Lebai 25:23 - JAM DE NHIALIC 2011

²³ Piny acïï bï dhil ɣaac liŋliŋ, në biäk ye piny këdï, ku week ee kɔc lei tei, ku yak kɔckiën ee tïït.

Lebai 25:23 ပူးပေါင်းရင်းမြစ်များ

Cäk 23:4

“Yɛn ee raan lei, ku yɛn rɛ̈ɛ̈r në weyiic eenë. Ɣɔ̈ckï ya piny thiinakäŋ, bän tiiŋdï tɔ̈ɔ̈u thïn.”

Cäk 47:9

Go Jakop puk nɔm an, “Runkiën wään cath ɛn piny lei, ayek bɔt ku thiërdiäŋ ë run. Ku kek ee runkë, alikï ku atuckï thook. Acïkï kït në run ke kuarkuɔ ɣɔn nömkï ke ke cath piny lei.”

1 Mel 21:3

Go Naboth jam de Aɣap bɛ̈ɛ̈r, an, “Yɛn cï kuëëŋ ë Nhialic luɔi cän yïn bï gäm piny, piny aa lak tëde kuarkuɔ!”

1 Lëk 29:15

Aŋic, Yïn Bɛ̈nydït, nɔn ee wok tëëk ë pïïric cï alɛi ku kamaan, cït man ɣɔn cïï kuarkuɔ ke looi. Nïnkuɔ acïtkï atïm ee cath, ku wok cïï duëër kat ë thuɔɔu.

2 Lëk 7:20

ke wek bä nyaai piny cä gäm week, ku Yɛn bï Luaŋdït cä thieeiyë ke ee të bï ë Yɛn aa lam thïn nyääŋ piny. Abï kɔc ke wuöt ëbɛ̈n kääŋ aa lueel ku dɔl guöp, ku yek looi arac.

Diɛt 119:19

Yɛn tɔ̈u ë pinynɔm ee tënë ë nïn liiakäŋ tei, du lööŋku thian ë yɛn.

Diɛt 24:1

Pinynɔm ayï këriëëc tɔ̈u thïn ëbɛ̈n, ee këde Bɛ̈nydït, Piny ëbɛ̈n ayï këriëëc cieŋ en ee kake Bɛ̈nydït.

Diɛt 39:12

Piŋ lɔ̈ŋdï Bɛ̈nydït, ku piŋ dhiëndï, bä kony ɛn të dhiaau ɛn. Yɛn ee kamandu në akööl liiakäŋ, cït man cïï kuarkuɔ kɔn keny.

Diɛt 39:13

Päl ɛn yatök aguɔ piɔ̈u bɛ miɛt tëthiinakäŋ, të kɛ̈n ɛn kɔn jäl ku cä bï bɛ tɔ̈u.

Diɛt 85:1

Bɛ̈nydït Yïn ee piɔ̈u kok wekë pinydu, Yïn cï kɔc ke Yithriɛl bɛ tɔ de nïïm käŋ.

Bɛ̈n 19:5

Ku ënɔɔnë, na bäk Ɛn piŋ thok ku dɔ̈tkï löŋdï, ke we bï aa kɔc ke naamdï. Piny nɔm ëbɛ̈n ee këdï, ku we bï ya kɔckï kɔc cä ke lɔc.

Bɛ̈n 2:22

Go Dhipoora mɛwä dhiëëth, go Mothe cäk an Gercom lueel an, “Yɛn ee kaman ee pinyë.”

Yith 8:8

Abïk dap lɔ Juda ke cït amooldït ë pïïu ee ɣet ë kɔc yiëth, ku abï pinydun thiɔ̈ɔ̈ŋic ëbɛ̈n. Emanwɛl! Nhialic atɔ̈u ke wook. Abï ye wuök peer ku gël piny.”

Edhekiɛl 48:14

Të cï gäm Bɛ̈nydït yen ee të piɛth ë piny yic ëbɛ̈n, ku acïn të thiin duëërë ɣaac ku nɔn waar ë däŋ. Kënë ee tëɣeric, ku ee këde Bɛ̈nydït

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Jowɛl 2:18

Ku ëtɛ̈ɛ̈n, Bɛ̈nydït abï piɔ̈u bɛ gɔ̈ɔ̈i në biäk de pinyde. Ku be piɔ̈u kok kekë kɔcke.

Jowɛl 3:2

Yɛn bï juöör määt yiic kedhie, ku bɛ̈ɛ̈i keek në wak de Jeɣocapat ɣɔn cän e tɔ tiëm. Bä keek bɛ̈n luöi këtuc ëtɛ̈ɛ̈n, në biäk de kë cïk luöi Yithriɛl kɔckiën bä lɔ̈ɔ̈k lak. Acïk kɔckï thiäi në juöör yiic ëbɛ̈n, ku tëkkï röt pinydï.

Lebai 25:10

Në ee kueerë wek bï ruöön ye kek dhïc tɔ̈ɔ̈u pei, ku lɛ̈kkï nɔmlääu kɔc ceŋ piny kedhie. Ku në ee ruöönë yic ka cï keek ɣaac kedhie, abï keek pɔ̈k nïïm raandɛn tueŋ ku nɔn ee yen mïth ke mïthke, ku raan cï ɣaac ke ee lïm abï rɔt pɔ̈k paanden.

Lebai 25:24

Ku në piny rɛ̈ɛ̈r wek thïn ëbɛ̈n ke ee këdun, wek bï këdäŋ dhil aa tääu piny waar wek piny.

Nyöŋ 32:43

“Wek juöör jakï kɔcke leec, në baŋ yen riɛm de kɔcke guöör Ku lui kɔc ë näk keek këtuc, ku pɛ̈l awɛ̈ɛ̈c ke kɔcke.”

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.