Lebai 26:40 - JAM DE NHIALIC 2011

⁴⁰ “Ku na lek karɛcken gam ku gɛmkï karɛc ke wärken, ku gɛmkï awɛ̈ɛ̈c cïk luöi Ɛn ku aterdɛn cïk looi në Yɛn.

Lebai 26:40 ပူးပေါင်းရင်းမြစ်များ

1 Mel 8:47

jɔ lɔ̈ŋ de kɔcku piŋ. Të nu kek ee pinyë, ku cï kepiɔ̈ɔ̈th puk në awänyden Yic, ku lɛ̈ŋkï Yïn ke ke gam awɛ̈ɛ̈c, an, wok cï awɛ̈ɛ̈c looi, ku karɛc ëbɛ̈n. Bɛ̈nydït piŋ lɔ̈ŋden.

1 Mel 8:48

Na cïk röt pɔ̈k Yïn në piɔ̈nden ëbɛ̈n, ku wëiken ëbɛ̈n, ku lɔ̈ŋkï ke ke wël kenïïm piny ɣɔn gämë kuarken, ku wëlkï kenïïm pänydït ɣɔn cï lɔc, ku wëlkï kenïïm Luaŋdïït cä yïk në rinku,

Edhr 10:11

Ënɔɔnë, gamkï awɛ̈ɛ̈ckun në Bɛ̈nydït nɔm, Nhialic de kuarkun, ku yak këde piɔ̈nde looi, tɛkï weyiic në juöör ceŋ ee pinyë ku pälkï duet ke juöör ë cäk ke thiaak.”

Edhr 9:15

Yïn Bɛ̈nydït, Nhialic de Yithriɛl, Yïn adöt në kë cï lueel! Ku ënɔɔnë wokï, wok kɔc likkuön cï tɔ dɔ̈ŋ ke ke pïr, wok gam awɛ̈ɛ̈ckuɔ në Yïnɔm, wok cïn nïïm yic duëërë wo bɛ̈ɛ̈i në Yïlɔ̈ɔ̈m.”

Edhr 9:6

Ku luɛɛl an, “Nhialic, yɛn cï yäär ka yɛn cï guöp riɔ̈ɔ̈c arëët bä yanyin wɛ̈l Yïn, awɛ̈ɛ̈ckuɔ acïk thɔc ka cïk wo wöör nïïm, acïk ɣet abïk nhial cuööp.

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Kɛ̈ŋ 28:13

Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Jeremia 14:20

Bɛ̈nydït, Yïn cuk luöi awäc, wok cï karɛckuɔ gam, ku gɛmku karɛc ke kuarkuɔ.

Dhiëëu 1:20

“Bɛ̈nydït, tïŋ tɔ̈ɔ̈kdï, tïŋ arɛɛm de yɛn piɔ̈u! Piɔ̈ndï acï dhuɔɔŋ kekë jiɛthëpiɔ̈u në biäk de karɛckï. Ade kɔc näk kɔc ë kuɛɛriic, ayï biökiic aya thuɔɔu anu thïn.

Edhekiɛl 14:23

Ëtɛ̈ɛ̈n abä ŋic nɔn de yen yic piɛth tɔ yɛn loi ee kënë.” Bɛ̈nydït Awärjäŋ yen aa jam.

Edhekiɛl 36:31

Wek bï karɛc ë ya looi aa tak, ku awɛ̈ɛ̈c cäk looi ë röt wapäc, ku wek bï gup riɔ̈ɔ̈c në biäk de awɛ̈ɛ̈ckun ku karɛckun.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Lebai 26:21

“Ku na lak ŋoot ke we loi ater në yɛn, ku cäkï jamdï piŋ. Yɛn bï nuɛɛnkun ŋuak nyïïn raan dhorou ku nɔm. Cït man ë kë röŋ kekë karɛckun.

Lebai 26:24

Ëtɛ̈ɛ̈n, Yɛn bï ater luöi week, ka wek bä luöi këtuc thok raan dhorou awär kë tueŋ ë biäk ë karɛckun.

Lebai 5:5

Të cï ë raan awäny tök looi në ee kakë yiic, abï kërɛɛc cï looi dhil gam.

Kuɛ̈n 5:7

ka abï kërɛɛcde dhiɛl gam, ku tɛ̈ɛ̈u kuën awäc piny ëbɛ̈n, ku ŋuɛk thok në kë ye käŋ dhïc ku gëm keek raan cï wäc awäc.

Jocua 22:15

Agokï lɔ Giliyad lek jam në dhiën ë Ruben, kekë dhiën ë Manatha, Lëkkï keek an:

Jocua 7:19

Go Jocua lɛ̈k en an, “Mɛnhdï luel yic në Bɛ̈nydït Nhialic de Yithriɛl nɔm, tɔ leec, ku gam awäc.”