Lebai 25:14 - JAM DE NHIALIC 2011

¹⁴ Ka të ɣɔ̈c yïn raande Yithriɛl piny ku nɔn ee piny yen ɣɔc tëde yen, duökï ee luui në ruëëny.

Lebai 25:14 ပူးပေါင်းရင်းမြစ်များ

2 Lëk 16:10

Kënë acï Atha bɛ̈n tɔ diu piɔ̈u kekë monydaai, ago tɔ dɔm ku rek. Yen ee kaamë yic yen aacï Atha kɔc kɔ̈k bɛ̈n yɔŋ ë yaaŋ rac.

Diɛt 10:18

Yïn bï dhiën de kɔc yɔŋ ku mïth abɛɛr piŋ, abä keek luök yic, ago kɔc ke cïï bï bɛ aa riääc.

Kɛ̈ŋ 14:31

Raan ee kɔc kuanynyïïn yɔŋ, alɛ̈ɛ̈t Aciëŋden, ku raan ee piɔ̈u kok ke keek ee Nhialic riëëu.

Kɛ̈ŋ 21:13

Raan ee yeyïc kum të piŋ en kiɛɛu de raan kuanynyin, yïth acïkï bï piŋ në kööl ë kiɛɛude.

Kɛ̈ŋ 22:16

Yaaŋ de kɔc kuanynyïïn kɔɔr ë raan kajuëc ku miɔ̈c de kɔc kueth, ayek raan bɛ̈n nyääŋ kuany ë nyin.

Kɛ̈ŋ 28:16

Yaaŋ ee këde bɛ̈ny cïï käŋ ee yökiic, ku bɛ̈ny ee kum thok rɛɛc ee ceŋ ë bäänyic.

Kɛ̈ŋ 28:3

Raan kuanynyin ee kɔc kuanynyïïn yɔŋ ee ciët deŋ ee kɔ̈th riɔ̈ɔ̈k.

Kɛ̈ŋ 28:8

Raan ee känyke ŋuak nïïm, kake ayek bɛ̈n lɔ tëde kɔc ee kɔc kuanynyïïn kuɔny.

Wɛ̈ɛ̈t 5:8

Të tïŋ yïn piny ayɔŋë kɔc kuanynyïïn thïn ku jɔt yicden në riɛl, ke yï du gäi. Në luɔi ye bɛ̈ny nɔm dɛ raan mät ke yen nu në yenɔm, ku ade bäny dït kɔ̈k mät ë keek nu ë kenïïm.

Yith 1:17

ku wɛ̈ɛ̈tkï bäk yic aa looi. Abäk dhil tïŋ ke yic ye looi, ku kuɔnykï kɔc cï yɔŋ, ku yak mïth abɛɛr gäm yicden ku kuɔnykï diëër abɛɛr.”

Yith 33:15

Wek duëër pïïr të ya wek yic lueel ku luɔikï. Duökï riɛldun tɔ ye kë math wek kɔc kuanynyïïn ku duökï kumthok ee nööm. Duökï ee mat në kɔc loi kiɛɛr de nääk de raan, ku nɔn loikï karɛc kɔ̈k.

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Yith 58:6

“Thɛ̈kdiën kaar kï: nyaaikï kuɛɛt ke yaaŋ ku kuɛɛr ke luɔi rac kedhie, ku takï kɔc yɔŋ lääu nïïm.

Jeremia 22:17

Ku yïn ee këde piɔ̈ndu yen ye kɔɔr, yïn ee kɔc cïn gup awɛ̈ɛ̈c nɔ̈k, ku ye kɔcku kuur ë yaaŋ. Acïï Bɛ̈nydït lueel.

Edhekiɛl 22:7

Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Lebai 19:13

Du raan thiääk ke yïn ee yɔŋ ku du rum aya, ku du wëu kë raan lui yïn në ariöp ee pëën agut cï wakɔ̈u.

Lebai 25:15

Kuën aduëër ë mac, cït man ë run ke luɔk de dom, të ŋoot ë ruöön bï ë ye pɔ̈k nɔm wun wei.

Lebai 25:17

Duökï raanduön de Yithriɛl ee cam, yak riɔ̈ɔ̈c ë Nhialicdun, ee Yɛn Bɛ̈nydït Nhialicdun.

Maika 7:3

Acïk luɔi de kërac ŋic aläl kedhie, ku bäny ayek ariöp cɔɔl. Ku bäny ee lööŋ guiir ayek kumthok nööm. Ku kɔc ril acïk kethook mat kedhie, ku ayek kë kɔɔrkï tɔ loi.

Luk 3:14

Go alathkëër thiëëc an, “Na wook, eeŋö buk looi?” Go ke yɔ̈ɔ̈k an, “Ë cïn raan ruöm wek këde, ku ë cïn raan cäkï thok, ku yak piɔ̈ɔ̈th miɛt në ariöpdun.”

1 Kor 6:8

Ku we ye kɔc luöi kërac, ku yak kɔc cam, ayï kɔckun aya.

Bäny 4:3

Ku yen ade nɔm bot kadhoŋuan ke abëël ke tɔŋ ke wëëth, ku yen aa yɔŋ kɔc ke Yithriɛl në yaaŋ rac ë run kathiërrou. Go kɔc ke Yithriɛl dhiau në Bɛ̈nydït nɔm bïï keek luök.