Lebai 25:18 - JAM DE NHIALIC 2011

¹⁸ Riëëukï lööŋ ke Bɛ̈nydït kedhie ku wëëtde. Aguɔkï rɛ̈ɛ̈r apiɛth paan bïï gäm week.

Lebai 25:18 ပူးပေါင်းရင်းမြစ်များ

1 Mel 5:5

Ku yakï, yɛn de piɔ̈u luɔi bän Luaŋdït yïk në rin ke Bɛ̈nydït Nhialicdï, cït man ë cï Yen e lɛ̈k wäär Debid an, ‘Wën bä tääu ë nyindu yic ë thöönydu nɔm, yen abï rinkï luöi Luak.’

Diɛt 103:18

Ku jɔ aa kɔckɛn ee män de Bɛ̈nydït döt, ku yek lööŋ riëëu në piathëpiɔ̈u.

Diɛt 4:8

Të cän tɔ̈c piny, yɛn ee niin ë mät, Ee Yïn Bɛ̈nydït Yïtök, ee Yïn ee yɛn gël apiɛth.

Kɛ̈ŋ 1:33

Ku raan ëbɛ̈n, raan ee kë luɛɛl piŋ, abï rëër ë dïu. Abï kony wëi, ku acïn kë bï ye riääc.”

Jeremia 23:6

Të ye Yen, kɔc ke Juda abïï ke luök, ku kɔc ke Yithriɛl abïk rëër ë mät. Abïï aa cɔɔl an, ‘Bɛ̈nydït ee piathëpiɔ̈nda.’

Jeremia 25:5

Acïk week yɔ̈ɔ̈k bäk röt puk në kuɛɛrkuön rac yiic, ku në karɛc yak looi yiic, aguɔkï rëër piny cï Bɛ̈nydït gäm week ë kuarkun ke ye këdun aɣet athɛɛr.

Jeremia 33:16

Kɔc ke Juda ku Jeruthalem abïï keek kony ku abïk rëër ë läŋ. Pänydït abï cɔɔl an, ‘Bɛ̈nydït ee piathëpiɔ̈nda.’

Edhekiɛl 33:29

Na lɔ kɔc luöi këtuc në biäk de awɛ̈ɛ̈cken, ku ta piny päl, ëtɛ̈ɛ̈n abïk jɔ ŋic nɔn ee Yɛn Bɛ̈nydït.”

Lebai 19:19

Döt lööŋkï, du läi wuöc gup ee tɔ kac röt, du dom tök ee cuömic kɔ̈th wuöc gup, du lupɔ cï nuɛ̈ɛ̈t kɔ̈ɔ̈th në lupɔ wuöc kek ee cieŋ.

Lebai 19:37

Yak Lööŋkï riëëu kedhie ayï wëëtdï, ee yɛn Bɛ̈nydït.”

Lebai 25:19

Piny abï luɔk në rɛɛpke, ku wek bï nïïm de këcam kaarkï ëbɛ̈n, ku wek bï rɛ̈ɛ̈r apiɛth.

Nyöŋ 12:10

Të la wek wɛ̈ɛ̈r de Jordan teem Bɛ̈nydït abï week tɔ nöm piny ku rɛ̈ɛ̈rkï ëtɛ̈ɛ̈n. Abï week kony në kɔc ke aterdun tɔ̈u ë welɔ̈m. Ku abï we gäm mät.

Nyöŋ 33:12

Ku lueel jamë në biäk de dhiën de Benjamin, an: “Kënë ee dhiën nhiɛɛr Bɛ̈nydït ku ye göl, aye tiit aköölnyïïn kedhie, ku ee rëër në keyiic cil.

Nyöŋ 33:28

Ago mïth ke Yithriɛl jɔ rëër në mätic, aa awaŋ de Jakop yetök, aake rɛ̈ɛ̈r apiɛth piny thiäŋ ke rap ku mɔ̈u, të ye thäny ee bɛ̈n nhial piny piɔɔk në pïïu.