Lebai 27:30 - JAM DE NHIALIC 2011

³⁰ Ku këriëëc ye käŋ thiëër ëbɛ̈n, kake piny, na ee rap ë lok piny. Ku na ee mïth ke tiim, ayek kakë Bɛ̈nydït, ee kë ɣeric tëde Bɛ̈nydït.

Lebai 27:30 ပူးပေါင်းရင်းမြစ်များ

Cäk 14:20

Lec Nhialic dïït nhial, Raan ë tɔ yï tiam kɔc ë gɔ̈m në yïn.” Go Abram kë ye käŋ thiëër në kakɛn cï peeciic ëbɛ̈n gäm Melikidhedek.

Cäk 28:22

Ku kuur cä tɔ ye mënë, abï ya ɣön ë Nhialic. Ku në ka cï Bɛ̈nydït gäm ɛn yiic kedhie, abä puɔ̈k nɔm töŋ thiëër ë käŋ.”

Cäk 47:24

Na miäk alek luɔk, ke we bï kë ye käŋ dhïc aa gäm melik. Ku ka bï döŋ piny, kɔ̈k abäk keek tɔ ye kɔ̈th, ku takï kɔ̈k ee kacaam ke bɛ̈ikun.”

Cäk 47:26

Go Jothep mac ke ye löŋ ë kɔc ke Rip. Luɔi ye kë ye käŋ dhïc kë de melik. Ku yen ee löŋë aŋoot ke nu Rip ayï ee köölë. Ee piiny ke bäny ke kake Nhialic kapäc kek aa kën ë melik nööm.

2 Lëk 31:12

Go kɔc ka cï juaar bɛ̈ɛ̈i ë piɔ̈n piɛth, töŋ ë thiëër, ku ka cï tɔ̈ɔ̈u pei. Ku bɛ̈ny nu ë kenïïm ee Lebai cɔl Konania, ku kuany Cimei mänhë ë yecök.

Neɣe 12:44

Ɣɔn ee thaarë kɔc aake cï gäm muŋ de luɔi de ɣööt ye käŋ tɔ̈ɔ̈u ka ye juɛ̈ɛ̈r Luaŋdït, në töŋ ë thiëër, ku rɛɛp cï kɔn luɔk ku kake ee luɔk në ruöön thok ëbɛ̈n. Kɔckë acï ke gäm riɛl bï kek käŋ aa tɔ kut në duum thiääk në wuöt, ka ye juɛ̈ɛ̈r bäny ke kake Nhialic ku kɔc ke Lebai cït kë kɔɔrë löŋ. Kɔc ke Juda kedhie aake cï piɔ̈ɔ̈th miɛt në bäny ke kake Nhialic ku kɔc ke Lebai,

Neɣe 13:12

Ku jɔ kɔc ke Yithriɛl kedhie miɔ̈cdɛn ë töŋ thiëër ë käŋ de rap, ku mɔ̈u, ku miök de olip bɛ gɔl në leer ɣön ye kake Luaŋdït tɔ̈ɔ̈u thïn.

Neɣe 13:5

Ago Tobia päl ɣön dïït ë ye miɔ̈c ë rap, ku wal ŋïr, ku kakë luɔi ë Luaŋdït tɔ̈ɔ̈u thïn, ku miɔ̈c ke bäny ke kake Nhialic, ku miɔ̈c de töŋ ë thiëër ke rap, ku mɔ̈u, ku miök de olip ye gäm Lebai ku kɔc ee ket Luaŋdït ku kɔc ee Luaŋdït tiit thok.

Lebai 27:29

Raan cï gäm luɔi bïï ë yen riɔ̈ɔ̈r nyin, acïï bïï waar, abïï dhil nɔ̈k.

Lebai 27:31

Na waar raan töŋdɛn ye käŋ thiëër, ka abï kuënde dhil ŋuak në dhïc.

Math 23:23

Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye wal juaar, yï mint, ku anith, ku kumin, ku we ye ka ke löŋ pɔ̈l, ka cït guiëërëlöŋ, ku kokdepiɔ̈u, ku gäm, ka de naamden awärkï wɛl awën, kake adï cäk ke dhil aa looi, ku cäkï kak awën ee pɔ̈l ayadäŋ.

Luk 11:42

“Amawoou në week, wek Parithai! We ye wal juaar, yï mint, ku rue, ku wäl ëbɛ̈n, gämkï Nhialic töŋ wën thiëër kek, ku yak guiëërëlöŋ wööc yic kekë nhiëër ë Nhialic. Kakë adï cäk ke dhil aa looi, ku cäkï kakë awën ee pɔ̈l ayadäŋ.

Luk 18:12

Yɛn ee cäm rɛɛc ë akööl kaarou ë akööl kadhorou yiic, ku yïn aa miɔɔc në kakï kedhie në töŋ wën thiëër kek!’

Nyöŋ 18:8

Abï biäk de këcam kït kekë ka ye bäny ke kake Nhialic kɔ̈kkë aa nööm, ku aduëër kakɛn ye baaiden yiɛ̈n en aa mɔ̈k rɔt.

Nyöŋ 26:12

“Në ruöön ye run diäk ëbɛ̈n gamkï töŋ thiëër ë käŋ, töŋ ë thiëër në rɛɛpkuniic. Yak keek gäm Lebai, ku kɔc lei, ku mïth abɛɛr, ku diëër abɛɛr, ago raan ëbɛ̈n në kɔc yiic kedhie nɔm dɛ këcam ë wuötkuniic. Të cä wek ee kënë looi,