Lebai 23:28 - JAM DE NHIALIC 2011

²⁸ Duökï lui në ee köölë, në biäk ee yen kööl de atɛɛm. Në biäk bï ë week teem gup ë Bɛ̈nydït Nhialicdun nɔm.

Lebai 23:28 ပူးပေါင်းရင်းမြစ်များ

Yith 53:10

Aye Bɛ̈nydït lueel an, “Aa ye këdï piɔ̈ndï yen aa tɔ yen guöm, thonde aaye miɔ̈c näk bï päl de awɛ̈ɛ̈c bɛ̈ɛ̈i. Ka yen abïï kuatde tïŋ, abï pïïr ë run juëc aläl, ku në kueerde këdiën kaar abï tiam.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Lebai 16:30

Në ee köölë wek bïï teem gup, ago week waak në Bɛ̈nydït nɔm, ku we bï gup jɔ piath në karɛckun kedhie.

Lebai 16:33

Ku abï tëɣeric teem guöp, ku teem paany de mät guöp kekë yïk, ku abï bäny ke kake Nhialic ku kɔc ke amatnɔm kedhie teem gup.

Lebai 16:34

Kënë abäk aa looi ë run nyïïn ëbɛ̈n. Kɔc ke Yithriɛl abïï keek aa teem gup raan tök në ruöön yic në baŋ de karɛcken, Go Mothe ke looi cït man cï Bɛ̈nydït e yɔ̈ɔ̈k.

Lebai 23:27

“Kööl de thiëër në ee pɛɛiyë yic, ee kööl de atɛɛm. Yak lɔ̈ŋ ɣeric looi tëtök, ku duökï cäm ee köölë, ku gämkï Bɛ̈nydït miɔ̈c ee looi në mac.

Dhek 3:9

Aye Bɛ̈nydït de rɛm lueel an, Tiëŋkï, kuur cä cäp thar piny në Jocua nɔm tueŋ. Ade nɔm aguuk kadhorou. Abä tueŋ kɔ̈u, ku nyaai awäny de ee pinyë në kööl tök.

Ɣeberuu 10:10

Ënɔɔnë yen kë tɔ wo piɛthpiɔ̈ɔ̈th ka, në biäk cï Kërtho Nhialic riëëu ku gɛm rɔt raantök në këde kɔc kedhie.

Ɣeberuu 10:14

Näŋ töŋdɛn cï Yen rɔt tɔ näk, ë kɔc tɔ piɛthpiɔ̈ɔ̈th aɣet athɛɛr, kɔc cï päl karɛcken.

Ɣeberuu 9:12

Në ye tëɣericë yic acïï Kërtho lɔ thïn raantök në thonde, ku riɛmde guöpde yen aa gɛm, wïïthë piny ke cie riɛm de thök bɔɔth ku miöör, ɣɔn cï riɛmde kuëër piny në nyinda yic, yen acï Yen kuɔɔnyda giit ëbɛ̈n aɣet athɛɛr.

Ɣeberuu 9:26

Ku na ye rɔt gaam ë ruöön thok ëbɛ̈n Yen Kërtho adï cï gum raanjuëc gɔl të wään ciɛkë piny cït man ë bäny ke kake Nhialic ke Judai käŋ nɔ̈k ë ruöön thok ëbɛ̈n. Ku ë nɔn ciëënë në thök de luɔi de löŋ thɛɛr, ke jɔ rɔt nyuɔɔth raantök në luɔi cï yen riɛl ë kërac nyuän piny në gɛ̈m cï Yen rɔt gäm Nhialic näk nyiɛɛiyë karɛckuɔ.

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.

1 Jɔn 4:10

Nhiëër kï ee kënë, acie luɔi ë nhiɛɛr wo Nhialic, ee luɔi nhiɛɛr en wook, ago Wënde tuööc abï aa kë bï Nhialic luk në karɛc cuk looi.

1 Jɔn 5:6

Kënë ee raan ë bɔ̈ në pïïu kekë riɛm, yen aye Yecu Kërtho, aa cïï bɔ̈ në pïïu kapäc, ee pïïu ku riɛm.