Luk 12:37 - JAM DE NHIALIC 2011

³⁷ Thieithieei lïïmkë, lïïm bïï bɛ̈ny yök ke ke tit käŋ, kööl bï en bɛ̈n! Wek yɔ̈ɔ̈k ëyic an, abï ë yic duut, ku jɔ ke tɔ nyuc tën ee cäm, ago bɛ̈ny ke yiɛ̈n këcam.

Luk 12:37 ပူးပေါင်းရင်းမြစ်များ

Yith 62:5

Acït luɔi ye dhuk dhueny kën kɔn yök ke moc nööm ke ye tiiŋde, Yen raan ë cuëëc yïn yen abï yï thiaak. Acït luɔi ye monythiëk piɔ̈u miɛt ke nyandɛn ë thiɛɛk, yen ee täu bï Nhialicdun piɔ̈u miɛt ke week.

Jeremia 32:41

Yɛn bï piɔ̈u aa miɛt në luɔi de këpiɛth, ku abä keek miɛn piny arëët në ee pinyë yic.

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Math 24:42

Yen aa wek röt tiit, wek kuc thaar bï Bɛ̈nydun bɛ̈n thïn.

Luk 12:36

Ku wegup yak rëër cït kɔc tit bɛ̈nyden, në dhuny bï en enɔm dhuny ë thiëëkic, na alë, bï ku tɔɔŋ ɣöt thok, ka bïk dap liep en ënɔnthiinë.

Luk 12:43

Thieithieei lïmë, lïm bïï bɛ̈nyde yök ëkööl bïï yen, ke looi aya.

Luk 17:8

Ku cïï bï kɔn yɔ̈ɔ̈k an, ‘Guik kë bä cam, ku jɔ yïyic duut, yiɛ̈në ya këcam, bä cam ku dɛ̈k: na ëlë, ke yïn bï jɔ cam ku dɛ̈kë.’

Luk 21:36

Yen aa wek röt tiit, ku yak cool ë lɔ̈ŋ ë aköölnyïïn kedhie, ke bï we tɔ ye kɔc ee röŋ në luɔi bä wek poth ë ka bï bɛ̈në kedhie, aguɔkï kɔ̈ɔ̈c ë Wën ë Raan nɔm.”

Luk 22:27

Ku eeŋa dït, raan ee rëër tën ee cam, ku ye raan ë kɔc luööi? Cie raan ë rëër tën ee cam? Ku yɛn ee tɔ̈u ë weyiic cil cït raan ee kɔc luööi.

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

1 Kor 2:9

Ku acït man cï e gɔ̈ɔ̈r an: “Akënë ke tïŋ ë raan nyin, ku akënë ke piŋ ë raan yïc, ku akënkï lɔ ë raan piɔ̈u, Kek ka cïï Nhialic guik në këde kɔc nhiaar en.”

Pilipoi 1:21

Ku tëde yɛn, pïïr piëër ɛn ee Kërtho, ku thon thuɔu ɛn ee këmit bä yök.

Pilipoi 1:23

Yɛn ë miɛn ë kaamden kaarou, yɛn cïï ŋɔ̈ɔ̈ŋ de jäl dɔm, jäl jäl ɛn aguɔ tɔ̈u wokë Kërtho ëtök, yen aŋuän arëëtdït.

2 Pet 1:11

Ku yen abï we dap päl lɔ ë ciɛɛŋ ë Bɛ̈nydïïtdan Yecu Kërtho Konydayic, ciɛɛŋ ee tɔ̈u athɛɛr.

2 Pet 3:14

Yen tëde ka, wek kɔc nhiaar, në tiët tiɛɛt wek ka cït ee kakë, yak cök ë kaar wek luɔi bï we yök ke we rɛ̈ɛ̈r adïu, ke we cïn piɔ̈ɔ̈th tëthiin col, ku cïn kë bï we gɔ̈k ë yenɔm.

Nyuuth 14:13

Guɔ röl ë raan piŋ röl bɔ̈ nhial, lueel, an, “Gäär, an: Thieithieei ë kɔc bï thou ë Bɛ̈nydïtic gɔl ënɔɔnë aɣet wadäŋ!” “Ɣɛɛ, ee yic, alueel Wëidït, në ke lɔ̈ŋ në luɔidɛn tuc, ku luɔidɛn cïk looi ee keek biɔɔth cök.”

Nyuuth 16:15

“Piɛŋkï! Ya kï, bɔ̈yë cït cuɛ̈ɛ̈r. Thieithieei raan ee yïn, ku ye lupɔɔke tiit, ke cïï bï aa cath ke cïn kɔ̈u lupɔ, bï kɔc ayärde tïŋ!”

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”