Lebai 9:15 - JAM DE NHIALIC 2011

¹⁵ Na wën ke Aron ë bïï miɔ̈c wën ye këde kɔc, ku nööm nyɔɔŋ bou de miɔ̈c de kërɛɛc ë kɔc, ku teem röl, ku gɛm ke ye miɔ̈c de kërac, cït man cï yen ë luöi wën kɛ̈ɛ̈i.

Lebai 9:15 ပူးပေါင်းရင်းမြစ်များ

2 Lëk 29:24

Go bäny ke kake Nhialic bɔɔth nɔ̈k, ku wɛ̈lkï riɛm në yïk nɔm ke ee miɔ̈c de kërac bïï ë kɔc ke Yithriɛl teem gup kedhie, në biäk cïï melik keek yɔ̈ɔ̈k bïk miɔ̈c de kërac ku miɔ̈c ye nyop ëbɛ̈n luöi kɔc ke Yithriɛl kedhie.

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Lebai 10:16

Na wën ke Mothe ë lop nyɔɔŋ de miɔ̈c de kërac, ago nyop në mac ëbɛ̈n, go piɔ̈u diu kekë Eleyadhar ku Yithamar, wɛ̈ɛ̈t ke Aron ë cï döŋ.

Lebai 9:14

Go ka yiëëc waak kekë cök ku nyop keek në miɔ̈c ye nyop ëbɛ̈n nɔm në yïk nɔm nhial.

Lebai 9:3

Na wën ke yɔ̈ɔ̈k kɔc ke Yithriɛl an, ‘Nöm nyɔɔŋ bou në biäk de miɔ̈c de kërac, ku miɔɔr kekë nyɔɔŋ amääl abïk run aa tök, ku cïnkï gup tëdak, në biäk de miɔ̈c ye nyop ëbɛ̈n.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 2:17

Yen kë ë tɔ Yen tɔ cït mïthëkɔcken ka në këriëëcic ëbɛ̈n. Ke bï ya Bɛ̈nydïït ë kake Nhialic ee piɔ̈u adöt ku kook piɔ̈u në luɔi de Nhialic yic. Ke bï kɔc ke wɛ̈ɛ̈r bei në karɛckeniic.

Ɣeberuu 5:3

Yen aye yen miɔ̈c gam në biäk de awɛ̈ɛ̈cke, ku në biäk de awɛ̈ɛ̈c ke kɔc ayadäŋ.