Luk 11:13 - JAM DE NHIALIC 2011

¹³ Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Luk 11:13 ပူးပေါင်းရင်းမြစ်များ

Cäk 8:21

Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

Diɛt 51:5

Ee yic, yɛn cï karɛc looi, të ɣɔn dhiëëthë yɛn, yɛn ee karɛc looi, të ɣɔn yök ë maar ɛn.

Kɛ̈ŋ 1:23

Piɛŋkï nɛɛn nɛn ɛn week apiɛth, ee jam piɛth yen lɛ̈k week, ku wek gäm kë ŋiɛc.

Yith 49:15

Go Bɛ̈nydït bɛ̈ɛ̈r an, “Duëër tik nɔm määr në mɛnhde ku cïï mɛnhdɛn ë dhiëëth nhiaar? Na cak man meth nɔm määr në mɛnhde, Yɛn cïï nɔm duëër määr ë week.

Edhekiɛl 36:27

Yɛn bï wëikï tääu në weyiic, ku akaar bä tïŋ ke we kuany lööŋkï cök ku dötkï ka cä ke lɛ̈k week kedhie.

Jowɛl 2:28

“Ku në ee kakë cök, Yɛn bï Wëikï luööŋ në kɔc gup kedhie, ka wɛ̈ɛ̈tkun, ayï duetkun abïk käŋ aa caar, röördïtkun abïk aa nyuöth, ku tïŋ dhuökkun nyuuth.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Math 5:45

Yen abä wek aa wɛ̈ɛ̈t ke wuöörduön nu paannhial, yen aye akölde tɔ bɔ̈ bei ë kɔc nïïm kɔc rac ayï kɔc piɛth, ku ye deŋde tɔ tueny të nu kɔc piɛthpiɔ̈ɔ̈th ayï kɔc racpiɔ̈ɔ̈th.

Math 6:14

Ku na yak kɔc päl ka cïk wööc, ke wuöörduön nu paannhial abï week aa pɔ̈l aya.

Math 6:30

Ku na ye Nhialic wɛ̈ɛ̈l roor piɔ̈th ale, wɛ̈ɛ̈l nu ëköölë, ku miäk ke cuɛtë mɛɛc, cïï we bï piɔ̈th ë piöth wär piöthden arëët, wek kɔc dɛk ë gam?

Math 6:32

Kake kedhie aye juöör ke kɔɔr, ku aŋic wuöörduön nu paannhial nɔn kaar wek kake kedhie.

Math 7:11

Ku të ŋiɛc wek mïthkun miɔɔc ë kapiɛth, ku wek rac, ku na wuöörduön nu paannhial cïï kɔc lip en bï miɔɔc në kapiɛth awär week arëët?

Luk 11:12

Ku na lip tuɔŋ, bï miɔɔc ë manciëëi?

Luk 11:2

Go ke yɔ̈ɔ̈k an, “Të ya wek lɔ̈ŋ, ke yak lueel an, ‘Wäärda nu paannhial, tɔ rinku riëëuwë. Tɔ ciɛɛŋdu bɔ̈. Ye këde piɔ̈ndu tɔ loi ë piny nɔm, cït man ee ye looi paannhial.

Luk 18:7

Ku cïï Nhialic kɔckɛn cï lɔc bï kony, kɔcke guöp, kek kɔc ee cool ë cɔl en akööl ku wakɔ̈u, acakaa yen ë cool ë gum käŋ në këden?

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Luɔi 2:38

Go Petero ke yɔ̈ɔ̈k an, “Pɔ̈kkï wepiɔ̈ɔ̈th, ku takï röt baptith wedhie në rin ke Yecu Kërtho, ke bï karɛckun pɔ̈l, ke we bï miɔɔc në Wëidït ɣer.

Romai 5:17

Ku na cï thuɔɔu piny cieŋ në baŋ de raan tök, në wäc cï raan tök këdäŋ wööc, awär kënë arëët, kɔc yök dït de dhuëëŋdepiɔ̈u ku yeke miɔɔc në piathëpiɔ̈u, kek abï piny cieŋ në pïïr në baŋ de raan tök, Yecu Kërtho.

Romai 7:18

Ku aŋiɛc nɔn cïn en këpiɛth töŋ rɛ̈ɛ̈r ë yayic, (ee guöpdïyic en luɛɛl) ku piɔ̈n duɛ̈ɛ̈r ɛn käŋ looi acath ke yɛn, ku kë bän këpiɛth looi, abä thöl, akɛ̈n guɔ yök.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.