Luk 12:32 - JAM DE NHIALIC 2011

³² “Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Luk 12:32 ပူးပေါင်းရင်းမြစ်များ

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Jeremia 3:19

Aye Bɛ̈nydït lueel an, “Yithriɛl yïn kaar bä yï gam ke yï wëndï ku gäm yïn piny bï yïn piɔ̈u miɛt, piny wär piiny ke juöör në piath. Akaar bä Yɛn aa cɔɔl an Wäär, ku du rɔt bï bɛ yal wei tëde Yɛn.

Math 14:27

Go Yecu jam ke keek ënɔnthiinë, lueel an, “Pälkï röt piny, ee yɛn, duökï riɔ̈c!”

Math 20:16

Yen tëde ka, kɔc ë bɔ̈ ciëën abïk wɛɛn tueŋ, ku wëën kɔc ë bɔ̈ tueŋ ciëën. Kɔc cï cɔɔl ajuëckï, ku kɔc cï lɔc alikï.

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

Luk 10:21

Ku në thaar manë guöp ke Yecu jɔ piɔ̈u miɛt në Wëidït, ku lueel an, “Yïn lɛɛc, Wäär Bɛ̈nydït de Paannhial, në luɔi cïn kakë mɔ̈ny kɔc pel ku kɔc de nïïm, ku jɔ keek nyuöth mïththii ateteet: ee yen, Wäär, en acï guɔ miɛt ë yïpiɔ̈u.

Jɔn 18:36

Go Yecu bɛ̈ɛ̈r an, “Ciɛɛŋdï acie kë de pinyë nɔm, tëë ciɛɛŋdï ye kë de pinyë nɔm, ke remdï adï biök tɔŋ, ke ya cïï bï yiɛ̈n Judai, ku ënɔɔnë ciɛɛŋdï acïï bɔ̈ ee tënë!”

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Luɔi 20:29

Aŋiɛc nɔn bï aŋuööth rac lɔ̈ɔ̈k bɛ̈n ë weyiic, të cän jäl, aŋuööth cïï luny bï pɔ̈l.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

Pilipoi 2:13

ee Nhialic yen ee Raan ee luui ë weyiic bäk käŋ aa kɔɔr ku yak ke looi ayadäŋ, ka cït ka nu ë yepiɔ̈u.

2 Theth 1:11

Yen aye wok cool ë lɔ̈ŋ në biäkdun ë aköölnyïïn kedhie aya, ke Nhialicda bï week tɔ rɔ̈ŋ në cɔ̈t cï we cɔɔl, ago kë ye kɔɔr në piath ë yenpiɔ̈u thöl ëbɛ̈n, ku thöl luɔi de gäm në riɛldït,

2 Theth 1:5

Ku kënë ee ŋïny bä wek guiëër ee Nhialic löŋ guiir ŋic ëgɔk, nɔn ee yen guiëër yic, ee kë bï we tɔ ye kɔc rɔ̈ŋ në ciɛɛŋ de Nhialic aa wek kake guum në biäkde aya:

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

2 Pet 1:11

Ku yen abï we dap päl lɔ ë ciɛɛŋ ë Bɛ̈nydïïtdan Yecu Kërtho Konydayic, ciɛɛŋ ee tɔ̈u athɛɛr.

Nyuuth 1:6

ku cï wo tɔ ye Meliik ku bäny ke ka ke Nhialic ë Nhialic Wun nɔm. Ë dhuëëŋ ë ye tɔ̈u ke yen ayï ciɛɛŋ aɣet athɛɛr ya! Amiin.

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.