Lebai 23:32 - JAM DE NHIALIC 2011

³² Ee kööl de löŋ de dhoŋuan ë pɛɛi agut cï lɔ piny de aköl në kööl ë thiëër. Yak ee köölë döt ke ee kööl de Thabath ë lɔ̈ŋ, ku ee köölë acïn kë bï cam.

Lebai 23:32 ပူးပေါင်းရင်းမြစ်များ

Neɣe 13:19

Guɔ kɔc yɔ̈ɔ̈k bïk thook ke pänydït aa thiöök kedhie thëën ëtɛ̈ɛ̈n në göl akööl ke Thabath ëbɛ̈n. Ku të cïï wakɔ̈u rɔt gɔl, thook acïï ke bïï aa tueer agut cï thök de kööl ë Thabath. Yɛn cï kɔckiën kɔ̈k ee ya luööi tuɔɔc në thook ke pänydïtic në biäk bän e ŋic nɔn cïn en kë cï bɛ̈ɛ̈i ë pänydïtic në kööl ë Thabath.

Diɛt 35:13

Ku wään cï jɔk ke dɔm, acä ke dhiëëu ku ciɛŋ lupɔɔ ka acuɔl në këden, ku rɛɛc cäm, ku läŋ ke ya gut a nɔm piny,

Diɛt 51:17

Nhialic miɔ̈cdï ee kuur cän rɔt kuɔɔr piny, Yïn cïï raan cï rɔt kuɔɔr piny ku gɛm karɛcke ee rɛɛc.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Lebai 16:29

Kënë abäk aa looi ë run nyïïn ëbɛ̈n. Në kööl ye pɛɛi de dhorou thok thiëër, wek bï röt dhil aa theek, ku duökï ee lui thïn, kɔc kedhie, raan de Yithriɛl, ayï alei rɛ̈ɛ̈r ë weyiic.

Lebai 16:31

Ee Thabath de lɔ̈ŋ, ka we bï dhil aa thek thïn, ee kë bäk aa looi ë run nyïïn ëbɛ̈n.

Lebai 23:27

“Kööl de thiëër në ee pɛɛiyë yic, ee kööl de atɛɛm. Yak lɔ̈ŋ ɣeric looi tëtök, ku duökï cäm ee köölë, ku gämkï Bɛ̈nydït miɔ̈c ee looi në mac.

Lebai 23:31

Kek ee lööŋkë, abïk aa kakë kuatdun ëbɛ̈n, agut cï rem bï lɔ̈ɔ̈k bɛ̈n tëduön bä wek rɛ̈ɛ̈r thïn ëbɛ̈n.

Lebai 23:33

Go Bɛ̈nydït Mothe yɔ̈ɔ̈k an,

Math 5:4

Thieithieei ë kɔc ë dhiau, abï ke luk piɔ̈ɔ̈th.

1 Kor 11:31

Ku tëë wo ye röt ŋiëc jɔ̈ɔ̈ny, adï cïï wo ye jɔ̈ɔ̈ny.

Ɣeberuu 4:11

Riitku röt piny apiɛth ke wo bï lɔ në ee lɔ̈ŋë yic, ke bï ciën raan bï ee lɔ̈ŋë dääk në woyiic cït man ë kek.

Ɣeberuu 4:3

Ee wok kɔc cï gam wapäc wok abï lɔ lɔ̈ŋ, cït man cï këcïgɔ̈ɔ̈r e lueel an, “Nhialic ë piɔ̈u diu, go kuëŋ yöök kɔc reec gäm an, ‘Wek cï bï mɛt në lɔ̈ŋdï yic taitai.’” Ku yen ee lɔ̈ŋë, aa nu kë cïï Nhialic kiëët të ɣɔn cï Yen piny thöl nɔm në cäk.