Lebai 23:42 - JAM DE NHIALIC 2011

⁴² Kɔc ke Yithriɛl kedhie abïk aa rɛ̈ɛ̈r në pɛɛi yic në nin kadhorou.

Lebai 23:42 ပူးပေါင်းရင်းမြစ်များ

Cäk 33:17

Go Jakop lɔ̈ɔ̈k jäl ke lɔ wun cɔl Thukoth. Le rɔt yiëk ɣöt ëtɛ̈ɛ̈n, ku lui ɣɔ̈kke atook. Yen aa jɔ tɛ̈ɛ̈n bɛ̈n cäk an Thukoth.

Jeremia 35:10

Ku wok rɛ̈ɛ̈r në pɛɛny yiic, ku cïnku nïïm ɣööt, ku duum, ku rap. Ku wok cï lööŋ cïï kuɛɛrëda Jonadap lɛ̈k wook ëbɛ̈n riëëu.

Ɣodh 12:10

“Yɛn ë cï jam wokë tït ke Nhialic, ku gäm keek nyuuth juëc. Ku jääm kɔc ke Yithriɛl në kɛ̈ŋ, në liëp ke tït ke Nhialic.

Ɣodh 12:9

Ee Yɛn Bɛ̈nydït Nhialicdun, raan wään bïï week bei paan ë Rip. Wek bä bɛ tɔ cieŋ pɛɛny, cït man ɣɔn kan wek pɛɛny cieŋ në akööl ɣɔn ke dhuëŋ cï kuɛ̈ny bei ë jɔ̈ɔ̈ric.

Lebai 23:34

“lɛ̈kë kɔc ke Yithriɛl an, ‘Në kööl de thiëër ku dhïc në pɛɛi de dhorou, Dhuëëŋ de Kɛ̈ɛ̈t abï rɔt gɔl, ku abï nïn kadhorou lɛɛr.

Lebai 23:41

Guiɛɛrkï dhuëëŋ ke ee këde Bɛ̈nydït në nïn kadhorou ë ruöön yic ëbɛ̈n. Kënë abï kuatdun aa looi agut cï rem bï lɔ̈ɔ̈k bɛ̈n. Yak looi në pɛɛi de dhorou.

Kuɛ̈n 24:2

Go kɔc ke Yithriɛl tïŋ acï piɔ̈ɔ̈t në dhiën. Go wëi ke Nhialic bɛ̈n në yeguöp,

Kuɛ̈n 24:5

Pɛɛnykun alɛ̈kkï wek baai de Jakop tëduön ë rëër apiɛth yïn Yithriɛl.

2 Kor 5:1

Ku kënë aŋicku an, ɣöndan ë piny nɔm, yen paany ee wok rëër thïn, të cï en riääk, ke wo de ɣön bɔ̈ tëde Nhialic, ɣön ë cïï yïk ë raan ciin, ee ɣön bï tɔ̈u athɛɛr paannhial.