee melik de juöör ëbɛ̈n? Yïn rɔ̈ŋ we riëëu. Acïn raan cït Yïn, në kɔc pelnïïm ke juöör ëbɛ̈n, ku nɔn ee meliikken yiic ëbɛ̈n.

Jeremia 41:18

Aake riɔ̈c në kɔc ke Babilonia, në biäk cï Yicmiɛl wën de Nethania Gadalia nɔ̈k, raan cï melik de Babilonia tɔ ye bɛ̈ny mac baai.

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 25:46

Ku kɔckë abïk lɔ lek këdɛn tuc yök kë bï ceŋ athɛɛr, ku lɔ kɔc piɛthpiɔ̈ɔ̈th të nu pïïr athɛɛr.”

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Mak 13:23

Ku week, yak röt tiit! Tiëŋkï, we cä kɔn lɛ̈k käŋ kedhie.

1 Theth 4:6

Ë cïn raan bï akeu waan, ciɛm mɛnhkënë ë këdäŋ: luɔi ee yen Bɛ̈nydït yen ee Raan bï ka cït ee kakë guöör kedhie, acït man cï wok e kɔn lɛ̈k week ayadäŋ, ku cuk röt tɔ ye cäätɔɔ.

Ɣeberuu 10:31

Amawoou në raan bï lööny ë Nhialic pïïr cin.

2 Pet 2:4

Ku të kënë Nhialic tuucnhial pɔ̈l tuuc ɣɔn loi kërac, ku acï keek cuat ë adhum thuthic mɛc keek ë joth ke cuɔlëpiny abïk tɔ̈u ëtɛ̈ɛ̈n aɣet kööl bï löŋden guiir.

Nyuuth 14:7

ku lueel ë röl dït, an, “Riëëukï Nhialic, ku lɛckï nɔm: thaar bï en löŋ guiir kï, cï bɛ̈në: jakï Raan lam Raan ë cak nhial ku ciɛk piny ku wɛ̈ɛ̈r ku awɛɛŋ ke piëëu!”

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 20:14

Ku cuɛtë thuɔɔu ku paan ë thuɔɔu ë baar ë macic. Thon ee kek rou kï ee kënë.