Luk 1:32 - JAM DE NHIALIC 2011

³² Abï dït arëët ku abï cɔl wën ë Nhialic Awärjäŋ: ku abïï Bɛ̈nydït Nhialic yiɛ̈n thööny de kuɛɛrëdɛn Debid:

Luk 1:32 ပူးပေါင်းရင်းမြစ်များ

2 Tham 7:16

Ku dhiëndu ku ciɛɛŋ de melik acïï kɔ̈u bï tɛɛm tëde yïn, thöönydu abï cieŋ aɣet athɛɛr.’ ”

Diɛt 132:11

Yïn cï awunduön Debid luöi gutguut, gutguut cï bï dak nɔm ciëën: an, “Yɛn bï wën töŋdu tɔ ee melik, ku abï bääny muk në yïcök.

Diɛt 132:12

Na gam mïthku mändï ku gamkï liööŋ cä gäm keek, wɛ̈ɛ̈tken aya abïk lɔ̈ɔ̈k aa meliik ëceŋ aya në yïcök.”

Yith 16:5

Na ë le ke raan töŋ de käu de Debid abï aa melik, ku abï kɔc mac në piathëpiɔ̈u ku nhiëër agɔk. Abï yic dap looi, ku abï löŋ ŋiëc aguiir.)

Jeremia 17:25

Ku ëtɛ̈ɛ̈n meliiken ku wɛ̈ɛ̈t meliiken abïk aa tɛ̈ɛ̈k ë kɛ̈l ke Jeruthalem thook, ku dekkï nïïm riɛl de bääny wään tɔ̈u ke Debid. Abïk kɛɛc në abëëliic ku jöŋgöör kɔ̈ɔ̈th, ëtök në kɔc ke Juda, ku kɔc ke Jeruthalem, ku pänydïït de Jeruthalem abï yic thiäŋ ke kɔc aköölnyïïn ëbɛ̈n.

Jeremia 22:2

ku bänyke, ku kɔc ke Jeruthalem, bïk kë lueel ë Bɛ̈nydït piŋ:

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Math 1:1

AWEREK de kuën ë dhiënh cï Yecu Kërtho dhiëëth, ee Wën ë Debid, wën ë Abraɣam.

Math 12:42

Tiiŋ melik nu të lɔ wöuwic abï rɔt jɔt kekë rem de ënɔɔnë ëkööl ë guiëërëlöŋ, ago yiëk yeth gääk, acï bɛ̈n ë piny thar bï pɛl ë Tholomon nɔm bɛ̈n piŋ, ku tiëŋkï, raan kï eenë, raan wär Tholomon.

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Math 3:11

Yɛn dï, wek a baptith ë pïïu tei në këde puŋëpiɔ̈u, ku raan bɔ̈ ë yacök ee raan ril ë yɛn, yɛn cïï röŋ luɔi bän wɛɛr ke yencök muk, yen abï we baptith në Wëidït ɣer ku në mac,

Mak 14:61

Go lɔ lik, acïn kë cï bɛ̈ɛ̈r. Go bɛ̈nydïït ë kake Nhialic bɛ thiëëc an, “Ye Kërtho, Wën ë Nhialic cath ke Athiɛɛi?”

Mak 5:7

ku cööt ë röl dït an, “Eeŋödï wo yïn? Yecu, yïn Wën ë Nhialic dït arëët! Yïn yɔ̈ɔ̈k në rin ke Nhialic, an, Du ya lui këtuc!”

Luk 1:15

Abï dït ë Bɛ̈nydït nyin, ku acïï bï aa dek ë mɔ̈n tuc ayï mɔ̈u ëbɛ̈n, ku abïï Wëidït ɣer thiɔ̈ɔ̈ŋ piɔ̈u ë kööl dhiëëthëye.

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Luk 1:76

“Ku yïn, wëndï, yïn bï cɔl tiët de Nhialic Awärjäŋ: Yïn bï kɔn lɔ ë Bɛ̈nydït nɔm tueŋ, bä kuɛɛrke lɔ looi.

Luk 3:16

Go Jɔn bɛ̈ɛ̈r, yöök keek kedhie an, “Ya kï, wek aa baptith ë pïïu, ku ade raan bɔ̈ raan ril ë yɛn, raan cä yɛn röŋ në luɔi bän thiönh ë wɛɛrke dɔ̈k, yen abï week baptith në Wëidït ɣer ku në mac.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Jɔn 12:34

Go kut ë kɔc bɛ̈ɛ̈r an, “Acuk piŋ ë löŋic nɔn bï Kërtho tɔ̈u athɛɛr: ku eeŋö luel yïn en an, “Bï Wën ë Raan dhil jat nhial? Eeŋa ye Wën ë Raan?”

Jɔn 6:69

Ku acuk gam ku ŋicku nɔn ee yïn Kërtho ɣeric Wën ë Nhialic.”

Luɔi 16:17

Go wo kuany cök wokë Paulo, en ee nyanë, ke ye cööt an, “Röörkë ayek lïïm ke Nhialic Awärjäŋ, kɔc guïïr wook në kueer ë kunydewëi!”

Luɔi 2:30

Ku yen aaye tiët, ku aŋic nɔn cï Nhialic e lɛ̈k en, abï gutguut lueel an, Në mïth ke thardu yïguöp, yɛn bï Kërtho jat nhial, raan bï rëër ë thöönydu nɔm.

Luɔi 2:36

“Na ënɔɔnë, tɔ baai de Yithriɛl ëbɛ̈n tɔ ŋic cöökë ëgɔk an, Yecu manë, raan wään cäk piäät ë tim cï rïïu nɔm kɔ̈u, yen acïï Nhialic tɔ ye Bɛ̈nydït ku tɔ ye Kërtho aya!”

Luɔi 7:48

“Ku Awärjäŋ acie rëër ë luëk yiic tei, luëk cï yïk ë kɔc cin, acït nɔn cï ë tiët ye lueel an,

Romai 1:4

ku cï tïc në riɛl dït nɔn ee yen Wën ë Nhialic, në këde Wëi ke ɣɛɛrëpiɔ̈u, në jön cï en rɔt jɔt ë kɔc cï thou yiic, yen Yecu Kërtho Bɛ̈nydïïtda,

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer: