Lebai 26:15 - JAM DE NHIALIC 2011

¹⁵ Ku na lak wëëtdï rɛɛc ku mankï lööŋkï, ku cäkï lööŋkiën cä lueelë kedhie bï looi, ku dhuɔŋkï mändï kɔ̈u.

Lebai 26:15 ပူးပေါင်းရင်းမြစ်များ

Cäk 17:14

Ku mony kënë cueel acï bï ya raan de kɔckï yiic, në luɔi kën en mändï döt.”

2 Mel 17:15

Acïk lööŋke dhɔɔtiic, ku akënkï löŋ ɣɔn cï mac ke kuarken riëëu. Acïk yiëth rac lam, agokï jɔ rac gupken, ku jɔkï ciɛɛŋ de juöör thiääk në keek kuany cök, ku akënkï löŋ de Bɛ̈nydït wään cï lɛ̈k keek riëëu an cïkkï keek bï kuany cök.

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Diɛt 50:17

Yïn man dui ku yïn ee wëlkï waan ë yïkɔ̈u.

Bɛ̈n 19:5

Ku ënɔɔnë, na bäk Ɛn piŋ thok ku dɔ̈tkï löŋdï, ke we bï aa kɔc ke naamdï. Piny nɔm ëbɛ̈n ee këdï, ku we bï ya kɔckï kɔc cä ke lɔc.

Bɛ̈n 24:7

Ku nööm awerek de löŋ cï mac, awerek cïï lööŋ ke Bɛ̈nydït gäär thïn, ku kuën kɔc në röl dït. Gokï puk nɔm an “Bɛ̈nydït abuk piŋ thok, ku loiku këriëëc cï lueel ëbɛ̈n.”

Kɛ̈ŋ 1:30

Wek kën jam piɛthdï kɔɔr, ku wek ë jai taitai në luɔi wɛ̈ɛ̈t ɛn week.

Kɛ̈ŋ 1:7

Riëëu rïïu ë raan Bɛ̈nydït, yen aye göl de ŋïny ë käŋ. Dhän ayek pɛlënɔm dhɔ̈lic, ku reeckï wëët.

Kɛ̈ŋ 5:12

Ka abäk aa lueel an, “Kënë ë jɔku cuö ŋic adï? Eeŋö pën wook luɔi wëët wok tëde kɔc kɔ̈k?

Yith 24:5

Kɔc acïk piny jɔ dhiöök, në luɔi cïï kek lööŋ ke Bɛ̈nydït dhuööŋ kɔ̈ɔ̈th, ku në luɔi cï kek löŋ ɣɔn cï mac, löŋ bï tɔ̈u aɣet athɛɛr yal yic.

Jeremia 11:10

Acïk lɔ ciëën ë karɛc ke kuarken yiic, kɔc wään reec luɔi de kë cä lueel, acïk yiëth kɔ̈k lam. Baai de Yithriɛl ku baai de Juda acïk löŋ cä mac wo kuarken dhoŋ kɔ̈u kedhie.

Jeremia 31:32

Acïï bï ciët löŋ thɛɛr ɣɔn bä mac wo kuarken, wään dam Yɛn keek cin ku bɛ̈ɛ̈i ke bei ë Rip. Cakaa wään ciët Yɛn moc tëde keek, akënkï ee löŋë bɛ̈n döt.

Jeremia 6:19

Ku yïn piny piëŋë! Ku në biäk luöi Yɛn täŋdɛn rac këtuc ëbɛ̈n, Yɛn bï riääk bɛ̈ɛ̈i në ee kɔckë gup, në biäk cï kek wëëtdï rɛɛc ku kënkï wëlkï riëëu.

Edhekiɛl 16:59

Aye Bɛ̈nydït Awärjäŋ lueel an, “Wek bä luöi kë rɔ̈ŋ ke week, në biäk ya wek gutguutdun dhöl yic, ku dhuɔŋkï mät kɔ̈u.

Lebai 26:11

Yɛn bï rëër në weyiic tëdiën ɣeric, ku wek cä ke bï nyääŋ piny.

Lebai 26:43

Në biäk bï kek piny pɔ̈l, ku yɛn jɔ lɔ̈ŋde looi, të bï en rɛ̈ɛ̈r yetök të cïn keek. Abïk ariöp de karɛcken cuat piny në biäk cï kek lööŋkï rɛɛc ku mankï wëëtdï.

Lebai 26:9

Wek bä aa woi në piɔ̈n mit, ku wek bä tɔ dhiëth ku ŋuak kuëndun, ku yɛn bï Mändï döt wokë ë week.

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Kuɛ̈n 15:31

Në biäk cï yen kë cï Bɛ̈nydït lueel rɛɛc, ku dhoŋ löŋ tök në lööŋ ke Bɛ̈nydït yiic, thonde anu në yeyeth.

Luɔi 13:41

Tiëŋkï, wek kɔc ee käŋ caany ë ɣɔ̈ric, abäk gäi, ku thuɔukï! Yɛn bï luɔi looi në kööldun, Luɔi cäkï bï gam anandun, të ciɛkë raan e guiëër week!”’

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

Nyöŋ 31:16

Ago Bɛ̈nydït lɛ̈k Mothe, an, “Yïn bï lony wekë wärkuön ku kɔckë abïk röt gäm yiëthkɛn ke piny lei rëër kek thïnë, abïk yɛn pɔ̈l ku dhoŋkï män cä looi wokë keek.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

Ɣeberuu 8:9

Ku acïï bï ciët löŋ wään cä kɔn mac wokë kuarken, wään dam Ɛn kecin ku bɛ̈ɛ̈i ke bei Paan ë Rip. Keek acïk löŋ ë cïk mac në Yɛn dhoŋ kɔ̈u, guɔ ke nyääŋ piny!

1 Tham 12:15

Ku na cäkï röl de Bɛ̈nydït lɔ piŋ, ku lak lööŋke dhɔ̈ŋ yiic, abï piɔ̈u rɔc kekë week në melikdun.