Lebai 23:38 - JAM DE NHIALIC 2011

³⁸ Kek ee miɔ̈ckë amɛ̈tkï në miɔ̈c ee gam ë kööl de löŋ ë Bɛ̈nydït, ku mɛ̈tkï në miɔ̈cdun, ku kakuön ya wek ke kuëëŋ, ku miɔ̈c de miɛtëpiɔ̈u yak gäm Bɛ̈nydït.)

Lebai 23:38 ပူးပေါင်းရင်းမြစ်များ

2 Lëk 31:14

Ku raan de Lebai cɔl Kore wën de Yimena bɛ̈ny de kɔc ee kal Thoŋ de Luaŋdït të lɔ aköl amiäk tiit, ee yen ee bɛ̈ny de miɔ̈c ɣeric aläl ye gäm Bɛ̈nydït dɔm, ku tek keek.

Diɛt 56:13

Në luöi cï yïn ya kony në thuɔɔu, ku luäk ɛn në tiëm bïï ë ya tiaam. Në biäk ee kënë yɛn ee cath në Nhialic lɔ̈ɔ̈m, yɛn cath në ɣɛɛr ë kɔc pïïr riaau.

Diɛt 76:12

ee wɛ̈ɛ̈t meliik ee röt lɛɛc kuɔɔr piny, ku tɔ meliik dït riɔ̈c.

Edhekiɛl 46:12

Të bïï ë wën bɛ̈ny miɔ̈c de miɛtëpiɔ̈u, na ee miɔ̈c ye nyop ëbɛ̈n, ku nɔn ee miɔ̈c de mät, ke ye miɔ̈c de miɛtëpiɔ̈u gëm Bɛ̈nydït, kal thoŋ të lɔ aköl amiäk abïï liëp en, ku abï miɔ̈cdɛn ye nyop ëbɛ̈n gam, ku nɔn ee miɔ̈cdɛn de miɛtëpiɔ̈u, cït man yen ye looi në kööl ë Thabath, ku kal abï thiɔ̈ɔ̈k thok të cï yen rɔt puɔ̈k biic.”

Lebai 19:3

Ku ŋɛk ë ye man riëëu kekë wun, ku yak kööl de Thabathdï döt, ee Yɛn Bɛ̈nydït Nhialicdun.

Lebai 23:3

Wek de nïïm nïn kadhetem bä wek lui thïn, ku kööl de dhorou abï aa kööl de lɔ̈ŋ. Ee kööl de män ɣeric. Acïn luɔi bä dhil looi. Ee Thabath de Bɛ̈nydït në ɣöötkun yiic ëbɛ̈n.

Lebai 23:37

(Kakë ayek dhuëëŋ cïï Bɛ̈nydït keek lɔc, dhuëëŋ bä wek lɔ̈ŋ ɣeric de amatnɔm aa looi ku gämkï Bɛ̈nydït miɔ̈c ye nyop ëbɛ̈n ë mac, ku miɔ̈c ë rap, ku miɔ̈c ee nɔ̈k ku miɔ̈c ee dek, ka ye keek gam ë aköölnyïïn.

Lebai 23:39

Yeka, gɔl në köölë thiëër ku dhïc de pɛɛi ë dhorou, të cä wek rɛɛp kë pinydun thöl në tëm, jakï dhuëëŋ luɔi Bɛ̈nydït në nin kadhorou. Kööl tueŋ ee kööl de lɔ̈ŋ, ku kööl de bɛ̈t ee kööl de lɔ̈ŋ aya.

Kuɛ̈n 29:39

Kakë ayek lööŋ cï mac në biäk de miɔ̈c bäk aa gäm Bɛ̈nydït, miɔ̈c ye nyop ëbɛ̈n ku miɔ̈c ë rap ku miɔ̈c ye dek ku miɔ̈c de mät bäk aa gam në akööl ke dhuëŋ ke ruöön thok ëbɛ̈n. Kakë abïk mɛt në miɔ̈c yak gam nyïïn: miɔ̈c de kuëŋ ku miɔ̈c de miɛtëpiɔ̈u.

Nyöŋ 12:6

Ëtɛ̈ɛ̈n, wek bï miɔ̈cduön näk gam, miɔ̈c ye nyop ëbɛ̈n, ku lɔ miɔ̈ckuön kɔ̈k näk, ku töŋduön ë thiëër ku miɔ̈cduön, ku miɔ̈c cä than an bäk aa gäm Bɛ̈nydït, miɔ̈cduön de miɛtëpiɔ̈u, ku kɛ̈i de weŋdun ayï thökkun.