Luk 11:48 - JAM DE NHIALIC 2011

⁴⁸ Ee yic, wek ee cäätɔɔ ënɔɔnë ë gäm cä wek luɔi de wärkun gam, ee kek ë näk keek, ku wek aye rɛ̈ŋken yïk.

Luk 11:48 ပူးပေါင်းရင်းမြစ်များ

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Jop 15:6

ka yïn cïï liemdu kuum acie yɛn, ee wëlkuön ee bɛ̈n bei në yïthok kek anyooth awänydu.

Diɛt 64:8

Liemden yen abï keek lɛɛr në riääkic, kɔc bï ke tïŋ, abïk kenïïm aa bet.

Edhekiɛl 18:19

“Ku yïn bï jɔ thiëc an, ‘Eeŋö cïï meth ee gum në biäk de awɛ̈ɛ̈c ke wun?’ Bɛ̈ɛ̈rde kï meth aaye yic ku këpiɛth looi. Acï ka cä lɛ̈k yen döt, ku kuɛny kecök apiɛth, ka yen ëyic abï pïïr.

Math 23:27

Amawoou në week, wek kɔc ë löŋ gɔ̈ɔ̈r ku Parithai kɔc de yäc aguk! Wek cït rɛ̈ŋ cï coth kɔ̈ɔ̈th ë wɛ̈ɛ̈l ɣer, rɛ̈ŋ cï tɔc kɔ̈ɔ̈th ë ka cï läkëläk biic, ku keyiic acïk thiäŋ ë yom ke kɔc cï thou, kekë kënhiany ëbɛ̈n.

Math 23:31

Luɛl luɛɛl wek en aya, yen aya wek röt tɔ ye cäätɔɔ në këde nɔmdun, luɔi aa wek kɔ̈th ke kɔc ɣɔn kur tït!

Luk 11:47

Amawoou në week! Wek ee rɛ̈ŋ ke tït yïk, tït ɣɔn cïï wärkun nɔ̈k.

Luk 11:49

Yen a lueelë Nhialic En në pɛl ë yenɔm an, ‘Yɛn bï tït tuöc keek ayï tuuc, ku abïk kɔc kɔ̈k ë keek nɔ̈k abïk thou, ku yɔŋkï kɔ̈k.’

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

Jakop 5:10

Na tït ɣɔn ee jam në rin ke Bɛ̈nydït, wek mïthëkɔckuɔ, yak ke tɔ ye kɔc bä wek täuden aa dɔmic në guöm de kërac ku në liɛɛrëpiɔ̈u.

Jocua 24:22

Go Jocua lɛ̈k keek an, “Ee wek aye cäätɔɔ ë röt wapäc, në gäm cä wek luɔi de Bɛ̈nydït gam.” Gokï gam an, “Ɣɛɛ, wok ee cäätɔɔ në röt wapäc.”