Lebai 25:17 - JAM DE NHIALIC 2011

¹⁷ Duökï raanduön de Yithriɛl ee cam, yak riɔ̈ɔ̈c ë Nhialicdun, ee Yɛn Bɛ̈nydït Nhialicdun.

Lebai 25:17 ပူးပေါင်းရင်းမြစ်များ

Cäk 20:11

Ago Abraɣam puk nɔm an, “Kënë aa luɔɔi në baŋ ŋiɛc ɛn en nɔn cïn en raan töŋ ee riɔ̈ɔ̈c në Nhialic wut eenë, ka aŋiɛc nɔn bï kek ɛn nɔ̈k ku nömkï tiiŋdï.

Cäk 22:12

Go tunynhial lɛ̈k en an, “Du meth jak, ku du de kë luɔiyë yen. Acä ŋic ëgɔk ënɔɔnë, nɔn ee yïn Nhialic riëëu, në luɔi kën yïn wënduön töŋë pɛ̈n Bɛ̈nydït.”

Cäk 39:9

Yɛn cï nɔm dɛ riɛl cït riɛlde baai eenë. Ku acïn këdɛn kën gäm ɛn, ee yïn akën gäm ɛn yïtök. Ka ye tak duɛ̈ɛ̈r kërɛɛc cït ë kënë bɛ looi adï, ku wääc Nhialic piɔ̈u?”

Cäk 42:18

Na në kööl ë ye akööl diäk, ke lëk ë Jothep keek an, “Yɛn ee raan ee Nhialic riëëu. Kueer töŋ duɛ̈ɛ̈r ɛn we kony wëi kï:

2 Lëk 19:7

Riëëukï Bɛ̈nydït ku luöikï apiɛth, në biäk cïï Bɛ̈nydït Nhialicda kɔc ee tek yiic, ku acïï ruëëny ee kɔɔr ku acïï kum thok ee kɔɔr.”

Neɣe 5:15

Bɛ̈ny ëbɛ̈n bɛ̈ny ɣɔn cï tɔ̈u ë yanɔm tueŋ aake cï röt tääu në kɔc yiëth, ku aake ye wëu ke atek kathiërŋuan kɔɔr tëde kɔc ke ye këcam ku mɔ̈u në kööl tökic. Ayïï lïïmken aake ye kɔc yɔŋ, ku yɛn kën luui aya, në biäk yan Nhialic riëëu guöp.

Neɣe 5:9

Ë tɛ̈ɛ̈n guɔ lɛ̈k keek an, “Kë luɔikï aa wäc! Wek duëër Nhialic riëëu ku luɔikï yic, ku ëtɛ̈ɛ̈n wek cïï kɔc ke aterda wën ee juöör bï gäm kë bïï kek wo geet gup.

Diɛt 19:9

Rïïu ye Bɛ̈nydït riëëu adik, abï tɔ̈u aɣet athɛɛr. Guiëër ye Bɛ̈nydït löŋ guiir ee yic, ayek yic tiiŋ nɔm ë ceŋ.

Bɛ̈n 20:20

Go Mothe puɔ̈k nɔm keek an, “Duökï riɔ̈c. Nhialic abɔ̈ tei bï we bɛ̈n them, ku riɔ̈ɔ̈c riääc wek ë yen acïï we bï tɔ loi kërac.”

Kɛ̈ŋ 1:7

Riëëu rïïu ë raan Bɛ̈nydït, yen aye göl de ŋïny ë käŋ. Dhän ayek pɛlënɔm dhɔ̈lic, ku reeckï wëët.

Kɛ̈ŋ 14:31

Raan ee kɔc kuanynyïïn yɔŋ, alɛ̈ɛ̈t Aciëŋden, ku raan ee piɔ̈u kok ke keek ee Nhialic riëëu.

Kɛ̈ŋ 16:6

Bɛ̈nydït ee kɔc adööt ku kɔc piɛth piɔ̈ɔ̈th päl awɛ̈ɛ̈c. Ka ye Bɛ̈nydït riëëu ke cïn kërac bï yï yök.

Kɛ̈ŋ 22:22

Du kɔc kuanynyïïn yɔŋ në luɔi kɔ̈c kek, ku du keek ee baar nyïïn në gönyiic.

Yith 3:14

Bɛ̈nydït abï röördït ke wut, ku bäny ke kɔcke bɛ̈ɛ̈i ë luk nɔm. Aake gɔɔny an, “Wek ë duum ke tiim yak, ka ɣöötkun acïk thiäŋ në kak ë nämkï tëde kɔc kuanynyïïn.

Jeremia 22:16

Ee kɔc kuanynyïïn luök kaken, go käŋ piath ë yen kedhie. Yen kën ee ye nyuɔɔth ka nɔn ŋic ë raan Bɛ̈nydït.

Lebai 19:13

Du raan thiääk ke yïn ee yɔŋ ku du rum aya, ku du wëu kë raan lui yïn në ariöp ee pëën agut cï wakɔ̈u.

Lebai 19:14

Du miŋ ee cieen, ku du döt tɛ̈ɛ̈u në cɔɔr nɔm tueŋ. Ye riɔ̈ɔ̈c në Nhialicdu. Ee Yɛn Bɛ̈nydït.

Lebai 19:32

Yak kɔc dït riëëu gup ku yak keek theek gup, yak Nhialicdun riëëu, ee Yɛn Bɛ̈nydït.

Lebai 25:14

Ka të ɣɔ̈c yïn raande Yithriɛl piny ku nɔn ee piny yen ɣɔc tëde yen, duökï ee luui në ruëëny.

Lebai 25:36

Duökï dhën wëu bï kenyïïn ŋuak, ku duökï ɣɔ̈c këcam në wëu juëc.

Lebai 25:43

Lïïmkuön röör ku lïïm duet, abäk keek bɛ̈ɛ̈i në juöör thiääk ë week yiic. We bï lïïm ɣɔɔc në keyiic.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Luɔi 10:2

Ee raan rïïu Nhialic, ku ye ka ke Nhialic kɔɔr, yen kekë dhiënde ëbɛ̈n, ku ye adhuɛ̈ŋ ee kɔc miɔɔc aya, ku ye cool ë läŋ Nhialic ë aköölnyïïn kedhie.

Luɔi 10:35

Ku në juöör yiic ëbɛ̈n, raan riëëu en ku ye këpiɛth looi, yen anu ë Nhialic piɔ̈u.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

Romai 11:20

Ee yicdu, në baŋ de reec de gäm yen a dhuŋë ke bei, ku yïn, yïn kääc në gäm. Du yïnɔm muk nhial, ye riɔ̈ɔ̈c tei.

Romai 3:18

Ayek nyïïn ciën riëëu de Nhialic.”

Nyöŋ 25:18

Acïkï ee riɔ̈ɔ̈c ë Nhialic, agokï week mak në wekɔ̈ɔ̈th ciëën, të wään cä wek bäb ku cäk dak, ku nɛ̈kkï kɔc wään cï döŋ ciëën kedhie.

1 Theth 4:6

Ë cïn raan bï akeu waan, ciɛm mɛnhkënë ë këdäŋ: luɔi ee yen Bɛ̈nydït yen ee Raan bï ka cït ee kakë guöör kedhie, acït man cï wok e kɔn lɛ̈k week ayadäŋ, ku cuk röt tɔ ye cäätɔɔ.

1 Tham 12:24

Riëëukï Bɛ̈nydït, ku luööikï apiɛth në piɔ̈ndun ëbɛ̈n. Takï wenïïm në kajuëc cï keek luöi week