Lebai 26:26 - JAM DE NHIALIC 2011

²⁶ Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Lebai 26:26 ပူးပေါင်းရင်းမြစ်များ

2 Mel 6:25

Go cɔŋdït lööny Thamaria, të ɣɔn cï ke tuɔɔk, arëk abï nɔm de muul jɔ aa ɣɔɔc në atek kathiërbɛ̈t, ku aduŋ de wɛ̈ɛ̈l cɔl ceth ke guök aaye ɣaac në atek kadhïc.

Diɛt 105:16

Bɛ̈nydït acï cɔk tɔ löny paanden ku nyiɛɛi kacaamken ëbɛ̈n.

Yith 3:1

Ënɔɔnë Bɛ̈nydït de rɛm, akɔɔr bïï këriëëc nyaai ëbɛ̈n në Jeruthalem ku Juda, raan ëbɛ̈n ku kak ee kɔc kony. Abï kacaamken ku pïïuken nyaai,

Yith 5:10

Duumdït ke tiim kathiëër abïk litiir kadhetem ke mɔ̈u bɛ̈ɛ̈i. Ku bɔt ku thiërbɛ̈t 180 ë litiir ke kɔ̈th, abïk litiir kabɛ̈t ke anyuɔl bɛ̈ɛ̈i.”

Yith 9:19

Në biäk de agönh ë Bɛ̈nydït de rɛm, guiëër ë löŋde adɛ̈p ë piny yic bɛ̈n ku riëëk kɔc, ku abï aa raan ke yenhde yetök.

Yith 9:20

Wutic ëbɛ̈n kɔc abïk kacaam thii cïk aa yök aa gɔ̈ɔ̈p yiic ku camkï, ku cɔŋden acïï ke bï tɔ kueth. Acakaa mïthken abïk keek cuet!

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Edhekiɛl 14:13

“Mɛnh ë raan, na cï wut awäc looi ku acïn adöt tëde yɛn, yɛn bï yaciin riɛny biic ku riääk kakɛn ee ke yiɛ̈n kacaam. Abä keek tuöc cɔk, ku näk kɔc ku ɣök aya.

Edhekiɛl 4:10

Yïn bï päl bot kaarou ku thiërdiäk de kuïn cï pam në kööl tök, ku abï tɔ̈u aɣet cï kööl däŋë.

Edhekiɛl 4:16

Go bɛ lueel an, “Mɛnh ë raan, Yɛn lɔ kueer ee kacaam bɛ̈ɛ̈i Jeruthalem teem kɔ̈u. Kɔc tɔ̈u ëtɛ̈ɛ̈n abïk piɔ̈ɔ̈th jiɛth ku diɛɛrkï të le kek kuïn camkï aa them, ku themkï pïïu yek dek.

Edhekiɛl 4:17

Abïk nïïm ciɛ̈n kuïn cï pam ku pïïu dekkï, abïk diɛɛr aläl, ku jɔkï riëër wei, në biäk de awɛ̈ɛ̈cken.”

Edhekiɛl 5:16

Yɛn bï kueer ye kacaamkun bɛ̈n thïn thiöök thok, ku ta we nɛ̈k cɔk. Wek bï arɛɛm de cɔk yök abäk ciët ka cï tuöc wiɛth ke dhaŋ lɔ we riɔ̈ɔ̈k.

Ɣodh 4:10

Wek bï aa cam, ku cäkï kueth. Wek bï diäär aa kɔɔr arëët, ku cäkï kɛɛr. Në baŋ cä wek Bɛ̈nydït pɔ̈l, ku kuanykï yiëth cök ka acïk ciët tiiŋ cï köör.

Lebai 26:27

“Ku në ee kënë cök ë bɛ̈n ku lak ŋoot ke we cïï jamdï piŋ, ku lakï tueŋ ke we cïï Yɛn rïïu,

Maika 6:14

Wek bï ya cam, ku ŋuɔɔtkï ke we röi, ë yic we bï ya ŋoot ke we nɛ̈k cɔk. We bï käŋ aa jɔt, ku acäkï keek bï lëu në kuët, kë bäk aa kueet ëbɛ̈n abä riɔ̈ɔ̈k në tɔŋ.

Ɣagai 1:6

Wek ee ka juëc com, na miäk ke we tem ka lik. Wek de nïïm kacamkï, ku acïkï week ee kueth. Wek de nïïm mɔ̈n yak dek, ku acïkï week ee kueth! Wek de nïïm lupɔɔ ke kum, ku acïkï week ee tɔ tuc gup. Ku raan ee luui acïï ariöpde ee lëu.