Lebai 25:39 - JAM DE NHIALIC 2011

³⁹ Abï dhiɛl luööi cït man ë raan lui në wëu, ku nɔn ee kaman ë weyiic, abï dhil lui ke week agut cï ruöön de cuölëkäŋ.

Lebai 25:39 ပူးပေါင်းရင်းမြစ်များ

1 Mel 9:22

Tholomon akën kɔc ke Yithriɛl tɔ ee lïïm, aake ye rem de tɔŋ, ku yek bäny ke rem de tɔŋ, ku yek bäny ke akuut ke rem de tɔŋ, ku bäny ke rem de tɔŋ ee cath ë jöŋgöör kɔ̈ɔ̈th, ku rem de tɔŋ ee jöŋgöör kuaath.

2 Mel 4:1

Tiiŋ abaar de raan töŋ de kuut ë tït acï kiɛɛu mɔ̈c Elica an, “Bɛ̈nydï, monydï acï thou! Cït man ŋic yïn en, aaye raan ee riɔ̈ɔ̈c në Bɛ̈nydït, ku ënɔɔnë raan ë käny acï bɛ̈n, ku akɔɔr bïï wɛ̈ɛ̈tkï kaarou jɔt bïk aa lïïmke në baŋ de käny ë monydï.”

2 Lëk 28:10

Ku ënɔɔnë wek kɔɔr bäk diäär ku röör ke Juda ku Jeruthalem tɔ ee lïïmkun. Kënkï ŋic nɔn cä wek awäc luöi Bɛ̈nydït Nhialicdun ayadäŋ?

Neɣe 5:5

Wok ee jur tök ë kɔckuɔn ke Judai, cï mïthkuɔ piɛth cït man ë mïthken? Ku wok ee mïthkuɔ ɣaac bïk aa lïïm ka duetkuɔn kɔ̈k acï ke guɔ ɣaac, ke ke ye lïïm. Wok ënïïm ciën riɛl në biäk cïï duumkuɔn ke rap, ku duumkuɔn ke tiim jɔt tëde wook.”

Bɛ̈n 1:14

Ku tɔkï pïïrden rac në luɔɔi tuc thok. Ku yek keek tɔ yïk ɣööt, ku tɔkï ke lui në duumiic. Aake yek tɔ loi luɔɔi tuc thok ke ke cïï piɔ̈ɔ̈th kok në keek.

Bɛ̈n 21:2

an, Të cïï raan lïm de Ɣeberuu ɣɔɔc, ka abï ya luööi në run kadhetem. Ku në ruöön ye run dhorou, abï aa gäm nɔm lääude, ku tɔ jël ke cïn kë tɛ̈ɛ̈u piny wɛɛr en rɔt.

Bɛ̈n 22:3

Ku na looi rɔt aköl ke raan ë näk en ade guöp gääk. “Ku cuɛ̈ɛ̈r abï ka cï kual dhil aa cool nïïm. Na cïn nɔm ka cool en ka cï kual, ke cuɛ̈ɛ̈r ë ɣɛɛcë ke ye lïm, ku coolë ka cï kual.

Jeremia 25:14

Yïn bï kɔc ke Babilonia cuöl kë cïk looi, ku juöör juëc, ku meliik juëc abïk keek tɔ ee lïïm.’ ”

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Jeremia 30:8

Acïï Bɛ̈nydït de rɛm lueel an, “Të le ee köölë bɛ̈n, yɛn bï tïm cï duööt ë keyiëth dhoŋ kɔ̈u, ku bɛ̈ɛ̈i joth rek kek bei, ku acïkï bï bɛ aa lïïm ke alɛi.

Jeremia 34:14

në run kadhorou cök abïk lïïm ke Ɣeberuu ëbɛ̈n aa gäm nɔm lääu, lïïm cï lui ë run kadhetem. Ku kuarkun akënkï këdiën cä lueel gam ku cïkï jamdï piŋ.

Jeremia 34:8

Go Jam de Bɛ̈nydït bɛ̈n tëde yɛn, wään cï melik Dhedekia kekë kɔc löŋ mac nɔn bïï lïïm gäm nɔm lääu ëbɛ̈n,

Jeremia 34:9

lïïmkɛn ke Ɣeberuu röör ku diäär, ago ciën raan bï nɔm dɛ raandɛn ë Judai ke ee lïm.

Lebai 25:46

Na cï raan lei ku nɔn ee kaman rɛ̈ɛ̈r ë weyiic kuɛth, ku lɔ raanduön tök nyin kuany ku lee rɔt ɣɔ̈c raan lei ku nɔn ee kaman rɛ̈ɛ̈r ë weyiic.

Math 18:25

Ku të cïn en ke cut en, ke yöök ë bɛ̈nyde an, ‘Bï rɔt ɣaac, yen ku tiiŋde ku mïthke, ku ka cath në yen kedhie, ka bï en ke käŋ cool.’