Lebai 4:35 - JAM DE NHIALIC 2011

³⁵ Ku abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abï bɛ̈ny de kake Nhialic ke nyop në yïk nɔm, në miɔ̈c ee luöi Bɛ̈nydït në mac nɔm. Ku abï bɛ̈ny de kake Nhialic jɔ teem në biäk de kërɛɛc cï looi, ku abï ja päl awɛ̈ɛ̈c.

Lebai 4:35 ပူးပေါင်းရင်းမြစ်များ

Lebai 12:8

Ku na cïï thɔ̈k bï lëu, ke aduëër guök kaarou bɛ̈ɛ̈i, ku nɔn yen ajiël ke guuk kaarou. Tök abï aa këde miɔ̈c ye nyop ëbɛ̈n, ku tök abï aa këde miɔ̈c de kërac. Ku bɛ̈ny de kake Nhialic abï tik jɔ teem guöp, ku abï guöp jɔ piath.

Lebai 14:18

Ku miök nu në yeciin, abï bɛ̈ny de kake Nhialic jɔ tääu në raan nɔm raan kɔɔr bï tɔ waar guöp. Ku abï bɛ̈ny de kake Nhialic jɔ teem guöp në Bɛ̈nydït nɔm.

Lebai 14:53

Ku ëtɛ̈ɛ̈n, abï din pïïr jɔ lɛɛr të lääu, ku abï dit jɔ tɔ pär ë pänydïtic ke lɔ roor. Në ee kueerë, abï ɣöt jɔ teem guöp, ku ɣöt abï jɔ piath.

Lebai 15:15

Abïï bɛ̈ny de kake Nhialic keek nɔ̈k, tök abï aa këde miɔ̈c de kërac ku ye däŋë këde miɔ̈c ye nyop ëbɛ̈n. Ku abï bɛ̈ny de kake Nhialic jɔ teem guöp, në biäk de kë kuëër ë yeguöp.

Lebai 19:22

Ku abï bɛ̈ny de kake Nhialic jɔ teem guöp, në nyɔɔŋ amääl de miɔ̈c de awäc, në biäk de kërɛɛc cï looi në Bɛ̈nydït nɔm, ku kërɛɛcde abï jɔ päl en.

Lebai 4:20

Ku abï ee miɔɔrë luöi kë cït kë man cï luöi miɔɔr de miɔ̈c de kërac. Ku në ee kueerë abï bɛ̈ny de kake Nhialic keek luöi atɛɛm, ku abï keek jɔ päl awɛ̈ɛ̈cken.

Lebai 4:26

Ku abï kɔɔl dhil nyop në yïk nɔm, cït man ye kɔɔl ke miɔ̈c de mät nyop, ku në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.

Lebai 5:10

Ku ëtɛ̈ɛ̈n abï din däŋë jɔ gam ke ee miɔ̈c ye nyop ëbɛ̈n cït man de ciɛɛŋ, ku abï bɛ̈ny de kake Nhialic jɔ teem guöp në biäk de kërɛɛc cï looi, ku abï ja päl awɛ̈ɛ̈c.

Lebai 5:13

Në ee kueerë abï bɛ̈ny de kake Nhialic jɔ teem guöp në biäk de kërɛɛc cï looi në ee kakë yiic, ku abï ja päl awɛ̈ɛ̈c. Biäk de aɣar cï döŋ ee këde bɛ̈ny de kakë Nhialic, cït man de täu de miɔ̈c ë rap.

Lebai 5:6

Abï miɔ̈c de awänyde yiɛ̈n Bɛ̈nydït, në biäk de kërɛɛc cï looi, abï ŋuöt, ku nɔn ee nyɔk bɛ̈ɛ̈i në thökke yiic, amääl ku nɔn ee bou, ke ee miɔ̈c de kërac, ku abï bɛ̈ny de kake Nhialic jɔ teem guöp në biäk de awänyde.

Lebai 6:7

Ku abï bɛ̈ny de kake Nhialic jɔ teem guöp në Bɛ̈nydït nɔm, ku abï ja päl awɛ̈ɛ̈c, në biäk de karɛckɛn cï looi.

Lebai 9:7

Na wën ke Mothe ë yɔ̈ɔ̈k Aron an, “Lɔɔr në yïk nɔm ku gämë miɔ̈c de kërac kekë miɔ̈c ye nyop ëbɛ̈n. Ku luöiyë rɔt atɛɛm wekë kɔc kedhie, ku bɛ̈ɛ̈iyë miɔ̈c de kɔc ku teem kɔc gup, cït man cï Bɛ̈nydït e lueel.

Kuɛ̈n 15:25

Ku bɛ̈ny de kake Nhialic abï atɛɛm looi në biäk de akutnɔm de kɔc ke Yithriɛl kedhie, ku abï Bɛ̈nydït ke päl awänyden, në luɔi cï kek ke kuckï, ku në biäk cï kek miɔ̈cden gam, miɔ̈c ye nyop ëbɛ̈n, ku miɔ̈c de kërac, teem kek awäc.

Kuɛ̈n 15:28

Ku bɛ̈ny de kake Nhialic abï atɛɛm looi në biäk de raan cï wäc ku abï ja päl awɛ̈ɛ̈c.

Romai 10:4

Ku Kërtho yen aye thök de löŋ në këde piathëpiɔ̈u tëde raan ëbɛ̈n raan gäm.

Romai 4:25

yen Yecu, raan cï rɔt gäm thuɔɔu në këde awäny cuk wööc, ku be yë jat nhial ke bï wo tɔ piɛthpiɔ̈ɔ̈th.

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Kolothai 1:14

Wëndɛn cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 4:14

Wok de nïïm gök de Bɛ̈nydïït ë kake Nhialic, Bɛ̈ny cï lɔ paannhial, ee yen Yecu Wën ë Nhialic. Yen kë duɛ̈ɛ̈r wok kɔ̈ɔ̈c ka aril në gämda yic, gäm cuk lueel në biäkde.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

1 Pet 2:22

Raan cïn kërɛɛc cï looi, ku cïn ruëëny cï yök ë yethok,

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.