Luk 11:20 - JAM DE NHIALIC 2011

²⁰ Ku na ya jɔɔk rac cieec në ciin ë Nhialic, ke ciɛɛŋ de Nhialic kï, cï bɛ̈n tëde weekë.

Luk 11:20 ပူးပေါင်းရင်းမြစ်များ

Bɛ̈n 8:19

Go tït lɛ̈k melik an, “Ee Nhialic yen ë loi ee kënë!” Go melik nɔm riɛl bɛ ŋoot ke ŋɛk cït man cïï Bɛ̈nydït e lueel an melik acïï jam de Mothe bï piŋ kekë Aron.

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Math 12:28

Ku tën aa yɛn jɔɔk rac ciëëc bei në Wëi ke Nhialic, ke ciɛɛŋ de Nhialic acï bɛ̈n tëde week.

Math 3:2

kë ye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Luk 10:11

‘Ayï tɔr ë pänyduöndït tɔr wën cï nuɛt ë wogup, yen a weecku wei, jäny jiëëny wok week ka! Ku jakï kënë ŋic an, Ciɛɛŋ de Nhialic acï ɣëët tëthiɔ̈k ke week!’

Luk 10:9

Ku takï kɔc tök dem kɔc nu thïn, ku yɔ̈ɔ̈kkï keek an, ‘Ciɛɛŋ de Nhialic acï ɣeet të thiɔ̈k ke week.’

Luk 11:21

“Të muk raan ril ka ke tɔŋ ku tiit paande, ke wëuke ayek jɔ tɔ̈u apiɛth.

Luɔi 20:25

“Ku tiëŋkï ënɔɔnë, wek kɔc aa yɛn ke cath ë weyiic, ke ya guiir ciɛɛŋ de Nhialic, aŋiɛc nɔn cä wek a bï bɛ tïŋ nyin anandun wedhie.

2 Theth 1:5

Ku kënë ee ŋïny bä wek guiëër ee Nhialic löŋ guiir ŋic ëgɔk, nɔn ee yen guiëër yic, ee kë bï we tɔ ye kɔc rɔ̈ŋ në ciɛɛŋ de Nhialic aa wek kake guum në biäkde aya: