Luk 10:27 - JAM DE NHIALIC 2011

²⁷ Go bɛ̈ɛ̈r an, “ ‘Yïn bï Bɛ̈nydït Nhialicdu nhiaar ë piɔ̈ndu ëbɛ̈n, ku wëiku ëbɛ̈n, ku riɛldu ëbɛ̈n, ku nɔmdu ëbɛ̈n,’ ku ‘nhiaar raan rɛ̈ɛ̈r ke yïn cït man nhiɛɛr yïn rɔt.’ ”

Luk 10:27 ပူးပေါင်းရင်းမြစ်များ

Lebai 19:18

Du guur ee kɔɔr, ku du ater muk raandun, ye mɛnhkui nhiaar cït man nhiɛɛr yïn rɔt, ee Yɛn Bɛ̈nydït.

Math 19:19

Ye wuur riëëu kekë moor ku nhiaar raan rɛ̈ɛ̈r kekë yïn, cït man nhiɛɛr yïn rɔt.”

Luk 10:26

Go lueel an, “Eeŋö cï gɔ̈ɔ̈r ë löŋic? Ye kueen adï?”

Romai 13:9

Ku lööŋ an, “Du lɔ wekë tiiŋ de raan däŋ, Du raan näk abï thou. Du kuël, Du raan ciëk thok, Du kalei woi ë yïpiɔ̈u,” ku na de cöök däŋ, aye ke mat nïïm kedhie në löŋ töŋë an, “Yïn bï raan rɛ̈ɛ̈r kekë yïn nhiaar cït man nhiɛɛr yïn rɔt.”

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Nyöŋ 6:4

“Wek kɔc ke Yithriɛl piɛŋkï kënë, Bɛ̈nydït yetök, yen aye Nhialicda.

Nyöŋ 6:5

Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n ku në riɛldu ëbɛ̈n.

Ɣeberuu 8:10

Acï Bɛ̈nydït lueel an, Ënɔɔnë Yɛn lëk baai de Yithriɛl an: Kënë ee löŋ de akööl bï bɛ̈n, akööl bän ke thiɔ̈ɔ̈ŋ në lööŋkï abïk kuɛth ëye, abä ke tääu ë kepiɔ̈ɔ̈th. Yɛn bï ya Nhialinyden, ku keek abïk aa kɔckï.

Jakop 2:8

Ku të cä wek löŋ tiiŋic, löŋ de naamde ku cïn kë wär en, cït man ë këcïgɔ̈ɔ̈r an, “Nhiaar raan rɛ̈ɛ̈r kekë yïn cït man nhiɛɛr yïn rɔt, ke we ye këpiɛth looi.”

1 Jɔn 3:18

Wek mïththiaakäŋ, duökï kɔc ë nhiaar në jam tei, ku në liep tei, yok kɔc nhiaar në luɔi ku në yic.