Lebai 7:37 - JAM DE NHIALIC 2011

³⁷ Ku kakë kek aye lööŋ ke Bɛ̈nydït në biäk de miɔ̈c ye nyop ëbɛ̈n, ayï miɔ̈c ë rap, ayï miɔ̈c de kërac, ayï miɔ̈c de awäc, ayï miɔ̈c de ruk kekë miɔ̈c de mät.

Lebai 7:37 ပူးပေါင်းရင်းမြစ်များ

Bɛ̈n 29:1

“Ku kë bä looi kï në gɛm bï yïn Aron gam kekë wɛ̈ɛ̈t bïk Ɛn luööi ke ke ye bäny ke kake Nhialic. Nöm miɔɔr atiëëk tök, ku nyök amɛ̈l kaarou cïn kë dak në kegup.

Bɛ̈n 29:22

“Nöm kɔɔl ke nyɔk, kɔl ë yɔ̈l, ku kɔl ë yäc, ayï kɔl ë cïïn. Ku nöm biäk piɛth ë cuäny, ku rook kaarou në kɔl de kekɔ̈ɔ̈th. Ku nöm ɣäm cuëc (në luɔi yen nyɔɔŋ tɔ yë kɔc ee bäny ke kake Nhialic).

Lebai 1:1

Na wën, ke Bɛ̈nydït ë cɔl Mothe, ku jiɛɛm ke yen ke nu ë Paany de Mätic, ku gëm ee lööŋkë

Lebai 5:7

Ku na cïï raan nyɔɔŋ amääl ku nɔn ee bou bï lëu, ke yen abï guök kaarou, ku nɔn yen ajiël ke guuk kaarou yiɛ̈n Bɛ̈nydït ke ye miɔ̈c de awäc, në biäk de kërɛɛcdɛn cï looi, tök ee miɔ̈c de kërac, ku ye däŋë miɔ̈c ye nyop ëbɛ̈n.

Lebai 6:20

An, kënë ee miɔ̈c bï Aron kekë wɛ̈ɛ̈tke aa yiɛ̈n Bɛ̈nydït në kööl thɛny ë keek nïïm: Aduŋ de aɣaar piɛth ke ee miɔ̈c ë rap aköölnyïïn, biäkdɛn tök adurduur ku biäkdɛn tök thëën.

Lebai 8:22

Na wën ke gɛm nyɔɔŋ amääl, nyɔɔŋ bïï thany nɔm, go Aron kekë wɛ̈ɛ̈tke kecin thany në yenɔm.

Lebai 8:23

Ago Mothe nyɔk nɔ̈k ku tɛ̈ɛ̈u riɛm biäk në riöp butbut de ciin cuëc nɔm, ku tɛ̈ɛ̈u riɛm biäk në riöp dïït de cöök cuëc nɔm.