Lebai 9:23 - JAM DE NHIALIC 2011

²³ Na wën ke Mothe kekë Aron ë ke lɔ në paany de mätic. Na wën bï kek bei kekë thiei kɔc, ago dhuëëŋ de Bɛ̈nydït tuöl tëde kɔc kedhie.

Lebai 9:23 ပူးပေါင်းရင်းမြစ်များ

2 Lëk 7:1

Na wën cï Tholomon thök ë lɔ̈ŋ, go mac löny nhial ku nyop miɔ̈c wën cï gam, ku thiäŋ riau de dhuëëŋ de Bɛ̈nydït Luaŋdïtic.

Bɛ̈n 16:10

Na wën aa jam Aron kekë akutnɔm de kɔc ke Yithriɛl, gokï kenïïm wɛl ë jɔ̈ɔ̈ric. Go dhuëëŋ ë Bɛ̈nydït guɔ tuöl ëthiäu në luätic.

Bɛ̈n 39:43

Na wën, ke jɔ Mothe ye caath guöp ëbɛ̈n, go yök acï looi ëbɛ̈n ëgɔk cït man cïï Bɛ̈nydït e lɛ̈k en. Go Mothe keek thieei.

Lebai 9:4

Ku weŋ kekë nyɔɔŋ amääl ke ke ye miɔ̈c de mät, miɔ̈c bïï ke gam në Bɛ̈nydït nɔm, ku mɛ̈tkï në miɔ̈c ë rap cï liääp ë miök. Në biäk bïï Bɛ̈nydït tuöl tëde week ee köölë.

Lebai 9:6

Ago Mothe lueel an, “Wek cï kë cïï Bɛ̈nydït lueel looi, ka wek bï dhuëëŋ de Bɛ̈nydït tïŋ.

Kuɛ̈n 14:10

Go akutnɔm de kɔc mat ëbɛ̈n nɔn bïï kek keek biöök në kur abïk thou. Ku ee tëthiinë, ke kɔc kedhie ë ke tïŋ riau de dhuëëŋ ë Bɛ̈nydït atul ëthiäu në paany de mat nɔm.

Kuɛ̈n 16:19

Ku ëtɛ̈ɛ̈n, Kɔra ë akutnɔm de kɔc ke Yithriɛl bɛ̈n bɛ̈ɛ̈i, bïï keek bɛ̈n tɔ kääc në paany de mät thok ke ke wel kenïïm Mothe kekë Aron. Ago riau de dhuëëŋ ë Bɛ̈nydït guɔ tul ëthiäu tëde raan cï guëër ëbɛ̈n.

Kuɛ̈n 16:42

Na wën, aacï akutnɔm guëër në Mothe lɔ̈ɔ̈m kekë Aron ke ke göth në keek, ke ke liec paany de mät, gokï tïŋ acïï luät paat piny, ku tïŋkï riau de dhuëëŋ ë Bɛ̈nydït acï tuöl.