Lebai 26:19 - JAM DE NHIALIC 2011

¹⁹ Yɛn bï lɛcduön dït dhoŋ kɔ̈u, ku ta nhial tɔ cït wëëth ë wenïïm ku ta piny tɔ cït ayööm ë wecök.

Lebai 26:19 ပူးပေါင်းရင်းမြစ်များ

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

1 Mel 8:35

“Të cïï Yïn deŋ tɔ kääc ke cïï be tuɛny, në biäk cïï kɔcku Yï luöi awäc, ku cïk kepiɔ̈ɔ̈th puk, ku wëëtdï kenïïm eenë, ke ke läŋ Yïn ke ke koor röt piny,

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 25:11

Abïk kecin aa riny cï ka kuaŋ, ku abï Nhialic ke kuɔɔr piny, ku abïk cin dïïr ke cïn kë lëukï.

Yith 26:5

Ee kɔc ɣɔn ë röt tɔ dït kuɔɔr piny, acï pänydït ë rëër kek thïn riɔ̈ɔ̈k, ku jiëp kɛ̈lke piny abïk lɔ thorthor në abuui yic

Yith 28:1

Amawoou në ciɛɛŋ de Yithriɛl! Dhuëëŋde athök cï göl de gaak nu ë bänykɛn cï wiɛɛt ë mɔ̈u nïïm. Bänykɛn de gup lɛc acïk röt tɔ piɛth në aŋiëër, ku adhɔtkï piny ke ke thou në mɔ̈u.

Jeremia 13:9

“Yen kueer bän lɛc de Juda riɔ̈ɔ̈k kï kekë lɛcdïït de Jeruthalem.

Jeremia 3:3

Yen acï deŋ tɔ yaak ke cïï tueny, ku yen akën ë nyïïn bɛ thiɔɔr ke ke bɔ̈ biic. Ku yïn ee tïc cït tiiŋ akɔɔrröör, yïn cïn guöp ayäär.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 30:6

Aye Bɛ̈nydït lueel an, “Gɔl në Midgol të lɔ rut ɣeet Athuan të lɔ wöuwic, kɔc gël Rip ëbɛ̈n abïï ke nɔ̈k ë tɔŋic. Rem de tɔŋ de Rip cï leec abïï keek riɔ̈ɔ̈k. Acä lueel, Yɛn Bɛ̈nydït Awärjäŋ.

Edhekiɛl 33:28

Yɛn bï piny tɔ cïnic raan ceŋ en, ku riɛl wään ye kek röt lɛɛcë abï thök. Kur ke piny de Yithriɛl abïk aa roor, ka cïn raan bï bɛ aa tëëk ëtɛ̈ɛ̈n ë keyiic.

Edhekiɛl 7:24

Yɛn bï juöör rac arëët bɛ̈ɛ̈i ëtënë ku ta ke nöm ɣöötkun. Kɔckuön ril abïk ciën aŋäth të lan ɣäänkuön ɣeriic bɛ̈n riɔ̈ɔ̈k.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Dhep 3:11

Në ee köölë wek kɔckï, wek cïï gup bï bɛ riɔ̈ɔ̈c në biäk ɣɔn cä wek A rɛɛc. Yɛn bï raan ëbɛ̈n nyaai, raan ee yenɔm ɣääc de guöp lɛc, ku wek cïï Ya bï bɛ rɛɛc në kuurdiën ɣeric nɔm.

Luk 4:25

Ku wek lɛ̈k yic an, Diëër abɛɛr juëc aake nu paan ë Yithriɛl ɣɔn nu Elija, ɣɔn cï tënhial thiöök ë run kadiäk ku pɛ̈i kadhetem, ku nu cɔŋ dït ë piny nɔm ëbɛ̈n.

Nyöŋ 11:17

Na lak looi, Bɛ̈nydït abï piɔ̈u rac ke week. Abï deŋ tɔ kääc tënhial, ka pinydun abï ril wei aläl, ka acïn rɛɛp bï cil. Ku ëtɛ̈ɛ̈n, wek bï thou ëtɛ̈ɛ̈n, cakaa nɔn yen piny piɛth yen gäm week.

Nyöŋ 28:23

Acïn deŋ bï tuɛny, ku pinydun abï riɛl ë tör cï wëëth.

1 Tham 4:11

Ku pec Athänduŋ de Män ë Nhialic, ku näk wɛ̈ɛ̈t ke Eli kaarou yï Ɣopni kekë Pineɣath.

1 Tham 4:3

Na wën aacï kɔc ë dɔ̈ŋ në tɔŋic bɛ̈n, go röördït ke Yithriɛl lop an, “Eeŋö tɔ Bɛ̈nydït wo tiɛɛm ë kɔc ke Pilithiin ee köölë? Lok bïïku athänduŋ de män ë Bɛ̈nydït në Cilo, ke bï bɛ̈n lɔ tɔŋ ke wook abï wo lɔ kony në kɔc ke aterda.”