Lebai 26:25 - JAM DE NHIALIC 2011

²⁵ Yɛn bï week tɔ näk abätäu, bä yɛn ke luɔi cä wek mändï dhoŋ kɔ̈u guöör. Të la wek lɔ ciëën ë pɛ̈ɛ̈nydïtkun yiic, yɛn bï jɔɔk tuc thook tuöc week, ka we bï röt gäm kɔc dɛ wek ater.

Lebai 26:25 ပူးပေါင်းရင်းမြစ်များ

2 Tham 24:15

Go Bɛ̈nydït jɔŋ näk kɔc tuöc kɔc ke Yithriɛl, gɔl ɣɔn amiäk rial ke näk aɣët të cï lueel bï en thök thïn. Aa gɔl nääk ë Dan lee Biirceba, abï aguum kathiërdhorou 70,000 de kɔc thou.

1 Mel 8:33

Të cïï kɔckuön ke Yithriɛl tiaam në kɔc ke aterden, në biäk cïï kek Yï luöi awäc, ku cïk röt pɔ̈k Yïn, ku bïkkï ee Luaŋdïïtë ke ke koor röt piny, ku läŋkï Yïn an, bä ke päl awänyden,

1 Mel 8:37

“Të cïï piny dɛk cɔk, ku nɔn ee jɔk yen kɔc dɔm, ku nɔn ee käm ee kɔ̈th riɔ̈ɔ̈k, ku nɔn ee yaak yen cïï piny yaak, ku nɔn cï kɔyɔm duum mak, ku nɔn ee atiääc, ku nɔn cï kɔc ke ater pänydït tuɔɔk ku nɔn ee riääk yen cï kɔc lɔ̈ny wut, ku nɔn ee jɔɔk kith yiic.

2 Mel 17:3

Na wën ke Calmanether melik de Athiriya ë took wut ku mɛk, go Ɣocia rɔt thön en ku ye kuöt athölbö në ruöön thok ëbɛ̈n.

2 Lëk 24:24

Ku rem de tɔŋ ë Thiriya aake ye kɔc liaakäŋ, ku acï Bɛ̈nydït keek gäm riɛl bïï kek rem dïït ë tɔŋ de Juda tiaam, në biäk cï kɔc Bɛ̈nydït Nhialic de kuarken nyääŋ piny. Yen kueer ë tɔ ë Bɛ̈nydït melik Jowac yök këtuc ka.

Diɛt 94:1

Bɛ̈nydït, Yïn ee Nhialic ee löŋ guiir, nyuɔɔthë agönhdu!

Bɛ̈n 5:3

Go Mothe puɔ̈k nɔm en kekë Aron an, “Nhialic de Ɣeberuu acï rɔt nyuöth wook, ka yïn pälë wo nïn kadiäk bïï wok cath ë jɔ̈ɔ̈ric, ke wo bï Bɛ̈nydït Nhialicda lɔ näk. Të kën wok E lɔ näk, abï wo nɔ̈k në jɔɔk ku nɔn yen tɔŋ.”

Yith 1:20

Ku na lak A rɛɛc thok, ke wek bï nɔ̈k abäk thou, ee Yɛn Bɛ̈nydït Yɛn ë jam.”

Yith 65:12

Abï aa thök de pïïrdu bä thon në tɔŋ, në biäk kɛ̈n wek cɔ̈tdï puk nɔm wään caal ɛn week, ku kɛ̈nkï piŋ wään jam ɛn wo week. Acäk lɔc bäk a rɛɛc thok ku luɔikï karɛc.

Jeremia 19:7

Yɛn bï kiɛɛr de kɔc ke Juda ku kɔc ke Jeruthalem tɔ cïn naamden eetënë. Yɛn bï kɔc ater tɔ tiam keek ku näk keek ë tɔŋic. Yɛn bï gupken gäm diɛt ku läi roor bïk cam.

Jeremia 24:10

Yɛn bï tɔŋ bɛ̈ɛ̈i, ku cɔk, ku bɛ̈ɛ̈i jɔɔk në kegup, abïk riääk liŋliŋ abïï ciɛ̈n raan töŋ bï döŋ piny në keyiic, piny cä gäm keek në kuarken.”

Jeremia 50:28

(Kɔc cï kat ë Babilonia acïk röt kual ku lekkï Jeruthalem, ayek kueer cï ë Bɛ̈nydït Nhialicda guur looi leeŋ, në biäk de kë cï kɔc ke Babilonia luöi Luaŋdït.)

Jeremia 51:11

Bɛ̈nydït acï meliik ke Media tuök nhial, në biäk cï Yen ye guiir nɔn bïï En Babilonia riɔ̈ɔ̈k. Yen kueer bïï Yen riääk de luaŋde guöör ka. Bɛ̈ny de rem mɛk wut ee kɔc yɔ̈ɔ̈k an, “Cuɔthkï wiɛthkun thook! Guiirkï köötkun apiɛth!

Jeremia 9:16

Abä keek thiäi ë juööriic, juöör kënkï kɔn piŋ, ku kën ë kuarken ke kɔn piŋ, ku yɛn bï rem de tɔŋ tuöc keek agut të bïï ë keek riɔ̈ɔ̈k taitai.”

Dhiëëu 2:21

Kɔc kor ku röördït atɔ̈ukï piny ke ke cï thou ë kuɛɛriic. Dhuök ku diäär acï keek nɔ̈k në abätäu de raan ater. Acï keek tɛm röt të cïn kokdepiɔ̈u në kööl de agönhdu.

Edhekiɛl 14:17

“Ku nɔn bä tɔŋ yiɛ̈n ee pinyë, ku tuöc ke tɔŋ rɛɛc bï raan ëbɛ̈n nɔ̈k ku läi athɔ̈ŋ,

Edhekiɛl 20:37

Wek bä mac aril ëtör ku ta we gam mändï.

Edhekiɛl 29:8

Ku ënɔɔnë, yɛn Bɛ̈nydït Awärjäŋ alɛ̈k week nɔn bän week yiɛ̈n rem de tɔŋ bï we mak abätɛ̈ɛ̈u, ku abïk kɔckun nɔ̈k ku läikun.

Edhekiɛl 33:2

“Mɛnh ë raan, lɛ̈kë kɔcku kën ee tuöl të bɛ̈ɛ̈i tɔŋ ë piny yic. Kɔc ke ee pinyë ayek raan töŋ ë kɔcken kuany ke ye tïït.

Edhekiɛl 5:17

Yɛn bï cɔk ku läi roor tuɔɔc lek mïthkun nɔ̈k, ku tuɔɔc juäi, ku akuöörkuöör, ku tɔɔŋ bïk we lɔ nɔ̈k. Acä lueel, Yɛn Bɛ̈nydït.”

Edhekiɛl 6:3

lɛ̈kë kur ke Yithriɛl bïk jam de Bɛ̈nydït Awärjäŋ piŋ, bïk kë luɛɛl, yɛn Bɛ̈nydït Awärjäŋ piŋ, yɛn yöök kur ku ɣään thöny ku liɛl, ku wɛ̈k: yɛn bï abätäu tuɔɔc bïï ɣään ye kɔc yiëth lam thïn riɔ̈ɔ̈k.

Ɣodh 11:6

Abätɛ̈ɛ̈u abïk lɔ bilbil në pɛ̈ɛ̈nydïtken yiic, ku abïk kɛ̈l ke pänydït dhuööŋ thook, ku riäkkï cääpkɛn cïk keek kiëët ëbɛ̈n.

Lebai 26:6

“Wek bä gäm mät pinydun. Ka wek bï aa niin, ku acïn raan bï week tɔ riɔ̈c. Yɛn bï läi rac nyaai pinydun, ku acïn abätäu bï wundun reetic.

Amoth 4:10

“Wek cä luöi riääkdït, cït riääk ɣɔn cä kɔn luöi kɔc ke Rip. Yɛn ë wɛ̈ɛ̈t dhuökkun tɔ näk tɔŋ, ku jöŋgöörkun abä ke peec ë tɔŋ. Ku ta we tɔ nɛ̈k aŋuäc de kɔc cï thou ë pɛɛnykun yiic. Ku wek ŋoot ke we kën röt pɔ̈k Ɛn. Kë cïï Bɛ̈nydït lueel ka.

Ɣabakuk 3:5

Ee jɔɔk tuɔɔc ë Yenɔm tueŋ, ku yöök thuɔɔu bïï Ye kuany cök.

Kuɛ̈n 14:12

Abä keek thöl në jɔɔk tuc thook, ku riääk keek. Ku yɛn bï jur dït arëët gɔl në yïn, jur riil wär keek.

Kuɛ̈n 16:49

Ago aguum kathiëër ku ŋuan ku bot kadhorou thou të cïn kɔc ë thou në Kɔra ëtök.

Kuɛ̈n 31:3

Go Mothe lɛ̈k kɔc an, “Cuɔckï röt në tɔŋ, në biäk bä wek kɔc ke Midian lɔ mak ku kuömkï keek, në biäk de kë cïk luöi Bɛ̈nydït.

Luk 21:11

Ku piny abï rɔt niɛŋ tɛ̈ɛ̈n ku tɛ̈ɛ̈n, ku bɔ̈ cɔŋdït ku jɔɔk ee kɔc thöl, ku ka ye kɔc tïŋ agokï riɔ̈ɔ̈c abïk nu ayï kagöök bɔ̈ nhial.

Nyöŋ 28:21

Abï jɔɔk juëc tuöc week, jɔŋë ë jɔŋë cök abäk ciën raan töŋ bï döŋ në piny bäk lɔ rumë.

Nyöŋ 32:25

Ku tɔŋ abï thuɔɔu bɛ̈ɛ̈i në kuɛɛriic, ku riɔ̈ɔ̈c abï keek yuöp piny në ɣöötic. Dhuök ku duet abïk thou, ku acïn mɛnh koor ayï monydït bïï pɔ̈l.

Nyöŋ 32:35

Bɛ̈nydït abï guur nööm ku kuum keek, ku akööl abïk bɛ̈n akööl bï kek lony, akööl lony kek acï thiɔ̈k.

Nyöŋ 32:41

An, yɛn bï abätäudiën abilbil theer thok, ku tiëŋ yith ke ke loi. Yɛn bï guur looi në kɔc ke aterdï, ku duöi kɔc man ɛn.

Bäny 15:11

Na wën ke aguum kadiäk ke kɔc ke Juda, ë ke lɔ lek Thamthon diëc në kɔ̈k ke kuur ë Etam yiic, ku lëkkï yen an, “Cïï ŋic nɔn ceŋ ë kɔc ke Pilithiin wook? Eeŋö lui yïn wook ee kënë?” Go bɛ̈ɛ̈r an, “Aake luöi kë cït kë cïk kɔn luöi yɛn.”