Luk 10:16 - JAM DE NHIALIC 2011

¹⁶ Go Yecu kɔckɛn ë piööcë yɔ̈ɔ̈k an, “Raan piŋ këdun, ka piŋ këdï, ku raan reec week, ka reec ɛn, ku raan reec ɛn, ka reec raan ë toc ɛn.”

Luk 10:16 ပူးပေါင်းရင်းမြစ်များ

Bɛ̈n 16:7

Miäk we bï dhuëëŋ ë Bɛ̈nydït tïŋ, në luɔi cï yen dokdun piŋ, dok duɔk wek në weyäc në Bɛ̈nydït. Ɣɛɛ, ë yic wek ë dok në yeguöp. Na wook, ee lööŋke tei kek yok luɛɛl.”

Bɛ̈n 16:8

Ku lueel ë Mothe an, “Ee Bɛ̈nydït Yen abï we aa miɔɔc në rïŋ thëën, ku miɔɔc we në kuïn cït man ë kë kaarkï, në biäk cï Yen piŋ. Ku ë yic të duɔk wek në wook, ka wek dok në Bɛ̈nydït.”

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Kuɛ̈n 14:11

Go Bɛ̈nydït lɛ̈k Mothe an, “Kɔckë bïk jɔ cieŋ ë ke biɔn Ɛn guöp agut cï nɛn? Bïk Ɛn jɔ gam nɛn? Yɛn ë göök gɛ̈ɛ̈iyë ke juëc looi në keyiic, ku aŋootkï ke ke cïï ya gam.

Kuɛ̈n 14:2

Aake dok në Mothe kekë Aron, go akutnɔm ëbɛ̈n lueel an, “Aŋuän na ë wo cï thou piny ë Rip, ku nɔn thouku në ee jɔ̈ɔ̈r manë yic eenë!

Kuɛ̈n 16:11

Ku ënɔɔnë, acie Aron yen gɔ̈th wek në yen wekë kɔc mät në yïn, ee Bɛ̈nydït, acïn këde Aron tɔ̈u thïn.

Math 10:40

“Raan dɔm week ke dɔm ɛn aya, ku raan dɔm ɛn, ke dɔm raan ë toc ɛn.

Math 18:5

Ku raan dɔm mɛnhthiin töŋ cït ëmɛnhë në rinkï, ke dɔm ɛn,

Mak 9:37

Raan ëbɛ̈n raan bï mɛnhthiin tök dɔm, mɛnh töŋ cït ee mɛnhë, në baŋ de rinkï, ka ye yɛn ë dɔm, ku raan dɔm ɛn, acie yɛn ë dɔm, ee raan ë toc ɛn yen ë dɔm.”

Luk 9:48

go ke yɔ̈ɔ̈k an, “Raan bï mɛnhthiinë dɔm në rinkï, ka ee yɛn ë dɔm, ku raan koor ë weyiic wedhie, yen abï dït.”

Jɔn 12:44

Go Yecu cööt, lueel an, “Raan gam ɛn, acie yɛn ë gɛm, ee raan ë toc ɛn en a gɛm.

Jɔn 12:48

Raan reec ɛn, ku cïï wëlkï gam, acath ke raan bï löŋde guiir: jam cä lueel, yen abï löŋde guiir ëkööl rial wadäŋ.

Jɔn 13:20

Wek yɔ̈ɔ̈k ëyic an, “Raan gam raan bä tooc, ka gam ɛn, ku raan gam ɛn, ka gam raan ë toc ɛn.”

Luɔi 5:4

Wään ŋoot en ke kënë ɣaac, ë cie këdu? Ayï wään cï e ɣaac aya, ë cïï tɔ̈u ë yïcin yïtök? Eeŋö täkë kënë ë yïpiɔ̈u? Acie kɔc kek ë tɔ̈ɔ̈rë lueth, ee Nhialic!”

Galatai 4:14

Ku thëm cï a them ë guöpdï yic akɛ̈nkï biɔɔn, ku we kën a koon, we cï a riëëu cït tuny de Nhialic ku ciët Kërtho Yecu guöp.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.