Luk 12:17 - JAM DE NHIALIC 2011

¹⁷ Ago cät ë yepiɔ̈u an, ‘Eeŋö bä looi, nɔn cïn en të bän kakiën cï luɔk tääu thïn?’

Luk 12:17 ပူးပေါင်းရင်းမြစ်များ

Wɛ̈ɛ̈t 11:2

Ye këdu rɔm wekë kɔc kadhorou ayï kɔc kabɛ̈t në baŋ kuc yïn piäl ë guöp duëër rɔt looi ë piny nɔm.

Yith 58:7

Yak kacamkï rɔm në kɔc nɛ̈k cɔk, yak ɣöötkun liep thook kɔc cïn bɛ̈i, kɔc kuanynyïïn. Yak kɔc cïn lupɔɔ miɔɔc në lupɔɔ, ku duökï kɔc raan ë week ee pɛ̈n kuɔɔny.

Math 16:7

Gokï teer kapäc, ku luelkï an, “Ee luɔi kën wok kuïn bɛ̈ɛ̈i, en aa lueel en en.”

Math 5:42

Miɔc raan lip yïn, ku raan de piɔ̈u dhɛ̈n tëde yïn, ke yï du yïnɔm wel wei ë yen.

Luk 10:25

Na wën, ke raan tök, jɔt rɔt, ee bɛ̈ny de löŋ, ku jɔ them thiëëc an, “Bɛ̈ny ee wëët, eeŋö bä looi kë bän pïïr athɛɛr lɔ̈ɔ̈k lak?”

Luk 11:41

Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Luk 12:16

Go keek lɛ̈k kääŋ an, “Raan cï bäny anu raan cï pinyde luɔk arëët.

Luk 12:18

Go lueel an, ‘Abä looi alë: Adhɛnkï abä ke ŋaany, aguɔ ka wär keek yïk: ku ja kakiën cï luɔk kedhie tääu thïn ayï wëukï.

Luk 12:22

Na wën, ke yöök kɔckɛn ë piööcë an, “Yen a yɔ̈ɔ̈k ɛn week an, “Duökï ee diɛɛr ë wëikun në kë bäk aa cam, ku duökï ee diɛɛr ë wegup, në kë bäk aa cieŋ.

Luk 12:29

Ku duökï kë bäk aa cam ee kɔɔr, ayï ka bäk aa dek, ku duökï ee diɛɛr ë wepiɔ̈ɔ̈th.

Luk 12:33

Ɣaackï ka cath në week, ku miackï kɔc kuanynyïïn, yak röt luɔi anyɔŋɔɔ cïï bï dhiap, yak wëu kueet paannhial wëu cïï bï thök, të cïn cuɛ̈ɛ̈r bï ɣëët tëthiɔ̈k, ku të cïn kɔ̈m bï ke riɔ̈ɔ̈k.

Luk 16:3

Go raan nu ë dhiën nɔm lueel ë yepiɔ̈u an, ‘Bä ŋö looi? Bɛ̈nydï abïï ya bei ë dhiën nɔm: yɛn cïï pɔ̈ɔ̈r ee lëu, ku yɛn duëër yäär ë lip.

Luk 16:9

Ku wek yɔ̈ɔ̈k an, “Yak röt kɔ̈ɔ̈r määthkun në wëu rac ke piny nɔm, na rial, acï kakun dak, ka bïk week nyuööc ë ɣööt bï tɔ̈u athɛɛr yiic.

Luk 18:22

Na wën, aacï Yecu kakë piŋ, ke jɔ yɔ̈ɔ̈k an, “Ee tök tei yen ŋoot ke dak yïn. Jɔ kaku ɣaac kedhie, ku tɛ̈kë ke kɔc kuanynyïïn, ke yïn bï dɛ wëu paannhial: ku jɔ bɛ̈n, kuany a cök.”

Luk 19:17

Go yɔ̈ɔ̈k an, ‘Apiɛth, yïn ee lïm piɛth: nɔn cï yïn këthiinakäŋ ŋiëc döt, ke yïn bï aa bɛ̈ny ceŋ pɛ̈ɛ̈nydït kathiëër.’

Luk 3:11

Go bɛ̈ɛ̈r, yöök keek an, “Raan de aluluut kaarou, ke gɛm tök raan cïn aluluut, ayï raan de këcam, ke looi aya.”

Luɔi 16:30

Ago ke bɛ̈ɛ̈i bei, ku thiëëc keek an, “Wek bäny, eeŋö bä looi, kë bï a kony wëi?”

Luɔi 2:37

Na wën, aa cïk jamë piŋ, ke ke guutë piɔ̈ɔ̈th, ku thiëckï Petero kekë kɔc kɔ̈k ë piööcë an, “Wäthii mïthëkɔckuɔ, eeŋö buk looi?”

Romai 12:13

Yak kakun tek në kɔc ɣerpiɔ̈ɔ̈th, të de yen kë dak keek, yak kamaan ŋic arëët.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

1 Jɔn 3:16

Kë ŋicku nhiëër kï, gɛm cï en wëike gaam në biäkda: ku wo duëër wëikuɔ dhil gaam në biäk de mïthëkɔckuɔ.