Lebai 26:39 - JAM DE NHIALIC 2011

³⁹ Kɔc cï döŋ ke ke pïïr ë weyiic abïk riɛ̈ɛ̈r wei, piny de kɔc dɛ wek ater në biäk de karɛcken. Ku abïk riɛ̈ɛ̈r wei ayadäŋ në biäk de karɛc ke wärken.

Lebai 26:39 ပူးပေါင်းရင်းမြစ်များ

2 Lëk 34:24

lëkkï jam ë Bɛ̈nydïïtë an: “Yɛn bï kɔc ke Jeruthalem luöi këtuc ku kɔc ceŋ en ëbɛ̈n, në biäk de acien cï ke gɔ̈ɔ̈r në awerekic ëbɛ̈n, awerek cï kuɛ̈n melik de Juda.

Edhr 9:7

Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Neɣe 1:9

ku na dɔ̈kkï röt Ɛn, ku luɔikï lööŋ cä lɛ̈k week, të ciɛk ë we thiäi të lee piny thar guut, ke wek bä bɛ bɛ̈ɛ̈i të wään cä lɔc bä wek Ɛn aa lɔ̈ŋ thïn.’

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 34:7

Yɛn ee nhiëërdiën agɔk dɔ̈t aguum ke rɛm, ku päl kɔc awɛ̈ɛ̈c ku karɛc. Ku Yɛn cïï mïth bï puɔ̈l ke kɛ̈n ke luöi këtuc në biäk de karɛc ke wärken, ayï awɛ̈ɛ̈c ke kuarken, agut cï rem ye rɛm diäk, ayï ŋuan.”

Yith 14:21

Guiɛɛrkï kɔc ee kɔc tɛm röt! Näkkï wɛ̈ɛ̈t ke meliŋë në biäk de awɛ̈ɛ̈c ke kuarken! Acïn raan ë keyiic bï rɔt bɛ jɔt ku mɛc piny ku nɔn be yïk nɔm ë pɛ̈ɛ̈nydït.

Yith 24:16

Në wuöt nu ë piny thar, wo ee diɛt ke dhuëëŋ leecë Raan piɛthpiɔ̈u piŋ. Ku acïn aŋäth tëde Yɛn! Amawoou, yɛn dhiau piɔ̈u! Kɔc ayek a nyiɛɛn, ku nyiinden ee lɔ ke ŋuak rɔt arëët.

Jeremia 29:12

Ëtɛ̈ɛ̈n yïn bï Yɛn aa cɔɔl. Yïn bï bɛ̈n ku läŋ Yɛn, ku Yɛn bï lɔ̈ŋdu bɛ̈ɛ̈r.

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 31:29

Të le köölë bɛ̈n, acïï kɔc bï bɛ aa lueel an, ‘Wärken acïk enap kec cam, ku thiëp mïth kɛcde.’

Dhiëëu 1:3

Kɔc ke Juda acï keek tɔ ye lïïm, acï keek cuɔp wei ë bɛ̈iken yiic. Arëërkï në juöör kɔ̈k yiic, ke ke cïn nïïm piny. Acï keek gɛɛu cil në kɔc ke ater, ku acïn të duëër kek röt kual.

Dhiëëu 4:9

Kɔc cï thou ë tɔŋic aŋuänkï, në kɔc ë thou ciëën, kɔc ë thou ë määth ë cɔk ke cïn kuïn tɔ keek pïïr.

Edhekiɛl 18:19

“Ku yïn bï jɔ thiëc an, ‘Eeŋö cïï meth ee gum në biäk de awɛ̈ɛ̈c ke wun?’ Bɛ̈ɛ̈rde kï meth aaye yic ku këpiɛth looi. Acï ka cä lɛ̈k yen döt, ku kuɛny kecök apiɛth, ka yen ëyic abï pïïr.

Edhekiɛl 20:43

Ëtɛ̈ɛ̈n we bï këriëëc de ayäär ëbɛ̈n wään cäk looi jɔ tak, ku luɔi cä wek röt dhiöök. Wek bï aa riɔ̈ɔ̈c në gupkun wapäc në biäk de karɛc cäk looi.

Edhekiɛl 24:23

Wek cïï bï cath ke we kuöm nïïm, ku cäkï cath ke we ceŋ war, we cïï bï dhiau ku cäkï dhuöör. Wek bï thöök wei në biäk de awɛ̈ɛ̈ckun, ku dhiaukï ke we teer wapäc.

Edhekiɛl 33:10

Go jam de Bɛ̈nydït bɛ̈n tëde yɛn an. “Mɛnh ë raan, nyɔk kënë yic baai de Yithriɛl kë yek lueelë an: ‘Wok cïï duɔɔny në awɛ̈ɛ̈ckuɔ, ku ka cuk ke wuööc. Wok bï thök. Duëërku pïïr adï?’

Edhekiɛl 36:31

Wek bï karɛc ë ya looi aa tak, ku awɛ̈ɛ̈c cäk looi ë röt wapäc, ku wek bï gup riɔ̈ɔ̈c në biäk de awɛ̈ɛ̈ckun ku karɛckun.

Edhekiɛl 4:17

Abïk nïïm ciɛ̈n kuïn cï pam ku pïïu dekkï, abïk diɛɛr aläl, ku jɔkï riëër wei, në biäk de awɛ̈ɛ̈cken.”

Edhekiɛl 6:9

të bïï kek lɔ rëër ë juöör yiic. Abïk a tak, ku ŋickï nɔn cän keek luöi këtuc ku cä ke yɔ̈ɔ̈r gup, në biäk cïn kek piɔ̈ɔ̈th gäm, acïk a nyääŋ piny, gamkï yiëth ku pälkï yɛn. Ku keek gupken abïk kërac tïŋ në biäk de karɛcken, ku ka yäär ke gup cïk looi.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Dhek 10:9

Na cakaa nɔn cän ke thiäi ë juööriic, abïk Yɛn tak ke ke mec ëtɛ̈ɛ̈n. Abïk pïïr në mïthken ëtök, ku abïk kenïïm bɛ puɔ̈k wunden kedhie.

Kuɛ̈n 14:18

“Ee Yɛn Bɛ̈nydït, yɛn cïï piɔ̈u ee dap diu. Ku yɛn tɔ̈u wokë nhiëër agɔk, ku päl de awɛ̈ɛ̈c. Ku këdï acïï nɔm ee lööny piny, yɛn ee mïth luöi këtuc, ayï mïthken në awäny ë wärken ayï kuarken!

Nyöŋ 28:65

“Acïn män bäk yök ee juöörkë yiic ëbɛ̈n, acïn të bä cɔl an tëdun, Bɛ̈nydït abï week doony në diɛɛr, ku ciën aŋäth, ku mum ë nɔm,

Nyöŋ 30:1

Na wën ke lueel Mothe an, “Ënɔɔnë wek bï jɔ lɔc në kaam de athiɛɛi kekë aciɛɛn. Të cï kakë kedhie jɔ tuöl tëde week ku wek cï jɔ rɛ̈ɛ̈r ë juööriic. Të cïï Bɛ̈nydït Nhialicdun week thiäi thïn, wek bï lööŋ wään cä gäm week jɔ tak.

Nyöŋ 5:9

Duökï wenïïm ee guöt piny në yiëth nïïm, ku duökï keek lam, në luöi Yan Bɛ̈nydït Nhialicdun, Yɛn cïï raan tɛɛr ke Yɛn duëër pɔ̈l. Yɛn ee kɔc man yɛn luöi këtuc, agut cï mïth ke mïthken në rɛm ye kek diäk, ayï rɛm ye kek ŋuan.

Nyöŋ 8:20

Na cäkkï Bɛ̈nydït lɔ riëëu, ke we bï riɔ̈ɔ̈r nyïïn cït juöör ɣɔn kɔn ë ke riɔ̈ɔ̈r nyïïn në wenïïm, në baŋ kɛ̈n wek röl de Bɛ̈nydït Nhialicdun piŋ.