Lebai 27:28 - JAM DE NHIALIC 2011

²⁸ Ku këde raan, këdɛn cï gäm Bɛ̈nydït në kuëëŋ, acïï bïï ɣaac ku acïï bï waar, cakaa raan, ayï lɛ̈i ayï pinyde paanyde, këriëëc cï gam ëbɛ̈n, ee kë ɣeric aläl tëde Bɛ̈nydït.

Lebai 27:28 ပူးပေါင်းရင်းမြစ်များ

2 Lëk 31:14

Ku raan de Lebai cɔl Kore wën de Yimena bɛ̈ny de kɔc ee kal Thoŋ de Luaŋdït të lɔ aköl amiäk tiit, ee yen ee bɛ̈ny de miɔ̈c ɣeric aläl ye gäm Bɛ̈nydït dɔm, ku tek keek.

Bɛ̈n 22:20

“Ku raan ëbɛ̈n raan ee yiëth kɔ̈k pei miɔɔc ke cie Bɛ̈nydït, abï riɔ̈ɔ̈r nyin taitai.

Edhekiɛl 44:29

Miɔ̈c ë rap, ku miɔ̈c de kërac, ku miɔ̈c de awäc, abïï bäny ke kake Nhialic ke cam, abïk käŋ aa nööm tëde Yithriɛl ëbɛ̈n, ka cï tɔ̈ɔ̈u pei ke ke ye kakï.

Edhekiɛl 48:14

Të cï gäm Bɛ̈nydït yen ee të piɛth ë piny yic ëbɛ̈n, ku acïn të thiin duëërë ɣaac ku nɔn waar ë däŋ. Kënë ee tëɣeric, ku ee këde Bɛ̈nydït

Lebai 21:22

Aduëër cam tei në kuïn ɣeric aläl de Nhialicde ayï këcam ɣeric ayadäŋ.

Lebai 27:21

Ku të le ë dom puk nɔm në ruöön ë cuölëkäŋ, dom abï yic ɣɛɛr, cït dom cï gäm Bɛ̈nydït, abï aa këde bäny ke kake Nhialic.

Lebai 27:27

Na ee lɛ̈n cie gäm Bɛ̈nydït, ka duëër bɛ ɣɔ̈c rɔt në kuën cï mac. Ku abï kuënde ŋuak në dhïc, ku na cïï bï waar. Ka abïï ɣaac në kuëndɛn cï mac.

Lebai 27:29

Raan cï gäm luɔi bïï ë yen riɔ̈ɔ̈r nyin, acïï bïï waar, abïï dhil nɔ̈k.

Kuɛ̈n 18:14

“Ku këriëëc cïï Yithriɛl gäm Ɛn ëbɛ̈n, ee këdun.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Romai 9:3

Ku aduɛ̈ɛ̈r lueel ë yapiɔ̈u an, adï miɛt piɔ̈u tëë ya ye guöp dɛ aciɛɛn bï ya cieec ë Kërtho nɔm në baŋ de mïthëkɔckuɔ, kɔc rɛɛn wok në dhiënh ë dhiëëthë wook.

1 Kor 16:22

Na de raan cïï Bɛ̈nydït Yecu Kërtho nhiaar, ka bï guöp dɛ aciɛɛn! Bɛ̈nydïïtda ka bɔ̈yë!

Galatai 3:10

Ku kɔc ke luɔi de löŋ kek atɔ̈ukï ë aciɛɛnic kedhie: luɔi cï e gɔ̈ɔ̈r an, “Raan ëbɛ̈n raan cie cool ë döt ka cï gɔ̈ɔ̈r ë awerek de löŋic kedhie, bï keek aa looi, ka cï cieen!”

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Nyöŋ 25:19

Ka ënɔɔnë, të cïï Bɛ̈nydït Nhialicdun week gäm piny, ku cï week kony në kɔc ke aterdun ëbɛ̈n, kɔc rɛ̈ɛ̈r ë welɔ̈m, näkkï kɔc ke Amalek kedhie, ago ciën raan bï keek bɛ nyɔk ë täk. Duökï nïïm mär!

Nyöŋ 7:26

Duökï yanh tök në ee yiëthkë yiic leer ë ɣöötkun yiic, na lak looi wäkya, ke aciɛɛn cït aciɛɛn tɔ̈u ë ke kɔ̈ɔ̈th abï tääu ë we kɔ̈ɔ̈th. Wek bï ee yiëthkë dhil maan ku biankï keek gup, në biäk tɔ̈u aciɛɛn ë Bɛ̈nydït ë ke gup.

Jocua 6:26

Ku Jocua acï kɔc jɔ̈ɔ̈ny arëët ë gutguut, lueel an, “Raan lɔ ye them nɔn be yen Jeriko yïk, abï Bɛ̈nydït cieen. Të le yen këërkëërde gɔl, wën kɛ̈ide abï thou, Na le kal ë pänydït yiëk thok thïïk, Ka abï mɔ̈l në wën kunde.”

Jocua 7:1

Ku kɔc ke Yithriɛl akënkï jam ë Bɛ̈nydït bɛ̈n döt, jam wään lëk keek nɔn cïn en kë nömkï ë Jeriko në ka bï riɔ̈ɔ̈kiic kedhie. Raan cɔl Akan ë jamë bɛ̈n dhɔ̈ŋic. Go Bɛ̈nydït piɔ̈u diu arëët kekë kɔc ke Yithriɛl. (Akan ee wën de Karemi de Dhabedi de Dhera wën raan dhiën ë Juda).

Jocua 7:25

Na wën, ke Jocua ë lop Akkan an, “Eeŋö lui yïn wook ee riääk cït ee kënë? Yïn bïï Bɛ̈nydït riɔ̈ɔ̈k ee köölë!” Go kɔc Akan biɔ̈ɔ̈k kedhie në kur abïï thou. Na wën, acïk kɔc ke baaide biɔ̈ɔ̈k ayadäŋ në kur, ke ke jɔkï ɣɔ̈k mac.

Bäny 21:11

ku näkkï röör ëbɛ̈n ku diäär cie dhueec.”

Bäny 21:18

ku acuku keek bï pɔ̈l athiak duetkuɔ, në luɔi ë cï wok kuëëŋ an, “Aciɛɛn abï nu ke raan lɔ dhiën ë Benjamin gäm duet në duetkuɔ yiic.”

Bäny 21:5

Na wën ke kɔc ke Yithriɛl ë ke lop röt, an, “Eeŋa në dhiëën ke Yithriɛl yiic kedhie, dhiën kën bɛ̈n në amatnɔm ë Bɛ̈nydïtic ë Midhpa?” (Në luɔi cï wok gutguut lueel an, buk raan kën lɔ Midhpa nɔ̈k.)

1 Tham 15:18

Ku tooc yïn bä luɔɔide lɔ looi, lueel, an, lɔ näk kɔc rackë, riɔ̈ɔ̈k kɔc ke Amalek taitai, luöiyë keek tɔŋ, agut të bï yïn keek nɔ̈k kedhie.

1 Tham 15:3

Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”