Lebai 6:14 - JAM DE NHIALIC 2011

¹⁴ Kakë ee lööŋ ke miɔ̈c ë rap, abïï wɛ̈ɛ̈t ke Aron keek aa bɛ̈ɛ̈i ë yïk nɔm tueŋ, në Bɛ̈nydït nɔm.

Lebai 6:14 ပူးပေါင်းရင်းမြစ်များ

1 Lëk 9:31

Raan de Lebai cɔl Matithia wën kɛ̈i de Calum, de dhiën ë Kɔra, yen acï gäm luɔi de guiɛɛr ë kuïn cï pam.

Lebai 1:13

Ku cïïn ku cök abïï keek waak në pïïu. Ku abïï bɛ̈ny de kake Nhialic keek gam ëbɛ̈n, ku nyop në yïk nɔm, ee miɔ̈c ye nyop ëbɛ̈n, miɔ̈c ee looi ë mac, miɔ̈c tum mit në Bɛ̈nydït piɔ̈u.

Lebai 1:17

Abï dit pakic cil dɔm në yewuök ku cïï tekic taitai. Ku abïï bɛ̈ny de kake Nhialic jɔ nyop në many de tiim nu ë yïk nɔm, ee miɔ̈c ye nyop ëbɛ̈n, miɔ̈c ee looi ë mac, miɔ̈c tum mit në Bɛ̈nydït piɔ̈u.

Lebai 1:9

Ku abï yäc dhil waak kekë cök në pïïu, ku jɔ bɛ̈ny de kake Nhialic keek nyop kedhie në yïk nɔm, ke ee miɔ̈c ye nyop ëbɛ̈n, miɔ̈c ee looi në mac, miɔ̈c tum mit në Bɛ̈nydït piɔ̈u.

Lebai 10:12

Go Mothe Aron yɔ̈ɔ̈k kekë wɛ̈ɛ̈tkɛn cï döŋ kaarou, Eleyadhar kekë Yithamar an, “Nöm miɔ̈c ë rap cï döŋ piny në kuïn, miɔ̈c ye gäm Bɛ̈nydït, loi kuïn cï pam cïn yic luɔu në yen, ku cam në yïk lɔ̈ɔ̈m, në biäk yen miɔ̈c ɣeric aläl.

Lebai 6:13

Ku mac abï dhil aa tɔ dɛ̈p aköölnyïïn në yïk nɔm, ku cïï tɔ liu taitai.

Lebai 6:15

Ku bɛ̈ny de kake Nhialic abï aɣaar nem në yeciin ë miɔ̈c ë rap, kekë miök ku wal ŋïr tɔ̈u ë miɔ̈c ë rap nɔm, ku nyop ee kënë ë yïk nɔm, ke ye miɔ̈c de këcam, miɔ̈c ee looi në mac, miɔ̈c tum mit në Bɛ̈nydït piɔ̈u.

Kuɛ̈n 15:4

Në ee miɔ̈ckë yiic kedhie, raan abï Bɛ̈nydït aa gäm aɣar lɔ mot ke ye biäk töŋ de löth cï tɛ̈ɛ̈kiic nathiëër, ku cï liääp kekë miök bur abïny thar ke ye miɔ̈c ë rap.

Kuɛ̈n 15:6

Na ye nyɔɔŋ amääl yen gɛmë, ke wek kiëët miɔ̈c ë rap ke ye biäk kaarou ke löth cï tɛ̈ɛ̈kiic nathiëër, në aɣar lɔ mot, ku liëëpë në abïny ë miök atɛɛm thar.

Kuɛ̈n 15:9

ke we gɛm miɔ̈c ë rap në miɔɔr ëtök, ke ye biäk kadiäk ke löth cï tɛ̈ɛ̈kiic nathiëër në aɣar lɔ mot, ku liëëpë në abïny atɛɛm kɔ̈u në miök.

Jɔn 6:32

Go Yecu ke yɔ̈ɔ̈k an, “Acie Mothe yen ë ye week gäm kuïnë, kuïn bɔ̈ paannhial, ee Wäär yen ee we miɔɔc ë kuïn yic bɔ̈ paannhial.