Lebai 9:5 - JAM DE NHIALIC 2011

⁵ Ago kɔc bɛ̈n kedhie në Paany de mät thok, ku bïïkï ka cï Mothe keek yɔ̈ɔ̈k an bïk keek bɛ̈ɛ̈i, ago akutnɔm ëbɛ̈n kɔ̈ɔ̈c në Bɛ̈nydït nɔm.

Lebai 9:5 ပူးပေါင်းရင်းမြစ်များ

1 Lëk 15:3

Go Debid kɔc ke Yithriɛl cɔɔl kedhie bïk lɔ Jeruthalem, në biäk bï kek Athänduŋ de mät lɔ bɛ̈ɛ̈i të ɣɔn cï guiir bïï ë yen tääu thïn.

Neɣe 8:1

Na ɣɔn në pɛɛi ë dhorou ke kɔc ke Yithriɛl acïk jɔ nyuc kedhie në wuötkeniic, ku në kööl tueŋic në ee pɛɛi manë acïk kenïïm bɛ̈n mat ë Jeruthalem, në pëëric lɔŋ të lɔ Thoŋ de Pïïu. Gokï Edhera thiëëc bɛ̈ny de kake Nhialic, ku ee bɛ̈ny ee lööŋ ɣɔn cïï Bɛ̈nydït ke gäm kɔc ke Yithriɛl në kueer ë Mothe wɛ̈ɛ̈t bï awerek de lööŋ bɛ̈ɛ̈i.

Bɛ̈n 19:17

Go Mothe ke wat, leer keek të nu Nhialic. Gokï lɔ kɔ̈ɔ̈c në kuur thar.

Lebai 9:4

Ku weŋ kekë nyɔɔŋ amääl ke ke ye miɔ̈c de mät, miɔ̈c bïï ke gam në Bɛ̈nydït nɔm, ku mɛ̈tkï në miɔ̈c ë rap cï liääp ë miök. Në biäk bïï Bɛ̈nydït tuöl tëde week ee köölë.

Lebai 9:6

Ago Mothe lueel an, “Wek cï kë cïï Bɛ̈nydït lueel looi, ka wek bï dhuëëŋ de Bɛ̈nydït tïŋ.

Nyöŋ 31:12

Kut kɔc nïïm, röör ku diäär ku mïth ku kɔc lei rɛ̈ɛ̈r në wuötken yiic, agokï piŋ ku wëëtkï në luɔi bï kek Bɛ̈nydït Nhialicdun aa riëëu, ku bïk wël nu ee löŋë yic kedhie aa kuany cök apiɛth.