Lebai 4:15 - JAM DE NHIALIC 2011

¹⁵ Ku röördït ke akutnɔm abïk kecin jɔ thany në miɔɔr nɔm ë Bɛ̈nydït nɔm, ku jɔ miɔɔr teem röl në Bɛ̈nydït nɔm.

Lebai 4:15 ပူးပေါင်းရင်းမြစ်များ

2 Lëk 29:23

Na wën ke ke jɔ nyök bɔɔth ke miɔ̈c de kërac lɛɛr tëde melik kekë amatnɔm de kɔc läŋ, agokï kecin thany në kegup.

Bɛ̈n 24:1

Na wën, ke lëk ë Bɛ̈nydït Mothe an, “Bäkï nhial ë kuur nɔm të nu Yɛn thïn, yïn wekë Aron, ku Nadap, ku Abiɣu, ku röördït ke Yithriɛl kathiërdhorou. Ku të kɛ̈n wek guɔ ɣëët tëthiɔ̈k, ke we gut wenïïm piny, ku lamkï Yɛn.

Bɛ̈n 24:9

Na wën, ke Mothe ë lɔ në kuur nɔm kekë Aron, ku Nadap, ku Abiɣu, ku röördït ke Yithriɛl kathiërdhorou.

Lebai 1:3

Na ye miɔ̈c ye nyop ëbɛ̈n weŋ, ke gɛm miɔɔr cïn guöp tëdak, ku abïï dhil gam në paany de mät thok tueŋ, ago Bɛ̈nydït yen jɔ gam.

Lebai 1:4

Raan abï yeciin jɔ thany në miɔ̈c ye nyop ëbɛ̈n nɔm, ku abï jɔ gam në nyinde yic, ke bï aa kë teem ë yen guöp.

Lebai 16:21

Ku abï yeciin thany në nyɔk nɔm, ku gɛm awɛ̈ɛ̈c ku karɛc ku luɔi, ku karɛc de kɔc ke Yithriɛl ëbɛ̈n. Ku jɔ keek pɔ̈k në nyɔk nɔm, ku ëtɛ̈ɛ̈n, nyɔk abï jɔ kuaath ë jɔ̈ɔ̈ric në raan cï lɔc an bï yen looi.

Lebai 4:16

Ku ëtɛ̈ɛ̈n bɛ̈ny de kake Nhialic abï riɛm biäk de miɔɔr nööm leer në paany de mätic.

Lebai 4:4

Abï miɔɔr gam në paany de mät thok në Bɛ̈nydït nɔm, ku abï yecin thany në yenɔm, ku teem miɔɔr röl në Bɛ̈nydït nɔm.

Lebai 8:14

Na wën, ke Mothe ë bïï miɔɔr atiëëk, ke ye miɔ̈c de kërac, go Aron kekë wɛ̈ɛ̈tke kecin tääu ë yenɔm.

Lebai 8:18

Na wën ke Mothe ë bïï nyɔɔŋ amääl de miɔ̈c ye nyop ëbɛ̈n, go Aron kekë wɛ̈ɛ̈tke kecin thany në yenɔm.

Lebai 8:22

Na wën ke gɛm nyɔɔŋ amääl, nyɔɔŋ bïï thany nɔm, go Aron kekë wɛ̈ɛ̈tke kecin thany në yenɔm.

Kuɛ̈n 11:16

Go Bɛ̈nydït lɛ̈k Mothe an, “Yiɛ̈në ya kɔc kathiërdhorou në röördït ke Yithriɛliic, kɔc lëu bääny në keyiic. Bɛ̈ɛ̈iyë keek në paany de mät thok, ku kääcë wekë keek ëtɛ̈ɛ̈n.

Kuɛ̈n 11:25

Na wën, ke Bɛ̈nydït ë bɔ̈ piny në luätic, ku jiɛɛm ke Mothe. Go wëi kɔ̈k nööm në wëi wään cï gäm Mothe, ku gëm keek röördït kathiërdhorou. Na wën, alɔ wëi lɔ në keyiic, ke ke go jam cït man ë tït, ka ee luɔi kën en bɛ̈n cieŋ.

Kuɛ̈n 8:10

Kɔc ke Yithriɛl abïk kecin thany në Lebai nïïm,

Kuɛ̈n 8:12

Ku ëtɛ̈ɛ̈n, Lebai abïk kecin jɔ tääu në miöör nïïm kaarou, ku miɔɔr tök ë gɛmë ke ye miɔ̈c de kërac, ku miɔɔr däŋë ë gɛmë ke ye miɔ̈c ye nyop ëbɛ̈n, bïï ë Lebai teem gup.