Luk 12:19 - JAM DE NHIALIC 2011

¹⁹ Ku yɛn bï piɔ̈ndï yɔ̈ɔ̈k an, piɔ̈ndï, kakuön juëc acï ke tɔ̈ɔ̈u bïk run juëc lɛɛr, jɔ lɔ̈ŋ tei, ye cam, ku ye dek, abä piɔ̈u aa miɛt.’

Luk 12:19 ပူးပေါင်းရင်းမြစ်များ

Jop 14:1

Mɛnh ë raan acïn riɛl, aa dhiëëth ë tik tei, nïnke alikï ku athiëŋkï në nuan.

Diɛt 49:18

Na cak raan rɔt yök ke mit piɔ̈u në kajuëc ë pïïrë, ku ye leec në luɔi le kake ke ke juëc,

Diɛt 62:10

Du tɔɔŋ ee ŋɔ̈ɔ̈th, du ye ŋɔ̈ɔ̈th nɔn bïï yïn kuɛth në ruööm, na cak kaku juëc, du keek ee ŋɔ̈ɔ̈th.

Kɛ̈ŋ 10:2

Kuɛth yök në kuɛɛr rac acïn kony, ee piathëpiɔ̈u yen ee raan kony wëi.

Kɛ̈ŋ 14:24

Göl de kɔc pel nïïm ee pɛlënɔmden, ku ŋuak pial ë piɔ̈u enyin tëde kɔc piɔl piɔ̈ɔ̈th.

Kɛ̈ŋ 18:11

Kajuëc ke raan kueth ayek könde, acïn kë duëër en yök.

Kɛ̈ŋ 27:1

Du yïnɔm ee lɛc në miäk, në biäk kuc yïn kë bï tuöl.

Wɛ̈ɛ̈t 11:9

Wek dhuök, miɛtkï piɔ̈ɔ̈th në dhuöökdunic. Yak piɔ̈ɔ̈th miɛt të ŋuɔɔt wek ke we ye dhuök. Luɔikï ka kaarkï bäk ke looi, ku kuanykï kake piɔ̈ɔ̈thkun cök. Ku ŋiɛckï nɔn bï Nhialic löŋdun guiir në këriëëc yak looi yic ëbɛ̈n.

Wɛ̈ɛ̈t 2:24

Acïn këpiɛth duëër raan looi, të cïn cäm kekë dëk, ku yök miɛtëpiɔ̈u në luɔɔidïtde yic, kënë ayadäŋ, acä tïŋ aa bɔ̈ tëde Nhialic.

Yith 22:13

Ke we dɔl ku luɔikï dhuëëŋ de miɛtëpiɔ̈u. Wek cï thök ku ɣɔ̈k nɔ̈k bäk keek cuet, ku dɛ̈kkï ë mɔ̈u. Ku yak lueel an, “Bäk ciëmku ku dëkku në luɔi bï wok thou miäk.”

Yith 5:11

Amawoou! Në kɔc ee röt jɔt miäk aduur ke ke lɔ dek ë mɔ̈n tuc, ku ruukï ke ke dek abï piny dït, abï mɔ̈u ke tuööc cït many dɛ̈p.

Yith 5:8

Amawoou në week! Kɔc ee ɣööt ku duum ɣɔɔc ku matkï keek në kakuön thɛɛr yiic. Ee nïn bɔ̈yë acïn piny bï döŋ, të bï raan däŋ bɛ lɛɛr, ee kek abï nyääŋ piny ke ke ceŋ ëtɛ̈ɛ̈n kapäc.

Yith 56:12

Aye kɔc ye mɔ̈u wit lueel an, “Takï wo yïn ë mɔ̈n tuc, ku deku kë buk lëu! Ku miäk abï ee köölë wuöör aläl!”

Ɣodh 12:8

Aye kɔc ke Eparaim lueel an, “Wok kueth, wok cï dɛk kajuëc. Ku në kuɛth kueth wokë ëbɛ̈n, acïn raan lëu en bï wook gɔ̈k, ku cïn raan duëër en lueel nɔn cïï wok wäc.

Amoth 6:13

Wek ee röt lɛɛc në luɔi cä wek pänydït de Lodebar peec, ku lɛckï wenïïm an, ë we rum Karnaim në riɛldun. Yïn ee rɔt lɛɛc, “Wok aake ril buk Karnaim nööm.”

Ɣabakuk 1:16

Na lë, ke ke jɔ boiken lam, ku nyupkï keek miɔ̈c ë wɛ̈ɛ̈l ŋïr, ku lueelkï an, “Kek ë boikë, ayek yiëth ee kek tɔ wo kueth.

Luk 12:18

Go lueel an, ‘Abä looi alë: Adhɛnkï abä ke ŋaany, aguɔ ka wär keek yïk: ku ja kakiën cï luɔk kedhie tääu thïn ayï wëukï.

Luk 16:19

“Raan anu raan juëc ë kakë, ku ye lupɔ thiith amujuŋ cieŋ, lupɔ piɛth lɔ mot, ku ye cam ë kamit ku ye rëër ke ye adhuɛ̈ŋ ë aköölnyïïn kedhie.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

1 Kor 15:32

Të cän piɔ̈t wokë läi roor Epetho cït man ë kɔc, eeŋö bä yök thïn të cïï kɔc cï thou röt jɔt? “Aŋuän luɔi duëër wo cam, ku dëkku, në luɔi bï wo thou miäk.”

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

1 Tim 5:6

Ku tiiŋ ee kuɛth ë yänyde kɔɔr tei, na ciɛk pïïr ka cï thou.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

2Tim 3:4

kɔc ee kɔc nyiɛɛn, kɔc ril nïïm ëtör, kɔc ee röt tɔ dït, kɔc nhiaar këmit ë kepiɔ̈ɔ̈th awär nhiëër nhiɛɛr kek Nhialic,

Jakop 5:5

We ye röt ŋiëc kapiɛth ë piny nɔm, ku yak kuɛth ë yänydun kɔɔr, we ye röt tɔ kueth ë kuɛth ee kɔc kuɛth ëkööl ee käŋ nɔ̈k.

1 Pet 4:3

Akööl wään cï wan acïk dhil looi, akööl wään ee wok kamit ë Juöör piɔ̈ɔ̈th looi, kööl ë ye wok cool ë loi luɔi de dhööm, ku ŋɔ̈ɔ̈ŋ de kërac, ku dëŋ de mɔ̈u, ku thuëëc rac, ku wïn ee kɔc wit ë mɔ̈u, ku läm de yiëth col ëcut.

Nyuuth 18:7

Lɛc ee yen rɔt leec, ku kuɛth ee yen kuɛth ë kamit. Yen acït lɛ̈ŋ bä wek e leeŋ wëi ku dhiën bä wek e tɔ dhiau: Në luɛl ee yen e lueel ë yepiɔ̈u, an: ‘Yɛn rɛ̈ɛ̈r ke ya ye melik tik! Ku cä ye thuööm, ku yɛn cïï dhiëëu bï tïŋ anandï.”

1 Tham 30:16

Ago Debid lɛɛr të tɔ̈u rem de tɔŋ thïn. Ku yökkï kɔc ë pec kɔc acïk röt tɛk piny, aciëmkï, ku dëkkï ku jɔkï piɔ̈ɔ̈th miɛt në kajuëc cï keek peec paan ë Pilithiin kekë Juda.