Lebai 23:34 - JAM DE NHIALIC 2011

³⁴ “lɛ̈kë kɔc ke Yithriɛl an, ‘Në kööl de thiëër ku dhïc në pɛɛi de dhorou, Dhuëëŋ de Kɛ̈ɛ̈t abï rɔt gɔl, ku abï nïn kadhorou lɛɛr.

Lebai 23:34 ပူးပေါင်းရင်းမြစ်များ

1 Mel 12:32

Go Jerobowam dhuëëŋ looi në kööl ye pɛɛi de bɛ̈t thok thiëër ku dhïc cït man de dhuëëŋ nu ë Juda. Ku ye miöör ke adhääp wään cï looiyë näk miɔ̈c në yïk nɔm në Bethel, ku tɔ guc lui në ɣään thöny ɣɔn cï ke yïk në Bethel.

1 Mel 8:2

Go kɔc ke Yithriɛl kenïïm kut kedhie, në kööl ë Dhuëëŋ de Kɛ̈ɛ̈t në pɛɛi cɔl Ethanim, pɛɛi de dhorou.

1 Mel 8:65

Go Tholomon kekë amatnɔm dïït de Yithriɛl ëbɛ̈n Dhuëëŋ de Kɛ̈ɛ̈t looi në Bɛ̈nydït Nhialic nɔm ëtɛ̈ɛ̈n ë luaŋdït yic, në nïniic kadhorou. Go kɔc juëc kenïïm mat ëtɛ̈ɛ̈n, kɔc ëbɔ̈ në Ɣamath të lɔ rut, në aken ë Rip të lɔ wöuwic.

Edhr 3:4

Agokï Dhuëëŋ de Kɛ̈ɛ̈t looi, cït man cï ye gɔ̈ɔ̈r, ku yek miɔ̈c ye nyop ëbɛ̈n gam në aköölnyïïn, në kuën cït kë cï mäc en në kë ye kööl tök kɔɔr.

Neɣe 8:14

Gokï jɔ yökic nɔn ye lööŋ ë gëm Bɛ̈nydït, kɔc ke Yithriɛl në kueer ë Mothe ke yɔ̈ɔ̈k, bïk aa rëër në kɛ̈ɛ̈tiic në nïn ke akööl ke Dhuëëŋ de Kɛ̈ɛ̈t.

Bɛ̈n 23:16

“Yak dhuëëŋ de tëm looi, në baŋ de ka cï kɔn luɔk të cä wek tëm de ka cï luɔk gɔl ë duumkun yiic. “Yak Dhuëëŋ de Kɛ̈ɛ̈t looi, të ye käŋ määt yiic, kakuön cï luɔk ë duumiic në thök ë ruöön.

Bɛ̈n 34:22

“Yak dhuëëŋ de tëm döt, të gal wek tëm de agamɔ cï kɔn luɔk. Ku dɔ̈tkï dhuëëŋ de kɛ̈ɛ̈t rut të määt wek mïth ke tiimkun yiic.

Edhekiɛl 45:25

Në pɛɛi de dhorou, në kööl ë thiëër ku dhïc ë pɛɛi yic ku në nïn kadhorou de Dhuëëŋ de Kɛ̈ɛ̈t yic, yen miɔ̈c cït ee kënë de pal awɛ̈ɛ̈c, abï miɔ̈c cït ee kënë bɛ gam në biäk de miɔ̈c de awɛ̈ɛ̈c, miɔ̈c ye nyop ëbɛ̈n, ku miɔ̈c ë rap, ku miɔ̈c de miök de olip.”

Lebai 23:33

Go Bɛ̈nydït Mothe yɔ̈ɔ̈k an,

Lebai 23:42

Kɔc ke Yithriɛl kedhie abïk aa rɛ̈ɛ̈r në pɛɛi yic në nin kadhorou.

Lebai 23:43

Ago kuatdun ŋic nɔn cän Yithriɛl tɔ rɛ̈ɛ̈r në kɛ̈ɛ̈t yiic, wään bɛ̈ɛ̈i Yɛn keek bei paan ë Rip. Ee Yɛn Bɛ̈nydït Nhialicdun.

Kuɛ̈n 29:12

Matkï we nïïm në lɔ̈ŋ ɣeric yic në kööl ye pɛɛi de dhorou thok thiëër ku dhïc. Luöikï Bɛ̈nydït dhuëëŋ në nïn kadhorouwiic kë cïn raan lui.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 7:2

Ku dhuëëŋ ë Judai ë guɔ thiɔ̈k, Dhuëëŋ de Kɛ̈ɛ̈t.

Nyöŋ 16:16

“Röör ke jurdun ëbɛ̈n abïk aa bɛ̈n, bïk Bɛ̈nydït bɛ̈n lam raan diäk në ruöönic, të töŋ de läm: Në Dhuëëŋ de Kuïn Cïnic Luɔu, ku Dhuëëŋ de Winythok, ku Dhuëëŋ de Tëm, ku Dhuëëŋ de Kɛ̈ɛ̈t. Ku raan ëbɛ̈n abï miɔ̈c aa bɛ̈ɛ̈i,

Nyöŋ 31:10

Na wën ke yöök Mothe keek, an, “Të ye run kadhorou thook thök ëbɛ̈n, në ruöön ye käny pɔ̈l, në kaam ye Dhuëëŋ de Kɛ̈ɛ̈t de mät looi.

Ɣeberuu 11:13

Ku kek ë kɔckë aake ŋoot ë gämic, gäm de yic aŋäth ɣɔn thou kek. Cakaa nɔn kën kek kë cï kɔn lɛ̈k keek yök, ke keek amitkï piɔ̈ɔ̈th në luɔi ëye kek ee kakë tïŋ tëmec në nyin ë gäm. Ku gamkï luɔi ë ye kek kamaan lɛɛn ë këny ee pinyë nɔm.

Ɣeberuu 11:9

Në gäm de yic aŋäth yen aa tɔ ye rɛ̈ɛ̈r wun cïï Nhialic gäm en ke cït kaman. Aake ye rëër ë pɛɛnyiic ayï Yithaak ku Jakop kɔc wään cïï Nhialic ke bɛ̈n ŋoot ë ke gëm ee thönë.