Luk 11:41 - JAM DE NHIALIC 2011

⁴¹ Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Luk 11:41 ပူးပေါင်းရင်းမြစ်များ

Diɛt 112:9

Ee kɔc kuanynyïïn miɔɔc në dhuëëŋ, ku piathëpiɔ̈nde abï tɔ̈u athɛɛr, abï riɛl ku ye riëëu.

Diɛt 41:1

Thieithieei në kɔc ee piɔ̈ɔ̈th kok në kɔc kuany nyïïn, abïï Bɛ̈nydït ke kuɔny të le kek lööny në nuanic.

Kɛ̈ŋ 14:31

Raan ee kɔc kuanynyïïn yɔŋ, alɛ̈ɛ̈t Aciëŋden, ku raan ee piɔ̈u kok ke keek ee Nhialic riëëu.

Kɛ̈ŋ 16:6

Bɛ̈nydït ee kɔc adööt ku kɔc piɛth piɔ̈ɔ̈th päl awɛ̈ɛ̈c. Ka ye Bɛ̈nydït riëëu ke cïn kërac bï yï yök.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Math 26:11

We bï dɛ kɔc kuanynyïïn ë weyiic ecaŋdun, ku yɛn cïï bï tɔ̈u ë weyiic anandï.

Math 5:42

Miɔc raan lip yïn, ku raan de piɔ̈u dhɛ̈n tëde yïn, ke yï du yïnɔm wel wei ë yen.

Mak 7:19

luɔi kën en lɔ ë yepiɔ̈u, alɔ ë yeyäc tei, go bɛ lɔ biic ë yomic?” (Kë ë lueel en en, ee kë ë tɔ yen këcam piɛth ëbɛ̈n.)

Luk 12:33

Ɣaackï ka cath në week, ku miackï kɔc kuanynyïïn, yak röt luɔi anyɔŋɔɔ cïï bï dhiap, yak wëu kueet paannhial wëu cïï bï thök, të cïn cuɛ̈ɛ̈r bï ɣëët tëthiɔ̈k, ku të cïn kɔ̈m bï ke riɔ̈ɔ̈k.

Luk 16:9

Ku wek yɔ̈ɔ̈k an, “Yak röt kɔ̈ɔ̈r määthkun në wëu rac ke piny nɔm, na rial, acï kakun dak, ka bïk week nyuööc ë ɣööt bï tɔ̈u athɛɛr yiic.

Luk 18:22

Na wën, aacï Yecu kakë piŋ, ke jɔ yɔ̈ɔ̈k an, “Ee tök tei yen ŋoot ke dak yïn. Jɔ kaku ɣaac kedhie, ku tɛ̈kë ke kɔc kuanynyïïn, ke yïn bï dɛ wëu paannhial: ku jɔ bɛ̈n, kuany a cök.”

Luk 19:8

Go Dhakayo rɔt jɔt, ku yöök Bɛ̈nydït an, “Tïŋ, Bɛ̈nydït, biäk töŋ de kakï abä yɛn ke kɔc kuanynyïïn miɔɔc, ku na de këde raan däŋ cä nööm në gööny ë lueth, ka bä bɛ cuööt ë ŋuan.”

Luɔi 10:15

Go röl bɛ nyɔk raanrou, ku yöök an, “Kë cïï Nhialic tɔ piɛth, du tɔ rac, yïn.”

Luɔi 11:29

Go kɔcpiööcë gokï löŋ lueel ë kepiɔ̈ɔ̈th an, bïk käŋ tɔ yïnë mïthëkɔckɛn rɛ̈ɛ̈r ë Juda, lek keek kony, raan ëbɛ̈n abï miööc në këdɛn cï yök.

Luɔi 24:17

“Ku ënɔɔnë, të cän run juëc lɛɛr, ke ya jɔ bɛ̈n bä ka cï gam në dhuëëŋ bɛ̈n yiɛ̈n jurda, ayï ka cï yiɛ̈n Nhialic.

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.

Tito 1:15

Käŋ kedhie ayek lɔ wai tëde kɔc lɔ piɔ̈ɔ̈th wai: ku kɔc cï piɔ̈ɔ̈th nhiany ku kɔc reec gäm, acïn kë lɔ wai nu tëde keek, kenïïm ayï kepiɔ̈ɔ̈th acïk nhiany kedhie.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.