Lebai 8:23 - JAM DE NHIALIC 2011

²³ Ago Mothe nyɔk nɔ̈k ku tɛ̈ɛ̈u riɛm biäk në riöp butbut de ciin cuëc nɔm, ku tɛ̈ɛ̈u riɛm biäk në riöp dïït de cöök cuëc nɔm.

Lebai 8:23 ပူးပေါင်းရင်းမြစ်များ

Bɛ̈n 29:20

Ku näk, ku nöm riɛmdɛn biäk tɔc yïn Aron yïnh cuëc thok nhial. Ku tɔc yïth ke wɛ̈ɛ̈tke thook. Ku tɔc riöpkɛn butbut de ciin cuëëcken ëbɛ̈n. Ku tɔc riöp butbut ke kecök kedhie. Ku wälë biäk de riɛm cï döŋë në biäk ke yïk kaŋuan.

Bɛ̈n 29:21

Ku nöm biäk de riɛm nu në yïk nɔm. Ku nöm miök thiinakäŋ në miök ë tɔc, ku wïïthë në Aron guöp kekë lupɔɔke, ku wïïthë biäk në lupɔɔ ke wɛ̈ɛ̈tke gup, ku yen ke lupɔɔke abï yiic ɣɛɛr, ku jɔ Ya bɛ̈n gäm Aron kekë wɛ̈ɛ̈tke.

Lebai 14:14

Ku bɛ̈ny de kake Nhialic abï riɛm biäk nööm në miɔ̈c de awäc yic, ku tɛ̈ɛ̈u në yïth thok piny, yïny de raan bï tɔ waar guöp, ku tɛ̈ɛ̈u riɛm biäk në ciin cuëny butbut, kekë cöök cuëny butbut.

Lebai 14:17

Ku bɛ̈ny de kake Nhialic abï miök biäk cï döŋ në yeciin tääu në yïny cuëc thok piny, yïny de raan bï tɔ waar guöp, ku tɛ̈ɛ̈u miök biäk në butbut de ciin cuëc ku butbut de cöök cuëc në riɛm de miɔ̈c de awäc kɔ̈u.

Lebai 14:25

Abï nyɔk jɔ nɔ̈k ke ee miɔ̈c de awäc ku nööm riɛmdɛn biäk ku tɛ̈ɛ̈u në yïny cuëc thok, yïny de raan bï tɔ waar guöp ku tɛ̈ɛ̈u në butbut de ciin cuënyde, ku tɛ̈ɛ̈u në butbut de cöök cuënyde.

Lebai 14:28

Ku miök biäk nu në yeciin, abï tääu në ɣään wën cïï yen ke riɛm de miɔ̈c de awäc tääu në yïny cuëc thok piny, yïny de raan bï tɔ waar, ku tɛ̈ɛ̈u në butbut de ciin cuënyde, ku tɛ̈ɛ̈u në butbut de cöök cuënyde.

Lebai 7:37

Ku kakë kek aye lööŋ ke Bɛ̈nydït në biäk de miɔ̈c ye nyop ëbɛ̈n, ayï miɔ̈c ë rap, ayï miɔ̈c de kërac, ayï miɔ̈c de awäc, ayï miɔ̈c de ruk kekë miɔ̈c de mät.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

Romai 6:19

Yɛn jam cït man ë raan tei, në baŋ de kɔ̈c de guöpdun. Acït man cä wek ka ke wegup gäm cuɔlëpiɔ̈u abïk aa lïïmke, ku acäk ke gäm reecëlöŋ bïk löŋ aa rɛɛc, yen abï ciët gäm duɛ̈ɛ̈r wek ka ke wegup gäm piathëpiɔ̈u ënɔɔnë, abïk aa lïïmke, ke bï ɣɛɛrëpiɔ̈u bɛ̈ɛ̈i.

1 Kor 1:2

Awerek en gɛ̈ɛ̈rku ɣön ë Nhialic nu Korinthoi, kɔc wën cï tɔ ɣerpiɔ̈ɔ̈th ë Yecu Kërtho yic, kɔc wën cï cɔɔl bïk aa kɔc piɛthpiɔ̈ɔ̈th, kekë kɔc kedhie kɔc nu ë wuöt yiic ëbɛ̈n, kɔc ee rin ke Yecu Kërtho Bɛ̈nydïïtda cɔɔl, ee Bɛ̈nyden keek ku ye Bɛ̈nyda wook.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

1 Kor 6:20

We cï ɣɔɔc ë ɣööc tuc: yen aa wek Nhialic tɔ yök dhuëëŋ në guöpdunic ayï wëikun yiic, kek ka ke Nhialic ka.

Pilipoi 1:20

Acït man kaar ɛn en arëët ku ŋääth an, bï ciën kë bän yäär, ku yɛn bï nyin riɛl arëët, ago Kërtho lɛc yök ë këdï ënɔɔnë, acït man ee yen en yök ëcaŋɣɔn, ayï të piëër ɛn, ayï të thuɔɔu ɛn.

Pilipoi 2:17

Yeka, ku na cäk wëikï luööŋ ë yïk nɔm, ku luuŋë ke ë luɔi nɔm aya, luɔiduön ë gäm cä wek gam, ka mit ë yapiɔ̈u, ku yɛn mit piɔ̈u wokë week wedhie.

1 Theth 5:22

yak tɛɛm ë luɔi de kërac ëbɛ̈n.

Ɣeberuu 2:10

Acïï Nhialic tiiŋ nɔm, Raan ë cak këriëëc ëbɛ̈n ku dötke, abï Yecu tɔ dikëdik në guöm, ago kɔc juëc lɛɛr të bï kek dhuëëŋde rɔm. Në luɔi Yen Yecu yen ee kɔc wat tëde kunydewëi.

Ɣeberuu 5:8

Cakaa nɔn Yen Wën ë Nhialic, acï wëët në riëëu në guöm cï Yen gum.