Lebai 26:36 - JAM DE NHIALIC 2011

³⁶ “Ku në biäkdun wek kɔc cï döŋ ke we pïïr, yɛn bï riɔ̈ɔ̈cdït tääu në wepiɔ̈ɔ̈th piny de kɔc dɛ wek ater. Cakaa röl de yïnh ë tim gɔp ë yom abï keek tɔ kɔt. Abïk kat cït man ë ka kɔt në tɔŋ, ku abïk aa wïïk, cakaa cïn raan cop keek.

Lebai 26:36 ပူးပေါင်းရင်းမြစ်များ

Cäk 35:5

Na wën, ajël Jakop kekë mïthke, ke Nhialic ë tɔ kɔc nu në pɛ̈ɛ̈nydït thiääk në keek dɔm ë riɔ̈ɔ̈c. Gokï ke kɛ̈n bɛ̈n kuany cök.

Cäk 4:12

Ku të le yïn piny com nɔm, acïï bï luɔk. Yïn bï jɔ riäu ke yï cïn nɔm wut në ee pinyë nɔm.”

2 Lëk 14:14

Na wën ke ke riɔ̈k pɛ̈ɛ̈nydït thiääk në Jiraar, në biäk cïï kɔc ë tɔ̈u ëtɛ̈ɛ̈n riɔ̈ɔ̈c në Bɛ̈nydït. Go rem de tɔŋ pɛ̈ɛ̈nydït tɔ̈u ëtɛ̈ɛ̈n yak yiic kedhie ku rumkï kajuëc.

Jop 13:25

Eeŋö riëëc Yïn apäm lɛɛn biɔk ë yom, ku cop wɛ̈ɛ̈l lɛɛn cï ril wei cök?

Diɛt 53:5

Ku ëtɛ̈ɛ̈n abïk jɔ riɔ̈ɔ̈c, ë riɔ̈ɔ̈c kënkï kɔn tïŋ, në luɔi bï Nhialic yom de kɔc ke aterde thiɔ̈i. Acïï Nhialic keek rɛɛc, abï Yithriɛl keek tiaam taitai.

Diɛt 53:6

Yɛn ee lɔ̈ŋ aläl bï tiëm de Yithriɛl bɛ̈n në Dhiɔn. Ee miɛtëpiɔ̈u cït ŋö bïï ë kɔc ke Yithriɛl piɔ̈ɔ̈th miɛt, të le ë Nhialic ke bɛ tɔ kueth!

Diɛt 89:43

Yïn cï tɔɔŋke tɔ cïn naamden, ago tɔ tiam në tɔŋic.

Kɛ̈ŋ 28:1

Kɔc ee karɛc looi ayek kat të ciɛk en ciën raan cop ke, ku cït kɔc piɛth piɔ̈ɔ̈th jööt ke kɔ̈ɔ̈r.

Yith 30:17

Agumdun abï aa kat të cïï kek raan töŋ de rem ë tɔŋ de aterden tïŋ, ka tɔŋdun abï aa kat ëbɛ̈n në kɔc kadhïc ke rem ë tɔŋ de kɔc ke ater. Acïn raan töŋ de rem de tɔŋdun bï döŋ, ee beer yetök yen abï döŋ ke ciɛk ë kuur nɔm.

Yith 7:2

Na lɔ jam ɣet tëde melik de Juda, luɔi cïï rem de tɔŋ de Thiriya ɣëët në aken de Yithriɛl nɔm, go riɔ̈ɔ̈c kekë kɔcke abïï ke lath aläl cï tiim lɛthë yom keek.

Yith 7:4

lɛ̈kë yen bï yïn ke cïï nin, ku ë pɛ̈l rɔt piny ke cïï riɔ̈c ku cïï piɔ̈u jeth. Agönh de Redhin melik de Thiriya kekë Peka wën ë Remalia melik de Yithriɛl, acïn kë bïk lëu acïtkï many de tiim kaarou tol thook tei.

Jeremia 37:10

Cakaa wek ë tiam rem de tɔŋ ë Babilonia ëbɛ̈n, abï kɔc de gup tëtöök döŋ, ke ke nin ë pɛɛnyken yiic, kek ee röörkë abïk ŋoot ke ke jɔt röt ku nyopkï pänydït piny.”

Jeremia 46:16

Remduön ë tɔŋ acïk kɔ̈th ku wïïkkï, aye ŋɛk lɛ̈k ŋɛk an, ‘Dɛpku lɔ wut tëde kɔckuɔ, ku buk ban në abätäu de kɔc ke ater thok!’

Dhiëëu 1:3

Kɔc ke Juda acï keek tɔ ye lïïm, acï keek cuɔp wei ë bɛ̈iken yiic. Arëërkï në juöör kɔ̈k yiic, ke ke cïn nïïm piny. Acï keek gɛɛu cil në kɔc ke ater, ku acïn të duëër kek röt kual.

Dhiëëu 1:6

Läk de nyan de Dhiɔn acï ya ke ye paar. Bänyke acïk ciët ŋer cï kɔ̈c kekë cɔk. Ŋer cïï riɛl jäl të kɔt kek në kɔc ee ke yɔ̈ɔ̈p.

Dhiëëu 4:19

Acïk wook cuɔp piny, kɔc cop wook awärkï cor nu nhial në riŋ. Acïk wook cop ë kuur nïïm, ku jɔkï wook gïth ëthiäu ë jɔ̈ɔ̈ric.

Edhekiɛl 21:12

Dhiau mɛnh ë raan, yen abätäuwë aa luiyë kɔc ku në biäk de bäny ke Yithriɛl. Abï keek lɔ nɔ̈k, në kɔckiën kɔ̈kë kedhie. Biäkï weɣɔ̈ɔ̈m në jiɛthëpiɔ̈u!

Edhekiɛl 21:15

Ee kɔckï tɔ bäp piɔ̈ɔ̈th, ku tɔ ke kɔ̈th. Yɛn riëëc pänyden në abätäu ee lɔ biliny cï wilëdeŋ ku acï rɔt coc bïï näk.

Edhekiɛl 21:7

Të thiëëc kek yïn an eeŋö teer yïn, ke lɛ̈kë keek nɔn yen biäk de thook ee bɛ̈n. Të lee yen bɛ̈n, piɔ̈ɔ̈thken abïk thiäŋ në riɔ̈ɔ̈c, cinken abïk röt nöök, ku jöötden abï riääk, ku abïï ke lath miɔl. Akööl acïk bɛ̈n, anu eenë.” Bɛ̈nydït Awärjäŋ yen aa jam.

Ɣodh 8:3

Acïk këpiɛth rɛɛc, ka abï kɔc ke ater keek tiaam ku copkï keek.

Lebai 26:17

Yɛn bï rɔt wël week, ago kɔc dɛ wek ater week tiaam, kɔc man, week abïk week cieŋ. Ku wek bï ya kat, cakaa të cïn en raan cop week.

Lebai 26:35

Në aköölkɛn bï en ke tɔ̈u ke cïn yic kɔc, piny abï lɔ̈ŋde jɔ yök. Lɔ̈ŋ awään cïï ee yök në run wään rɛ̈ɛ̈r wek thïn.

Nyöŋ 1:44

Go kɔc ke Amor wään ceŋ piny ë kuur, gokï tɔŋ yiɛ̈n week, ku copkï week cït man ë kiëc, ku nɛ̈kkï wek piny gɔl në Edom leer ë kueer de Ɣorma.

Jocua 5:1

Na wën, ke piŋ ë meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku piŋ ë meliik ke Kanaan kedhie, në Wɛ̈ɛ̈rdïït ɣer kɔ̈u ëbɛ̈n nɔn cïï Bɛ̈nydït wɛ̈ɛ̈r de Jordan tɔ dëu, abï kɔc ke Yithriɛl tem të ril. Agokï riɔ̈ɔ̈c aläl, ku pɛ̈lkï röt wei në biäk de kɔc ke Yithriɛl.

Jocua 7:5

Go kɔc ke Ai ke cop në kal ë wut thok, abïk keek ɣɛɛt Cebraim ku näkkï kɔc kathiërdiäk ku dhetem në keyiic në wak de kuriic. Go kɔc ke Yithriɛl riɔ̈ɔ̈c ku pɛ̈lkï röt wei.

1 Tham 17:24

Na wën aa tïŋ kɔc ke Yithriɛl Goliath, ke ke riɔ̈c ku kɔtkï.